استفسار لرجالة الشارك بخصوص نتشة فى الفتيس

**m.basha** · 07-10-2014 11:15 PM

السلام عليكم اخويا لسه شارى شارك خليجى 2014 بس فى نتشة كده فى الفتيس من التانى للاول فقط و مش من الاول للتانى لاء ده لما العربية تكون اخده الغيار التانى و تهدى شويه او تشيل رجللك من على دواسة البنزين و تدوس تانى تحس بنتشة كده فى الغيار يا ترى ده طبيعى فى العربية و لا ايه رايكم

**amr_8800** · 07-10-2014 11:21 PM

بص هو فتيس الشارك مش فيه اي نتشه دا فتيس اوتوماتك عادي ٤ غيار
هي العربيه عامله كام كيلو ومعاها ضمان ولا لا
وهل الموضوع ده من اول ما استلمتها ولا ظهر بعد كده

**m.basha** · 07-10-2014 11:36 PM

لاء العربية خليجى بضمان مجدى شاهين و هى من اول ما استلمناها وهى فيها النتشة ده

**amr_8800** · 07-10-2014 11:43 PM

غريبه اوي اول مره اسمع حد بيشتكي من فتيش الشارك

بص انا معرفش مين مجدي شاهين بس لو ليها ضمان عندو روحلو عشان ده مش طبيعي
وان شاء الله المشكله تكون بسيطه
وياريت تعرفنا عملت ايه
ولو مستلم العربيه كده متسيبش حقك وازعى تسدؤو لو قالك ان ده طبيعي وان الفتيس كده

**m.basha** · 07-10-2014 11:51 PM

هو مجدى شاهين ده موزع معتمد فى اسكندرية بص هى غريبة فعلا موضوع النتشة بس انا سوقتها منه فعلا لما تبقى حاطط الغيار الثانى و تشيل رجللك من على دواسة البنزين و تهدى و ترجع تدوس تانى العربية بتاخد واحدة كده نتشة خفيفة ممكن يبقى ايه سينسور مثلا عايز يتغير و لا ايه

**hany63** · 07-10-2014 11:51 PM

هوا اخوك اول مره يمتلك او يسوق اوتوماتيك ؟
لو الاجابه نعم قول له يخف رجله لنص الدواسه بعد ما يطلع على الاولاني عشان تاخد الغيار التاني مرتاح

**amr_8800** · 08-10-2014 12:03 AM

المشاركة الأصلية كتبت بواسطة hany63

هوا اخوك اول مره يمتلك او يسوق اوتوماتيك ؟
لو الاجابه نعم قول له يخف رجله لنص الدواسه بعد ما يطلع على الاولاني عشان تاخد الغيار التاني مرتاح

يا فندم الراجل بيقولك من الثاني للاول مش من الاول للتاني يعني هو فعلا بيبقا شايل رجله

**m.basha** · 08-10-2014 12:12 AM

فعلا عمرو باشا من التانى للاول فقط بحس بيها لكن باقى الغيارات عادى خالص مافيش مشكلة

**ayam7** · 08-10-2014 12:23 AM

حاول تعمل إعادة تهيئة بفصل كابل البطارية السالب لدقائق وتوصيلة مرة أخرى وإتباع تعليمات إعادة البرمجة بعد تركيب كابل البطارية من كتالوج السيارة

**ahmedshafei777** · 17-05-2015 02:57 PM

الفتيس الاتوماتيك محتاج تتعامل معاه بهدوء شوية يعني متكبسشي عليه في وقت معين يكون داخل على مرحلة النقل من غيار لغيار والا هتحصل النتشة دية والكلام ده في اغلب الاتوماتيك واللى اول مرة بيسوق اتوماتيك بيحصل معاه الموقف ده ويفتكر ان فيه مشكلة

توكل على الله مافيش حاجه في العربية

وشكرا