تسعير سياره لوجان 2010

**omar312eg** · 07-10-2014 11:55 PM

محتار بين اللوجان واللانسر
المهم اليوم واحد فرجنى على سياره لوجان 2010 فابريكه بصراحه حالتها ممتازه وماشيه 51000 كم
1600 كامله فرش الارضيه الفابريكه الاستبن فى مكانه ولم ينزل
يعنى من الاخر حالتها مميزه جدا
بس صاحبها طالب 60000 وبصراحه هى طالعه من عينى وخاصه انها فى نفس بلدتى ومش هاروح مرور تانى وادوخ
ايه رايكم يا اخوانا

**amr011111** · 07-10-2014 11:58 PM

يا سلام والله كويس
الناس بتركب فى مصر العربيه وتكسب فيها كمان
عربيه كان شاريها زيرو ب 67 الف جنيه
وركبها 4 سنين وعامل بيها 50 الف كيلو وبيبعها ب 67 ده احسن من الاستثمار فى العقار

**Super_Star_h** · 08-10-2014 12:12 AM

اللوجان ماسكه سعر على فكره
انا كنت بايع عربيتى اللوجان 2010 ب 60 ألف وكانت ماشيه 75 ألف كيلو تقريبآ

**omar312eg** · 08-10-2014 12:30 AM

ايوه ماسكه سعر بس متوسط سعرها على مواقع النت بين 50000الى 55000 بس طبعا ما بنشوفشى حالتها

**Islam Hany** · 08-10-2014 12:42 AM

المشاركة الأصلية كتبت بواسطة amr011111

يا سلام والله كويس
الناس بتركب فى مصر العربيه وتكسب فيها كمان
عربيه كان شاريها زيرو ب 67 الف جنيه
وركبها 4 سنين وعامل بيها 50 الف كيلو وبيبعها ب 67 ده احسن من الاستثمار فى العقار

استاذي اسمحلي الرد عليك في الجزئية ده ,, العربية اللوجان اللي هو مشتريها ب67 الف كان ساعتها مثلا الالنترا ب90 مثلا لكن نظرا لارتفاع الاسعار و زيادة الدولار و استهبال التجار و التوكيلات النيو لوجان في ال80 و الالنترا عديت فوق ال100 اذا اللي هيبيع عربيته القديمة بالسعر اللي حضرتك شايفه عالي ده مش كسبان لان الجنيه قل و لو حب يجيب حاجة مش هيعرف نظرا لغلاء معظم السيارات والفلوس اللي خدها صحيح نفس قيمتها تقريبا قلت 5 او 6 الف لكن الفلوس نفسها قيمتها قلت فسعر السيارة لازم يعلي عشان ماتبقاش خسارة فادحة للبيبيع و غير كدة تبقي في طوبها المناسب بالنسبة للسيارات الجديدة و المستعملة في السوق و تقدر تجاري السيارات المستعملة في باقي السوق و ده لا يمنع ان فيه ناس كتيير بتستهبل و نرفع الاسعار بس انا شايف ان ال60 الف للعربية ده يقلو 2 او 3 يبقي زي الفل و تقبل مروري

**Super_Star_h** · 08-10-2014 01:16 AM

المشاركة الأصلية كتبت بواسطة omar312eg

ايوه ماسكه سعر بس متوسط سعرها على مواقع النت بين 50000الى 55000 بس طبعا ما بنشوفشى حالتها

يا باشا عادى انا بايعها من عن طريق النت
اللوجان هتلاقى حالات كتيره نضيفه منها
عشان دى تعتبر لسه موديل حديث برضو

**م.أحمد الدسوقي** · 08-10-2014 03:36 AM

اتكل علي الله في اللوجان

بص يا كبير انا معايا لوجان 2014 زيرو شكل قديم وليا معارف معاهم لوجان حديث وزيرو ومستعمل

ولوجان متهانه ولوجان محترمه

العربيه دي منتهي النضافه والتحمل والاعتماديه وحتلاقي قطع غيارها مرميه وحتفضل مرميه سنين وسنين جديد ومستورد جوا التوكيل وبراه وبياعه اكتر من اللانوس والفيرنا

العربيه دي انا بفتخر اني جبتها عمرها طويل وتجيب فلوسها وتشرف اللي راكبها وتريحه

اللانسر طبعا يقال فيها ما في اللوجان تمام بس خد بالك اللانسر دي شيطان جرايه جدا ومفيش داعي للجري

بس طبعا بتحك في المطبات بعكس اللوجان حكت معايا مره في مطب قمت واقف بالعربيه ووقفت الشارع مش عشان خايف عليها عشان اشوف ايه المطب الرهيب ده اللي لمس بطن اللوجان!!!!!!!!!!!

لقيته حجر اتفرك تحت العجله اللي قدام وحك في نص العربيه وطبعا ده لا يعيبها الا في الخيال العلمي

غير كدا سافر بيها ارياف صحاري مش بتحككككككككككككككككك خاااااااااااااااااااااالص

اللوجان مش جرايه لو شديت مع واحد لكن تكفيك لو حبيت تتسارع عشان تخطي او غيره والله عربيه اسطوره