سيراتو كوبيه ولا لانسر شارك؟

**Mohamedjetta** · 18-10-2014 06:13 PM

المشاركة الأصلية كتبت بواسطة ahmender

واضح ان حضراتكم ملاك كوبيه.. وحضراتكم اتفقتم على ان ثباتها مش حلو.. انا راكب عربية اسبرانزا صيني ومع ذلك ثباتها ممتاز لحد 150 كيلو ( اقصى سرعه مشيت عليها ).... معقول يكون ثبات السيراتو أقل؟؟؟ ولا تقصدوا ان ثباتها وحش لكن على سرعات اكتر من 140 او 150؟
أصل حتى الامجراند جربتها فوق 140 كليو ثابته جدا! معقول السيراتو مش ثابته رغم النشوفيه دي ؟ ولا انا فاهم غلط؟

بص حضرتك انا معايا النترا 2010 وبجيب 200 بس خطر طبعا عاوزه واحد متحكم جدا ومش بيخاف
لو من النوع اللي بتخاف هتمشي بالكوبيه 180 او 170 مع اني شايف السرعه دي قليله اوي
اصل لما بمشي 170 بالالنترا مش بحس بعومان يعني لو ركبت الكوبيه اكيد همشي 200 مرتاح
هما يمكن قصدهم في الغرز و الكلام ده

**Mohamedjetta** · 18-10-2014 06:15 PM

ولاحظ عفشه الالنترا 2010 نعمه جدا جدا وكمان العربيه عندي جنوط 15 يعني الكوبيه اكيد احسن منها بمراحل لانها عفشه خشنه رياضيه و جنوط 17
اشتري الكوبيه وانت مطمن متخفش

**toty_305** · 18-10-2014 07:58 PM

Koup طبعا

**monamize4** · 18-10-2014 10:02 PM

المشاركة الأصلية كتبت بواسطة Ahmender

واضح ان حضراتكم ملاك كوبيه.. وحضراتكم اتفقتم على ان ثباتها مش حلو.. انا راكب عربية اسبرانزا صيني ومع ذلك ثباتها ممتاز لحد 150 كيلو ( اقصى سرعه مشيت عليها ).... معقول يكون ثبات السيراتو أقل؟؟؟ ولا تقصدوا ان ثباتها وحش لكن على سرعات اكتر من 140 او 150؟
أصل حتى الامجراند جربتها فوق 140 كليو ثابته جدا! معقول السيراتو مش ثابته رغم النشوفيه دي ؟ ولا انا فاهم غلط؟

انا مش مالك للسيراتو ,, بس بتكلم عن تجربة ( بنفسى ) لسيراتو عادية و كوبيه بتوع اصحابى
السيراتو ثباتها متواضع و مش مبهر يعنى نقول ثباتها كويس لحد 120 او 140 بالكتير اوى و
متاخدش ملف صعب بيها بنفس سرعتك ,, اكتر من كدا يبقى انت مسئول عن نفسك و بتخاطر بعمرك
و العفشة ف السيراتو بالجنط ال 17 ,, ناشفة جدا اما الشارك طبعا اثبت من السيراتو و انعم ف العفشة
الاسبرانزا ال A516 كنا سافرنا بيها من اسيوط للقاهرة من فترة كبيرة و الصراحة مايتمشيش بيها ع 150

و خلى بالك ان موضوع الثبات دا نسبى ,, يعنى لما تجرب عربية اثبت من عربيتك و تجرى بيها
بسرعه انت كنت فاكر ان عربيتك ثابته فيها ,, هتكتشف ان عربيتك مش ثابته و لا حاجة
و خلى بالك ان الثبات مش مجرد احساس و مش بيتقاس بالجرى ف خطوط مستقيمة
الفيرنا ممكن توصل 200 ,, لكنها مش ثابته و تخاف تاخد ملف بيها على 100

و اصلا احنا ف مصر مش محتاجين السرعات العالية و اصلا مفيش عربية تحت ال 200 الف
هتحققلك الثبات و الامان - زى ما الكتاب بيقول - على السرعات العاليه و لو جربت انك تركب الفئة
ال 5 ser او ال E مثلا هتكتشف ان اللى الناس بتعمله بعربياتها دا انتحار اصلا

**khaledazizeg** · 19-10-2014 08:18 AM

بص انا هاقول حاجه لحضرتك عن موضوع الثبات انا مشكلتي اني كنت راكب بريليانس frv كانت عفشه الجولف ٤ بالكامل وكان فيها زاويه ميل العجل زى المرسيدس وكل الالماني فكان في ثبات رائع في الطرق الوعره والملفات الشديده لكن الكوبيه عفشه عاديه وعادي العربيه ممكن اجيب بيها سرعات عاليه هيا انا بتكلم لو حاجه طارئه قابلتك في الطريق واخدت غرزه مفاجأه اجمل ميزه في الالماني عدم احساسك بالسرعه يعني انتا لو مش مركز علي العداد هتلاقي نفسك معدي ال ١٤٠ وانتا مش حاسس بالسرعه بعكس الكوبيه
هيا من الاخر عربيه بتدلعك من جوا وشكل رياضي بس لكن مش اداء رياضي

**monamize4** · 22-10-2014 10:13 PM

المشاركة الأصلية كتبت بواسطة ahmender

شكرا لردودكم.
عندي فى الاسبرانزا 516 الثبات فعلا ممتاز لحد 140 او 150 وكنت بعمل غرز على سرعات حتى 130 بثبات... وده مع تجربة انواع أخرى على سرعات متقاربه سواء سيارات اخواتى او اصدقائي. زي الصنى والاسبرانزا m11 والكرولا واللانسر بوما.. البوما كانت أحسن واحده وبعديها عربيتي. يمكن عندي الثبات كويس لانى مغير العفشه كلها لعفشة بوما أصلية. والكاوتش ياباني برضو.
فخليني اسأل السؤال بشكل تاني.. هل البوما أثبت من سيراتو كوبيه؟؟؟ لو كده يبقى هجيب شارك وش او حتى أتراج زيرو وهبعد ع7ن السيراتو..
وانا بكل حال من الأحوال مش بعدي 160 . وسرعتى فى معظم الوقت بتكون 120 الى 130

البومة ثباتها كويس لكنه مش اسطورى رغم انها مالتى لنك لانها ف الاخر تكنولوجيا قديمة حوالى 10 سنين
و برضه مش كل المالتى لنك ممتاز و عندك الالنترا ال hd اكبر مثال على كدا لانها رغم ان
عفشتها مالتى لنك الا ان ثباتها متواضع اوى و اقل من البومة ف الثبات و دى فروق بين الشركات

المهم ان السيراتو و البومة ثباتهم مش بعيد اوى عن بعض و ان كنت برتاح اكتر ف البومة لانها ماللتى لنك
عكس السيراتو اللى عفشتها تورشن بيم و بالتالى شنطتها بتلعب

الخلاصه ان الشارك ثباتها اعلى من البومة و من السيراتو
اشترى سيراتو لو عايز شكل مميز و اوبشنز كتييييييييييييييييييير ,, اشترى شارك لو عايز ثبات اعلى

**kledlnaql** · 23-10-2014 12:23 PM

المشاركة الأصلية كتبت بواسطة khaledazizeg

نصيحه ليك لو انتا بتاع جري وغرز وثبات الاتنين مش هيعجبوك انا معايا كيا سيراتو كوبيه 2011 وهيا مش رياضيه خالص والا ثبات والا نيله ودا لاني نزلت من عفشه الماني لعفشه كورى لكن انتا لو ماركبتش الماني قبل كده يبقي خليك في السيراتو
عامتا قطع الغيار
فانوس خلفي رفرف ب 550 جديد من عند الجندي وكيل
الاكصدام الخلفي بيعمل 1300 استيراد كامل
الاكصدام امامي كامل بالفوجات 2000 جنيه استيراد
ازاز مرايه ب120 الواحد اصلي .تقليد ب 60 جنيه
زجاج امامي ب 490 من عند جريش العاشر من رمضان
حاجاتها معقوله يعني من غاليه اوى والا رخيصه

مع احترامي ليك بس انت مجربتش السيراتوا اللي فيها esp و traction control لو كنت جربتها كنت غيرت رأيك
وهزاود علي اسعار قطع الغيار
فانوس خلفي شنطه 450
فانوس امامي هاي لاين ماتور لرفع النور في الطرق الضلمه 1200
فانوس امامي عادي 700
تيش ميزان 130
الفلاتر و البوجيهات اسعار الكوري عادي
الاسعار من الجندي في شارع دمشق

-

-

الموضوع: سيراتو كوبيه ولا لانسر شارك؟

LinkBack

أدوات الموضوع

عرض

-

-

-

-

-

-

المواضيع المتشابهه

لانسر شارك - نيو سيراتو

اوكتافيا a5 ولا لانسر شارك ولا كيا سيراتو ؟؟

لانسر 1600 - لانسر شارك - نيو سيراتو - النترا

لانسر شارك ولة نيو سيراتو sx

:: اقتناع تام بمتسوبيشى لانسر شارك بعد تجربة النيو سيراتو كوبيه ::

الكلمات الدلالية لهذا الموضوع

المفضلات

المفضلات

ضوابط المشاركة