يوسف البدرى يطالب شيخ الأزهر بإلغاء 28 من أسماء الله الحسنى

**romeeoo** · 26-10-2008 11:48 PM

مصراوى - خاص - قام الشيخ يوسف البدرى بإرسال إنذار قضائي على يد محضر للدكتور سيد طنطاوى شيخ الأزهر والدكتور هانى هلال وزير التعليم العالي والدكتور محمود زقزوق وزير الأوقاف والدكتور يسرى الجمل وزير التعليم طالبهم فيه بتعديل أسماء الله الحسنى وحذف 28 اسما منها .
وأكد البدري بأنه لا يجوز تسمية الله بالخافض والمعز والمذل والعدل والمميت والولي والضار والنافع والباقي والصبور والرشيد والمقسط حيث ان هذه الأسماء نحتت من افعال جاءت بالكتاب والسنة فى الوقت الذى اجمع فيه العلماء بعدم جواز نحت اى اسم من أسماء الله الحسنى من اى فعل لان الله يجب ان نسميه بما سمى به نفسه .
كما اكد البدرى انه سوف يكتب مصحفا جديدا يحتوى على ستة ألوان يشير فيها الأحمر الى اسماء الله الحسنى والأخضر لأفعاله تعالى والأزرق للأسماء المضافة والموصوفة والزهري البنفسجي لصفات الله تعالى والبني الفاتح لما نفاه الله تعالى عن نفسه من الصفات والأفعال مشيرا الى انه ارسل الى مجمع البحوث الإسلامية للحصول على الموافقة بحق التداول .
وقد أكدت دار الإفتاء في ردها على ما أثاره يوسف البدري على موقعا الالكتروني، أن هناك اجتهادات قديمة من قبل العلماء في هذا الموضوع، لكن رواية الترمذي الشهيرة هي أرجحها، موضحة كذلك أنها لا تنحصر في التسعة والتسعين أسمًا المعروفة، وإنما تتجاوز ذلك دون تحديد.
واعتبرت دار الإفتاء محاولات العلماء لتعيين التسعة والتسعين أسما، اجتهادات مقبولة، ويجوز للمسلم تقليد إحداها، لكنها مع ذلك رفضت التعصب لرأي معين، والحكم ببطلان ما عداه، كما ذهب العلماء الذين أنذروا شيخ الأزهر الدكتور محمد سيد طنطاوي من أجل إلغاء 28 اسمًا من أسماء الله الحسنى، بدعوى عدم صحتها، وعدم جواز تسمية الله بها، واستبدالها بـ "الأسماء الصحيحة الثابتة بالكتاب والسنة".

--------------------
انا ليا بس تعليق بعيدا عن الخلاف محل الخبر لأنه خلاف من قديم الأزل

ياريت الناس تقرأ وتفهم يعنى ايه اختلاف فى الرأى ومناقشته بدون تعصب

**TaoTao** · 27-10-2008 12:04 AM

المشاركة الأصلية كتبت بواسطة romeeoo

كما اكد البدرى انه سوف يكتب مصحفا جديدا يحتوى على ستة ألوان يشير فيها الأحمر الى اسماء الله الحسنى والأخضر لأفعاله تعالى والأزرق للأسماء المضافة والموصوفة والزهري البنفسجي لصفات الله تعالى والبني الفاتح لما نفاه الله تعالى عن نفسه من الصفات والأفعال مشيرا الى انه ارسل الى مجمع البحوث الإسلامية للحصول على الموافقة بحق التداول .

ياريت الجملة كانتت تُصاغ بأسلوب تاني .. يعني أنا أول ما قريت الجملة قلت إنه هيألف مصحف !
يعني كان ممكن يقول "سوف يكتب آيات المصحف بأسلوب جديد" أو طريقة طباعة جديدة.
غير كدة بقى الموضوع وصل لمحاضر وإنذار على يد محضر !! دول شيوخنا الأفاضل ولهم كل تقدير واحترام ومايصحش يتقال "إنذار على يد محضر" لشيخ الأزهر.
خصوصا إن الموضوع زي ماقالوا اجتهاد من علماء .. يعني مالوش لزمة المحاضر والكلام المؤذي ده.

**OsKaR** · 27-10-2008 12:13 AM

المشاركة الأصلية كتبت بواسطة TaoTao

ياريت الجملة كانتت تُصاغ بأسلوب تاني .. يعني أنا أول ما قريت الجملة قلت إنه هيألف مصحف !
يعني كان ممكن يقول "سوف يكتب آيات المصحف بأسلوب جديد" أو طريقة طباعة جديدة.
غير كدة بقى الموضوع وصل لمحاضر وإنذار على يد محضر !! دول شيوخنا الأفاضل ولهم كل تقدير واحترام ومايصحش يتقال "إنذار على يد محضر" لشيخ الأزهر.
خصوصا إن الموضوع زي ماقالوا اجتهاد من علماء .. يعني مالوش لزمة المحاضر والكلام المؤذي ده.

+1
انا برضه صعقت اما قريت العباره اول مره عموما اساسا اسماء الله الحسنى كلها اجتهادات
مفيش حاجه اسما صفه و اسم كلها صفات
ده كان رأيي و من قال لا اعلم فقد افتى

**waled369** · 27-10-2008 12:16 AM

لا تعليييييييييييييييييييييي ييييق

**l0new0lf** · 27-10-2008 12:43 AM

شوفتوا الضرب بييجى من جوه و من بره ازاى؟

**mesho** · 27-10-2008 01:29 AM

وإيه فايدة نقل خلاف العلماء لأعضاء منتدى سيارات؟

**Bossy_Fadl** · 27-10-2008 06:07 AM

غريب اوي الموضوع ده

تصدقوا يا جماعة اول مرة اكتشف جهلي

مكنتش اعرف ان اسماء الله الحسني اجتهادات

انا كنت فاكرة انهم منزلين

امال علي اي اساس قيل ان من احصاها دخل الجنة؟؟؟؟؟؟؟؟

طيب و يا تري كانت اجتهادات مين؟

و يا تري هيستقرو علي ايه و انهي الاصح؟

المشاركة الأصلية كتبت بواسطة mesho

وإيه فايدة نقل خلاف العلماء لأعضاء منتدى سيارات؟

ساحة الاخبار المنقولة كلها قايمة علي اخبار مش بالضرورة تبقي عن السيارات خالص

و كذلك المنتدي العام و الاجتماعي

اشمعني الموضوع ده بالذات اللي هنقول عليه ايه علاقته بالسيارات؟

لو حضرتك اخدت بالك من ال Description اللي مكتوب تحت كلمة الاخبار المنقولة

هتلاقي مكتوب( مواضيع و اخبار منقولة ...اجتماعيات_سيارات)

**M.Mokhtar** · 27-10-2008 02:38 PM

المشاركة الأصلية كتبت بواسطة Bossy_Fadl

لو حضرتك اخدت بالك من ال Description اللي مكتوب تحت كلمة الاخبار المنقولة

هتلاقي مكتوب( مواضيع و اخبار منقولة ...اجتماعيات_سيارات)

+100000000000

بس انا شايف ان الكلام ده مش يصح انه يتعرض على عامة الشعب كده
زى مثلا الفتاوى اللى غريبه اللى بتنزل اليومين دول

احنا مش اهل للنقاش فى الحاجات دى
المفروض بعد ما الموضوع يتحدد صح ولا غلط ورأيى المفتى والكلام ده يبدأو بعد كده يعملوا اعلان

مش يتوهوا الناس معاهم وفى الاخر متعرفش مين الصح ومين الغلط
وناس بتستغل الفرصه وتقول كلام مسيئ عن الاسلام بسبب الكلام الفارغ اللى كل يوم واحد طيلع يقوله ويعمل نفسه شيخ وفاهم وباقى العلماء مش فاهمين حاجة

**romeeoo** · 27-10-2008 05:37 PM

المشاركة الأصلية كتبت بواسطة Bossy_Fadl

غريب اوي الموضوع ده

تصدقوا يا جماعة اول مرة اكتشف جهلي

مكنتش اعرف ان اسماء الله الحسني اجتهادات

انا كنت فاكرة انهم منزلين

امال علي اي اساس قيل ان من احصاها دخل الجنة؟؟؟؟؟؟؟؟

طيب و يا تري كانت اجتهادات مين؟

و يا تري هيستقرو علي ايه و انهي الاصح؟

الموضوع ده محسوم من زمان قوى يا بوسى بس هو فيه ناس كده تحب تعمل فرقعه زى موضوع رضاع الكبير كده وزواج المتعه مواضيع قديمه وانتهت وبتتفتح عشان يشغلوا الناس
لو انتى فتحتى صحيح البخارى مش حتلاقى حديث جامع شامل للأسماء الحسنى
حتلاقى الحديث ده:
حدثنا أبو اليمان أخبرنا شعيب حدثنا أبو الزناد عن الأعرج عن أبي هريرة
:
أن رسول الله صلى الله عليه وسلم قال ( إن لله تسعة وتسعين اسما مائة إلا واحدا من أحصاها دخل الجنة )صدق رسول الله صلى الله عليه وسلم
وهما بيجتهدوا من ايام الصحابه انهم يجمعوا الأسماء المعروفه من القرأن والسنه وفيه اسماء فى السنه مش موجوده فى القرأن والأسماء اللى فى السنه منها اسماء فى احاديث ضعيفه ومن هنا بيجى الخلاف وهكذا

المشاركة الأصلية كتبت بواسطة M.Mokhtar

+100000000000

بس انا شايف ان الكلام ده مش يصح انه يتعرض على عامة الشعب كده
زى مثلا الفتاوى اللى غريبه اللى بتنزل اليومين دول

احنا مش اهل للنقاش فى الحاجات دى
المفروض بعد ما الموضوع يتحدد صح ولا غلط ورأيى المفتى والكلام ده يبدأو بعد كده يعملوا اعلان

مش يتوهوا الناس معاهم وفى الاخر متعرفش مين الصح ومين الغلط
وناس بتستغل الفرصه وتقول كلام مسيئ عن الاسلام بسبب الكلام الفارغ اللى كل يوم واحد طيلع يقوله ويعمل نفسه شيخ وفاهم وباقى العلماء مش فاهمين حاجة

كلام سليم جدا
بس عارف ليه الشعب مش مؤهل انه يتعرض عليه الكلام ده؟
لأن نسبه كبيره منه اميين ونسبه اكتر مقصره فى تحصيل العلم الشرعى

**M.Mokhtar** · 27-10-2008 10:58 PM

المشاركة الأصلية كتبت بواسطة romeeoo

كلام سليم جدا

بس عارف ليه الشعب مش مؤهل انه يتعرض عليه الكلام ده؟
لأن نسبه كبيره منه اميين ونسبه اكتر مقصره فى تحصيل العلم الشرعى

حتى لو مفيش اميه خالص
مش ممكن نسيب اى حد يقول اى حاجة
لازم لو فى امر جديد يبقى ليه جهة مختصه للفتوى
مش اى واحد دارس اى حاجة يطلع يقول اى كلام

الموضوع: يوسف البدرى يطالب شيخ الأزهر بإلغاء 28 من أسماء الله الحسنى

LinkBack

أدوات الموضوع

عرض

-

-

-

-

-

المواضيع المتشابهه

اسماء الله الحسنى و تفسيرها

أسماء الله الحسنى مع الشرح

«عز» يطالب بإلغاء العلاج على نفقة الدولة و«غالى» يدرس فرض رسوم جديدة على السجائر

الأزهر يطالب الأجهزة الأمنية بمصادرة كتاب (الحب والجنس في حياة النبي)

الكلمات الدلالية لهذا الموضوع

المفضلات

المفضلات

ضوابط المشاركة