ايه توقعاتكم لسوق العقارات فى مصر فى ظل الظروف العالمية والمحلية الحالية هل هى فى انخفاض ام فى ارتفاع
عرض للطباعة
ايه توقعاتكم لسوق العقارات فى مصر فى ظل الظروف العالمية والمحلية الحالية هل هى فى انخفاض ام فى ارتفاع
- انخفاض سعر الحديد..
- القبض على هشام طلعت مصطفى
- الظروف العالمية وانخفاض الاسعار عموما
اكيد عوامل ليها تأثير على سوق العقار وان كان على المدى البعيد...
علشان سوق العقارات يحس بالاسعار لازم الاسعار تفضل منخفضة حوالى سنة علشان الشقق ترخص لان الى بانى برج حاليا مش هيتاثر لانة بانى فى الاسعار الغاليةبس طبعا هيتنازل عن جزى بسيط من ربحة
ولكن الاثار الحقيقية هتبان مع البنايات الجديدة فى ظل الانخفاض الحالى للاسعار
لا على المدى القريب مش البعيد
البنوك تعاملاتها مع المشاريع العقاريه حتختلف
ناس كتيره فلوسها راحت ومافيش سيوله للشراء
البيع حيبقى اضطراري والسعر حيتبهدل في السوق
هوجه الحديد اللي سعره حيتقندل بعد ما اوكرانيا خدت قرض ب 16 مليار من البنك الدولي والطلب العالمي اللي حيبقى صفر عالحديد زائد دخول الهند السوق بقوة حيقندلو سعر الحديد وما حدش حيشتري خالص
الاقتصاد العالمي اللي دخل مرحله ركود على الاقل في الخمس سنوات القادمه
السياحه-التصدير-المشاريع الاستثماريه الكبرى حيعدمو السيوله تماما
اسعار كل شيء حتنخفض وبقوة بنسبه 40%
سوق العقارات ابتدى من دلوقتي في مرحله انعدام وزن والسنه اللي جايه حيدخل في مرحله الوقوع وبشده وبسرعه
مافيش ادنى شك ان سنه 2009 حتشهد مهازل اقتصاديه مريبه حتدخل سوق العقارات في دوامه غير مسبوقه تطيح بالاسعار الى مرحله ما قبل 3-4 سنوات فاتت
بسؤال أحد السماسرة....
قال انه متوقع نزول أسعار العقارات علي أول السنة بحد أقصي 15%
يعني الشقة ام 200000 تبقي بحوالي 170 180
اللي باني برج حيلاقي واحد باني جنبه برجين بيبيع اقل منه بمقدار 40% فحينزل عنه عشان يسدد فلوسه فالتاني حينزل وهكذا...يعني هوجه...واحنا اقتصادنا مبني على الهوجه في الطالع وفي النازل
اللي سعره ممكن يبقى اكثر استقرارا هي الاراضى وبس..لان المواد الخام حتبقى بتراب الفلوس
- تآكل السيولة الواضح في بورصة الأوراق المالية وبالتالي إنخفاض القوه الشرائية لجزء كبير من اصحاب الدخول المرتفعة.
- إنخفاض أسعار مستلزمات البناء عالميا وضعف الطلب عليها.
- إنخفاض السيولة في دول الخليج نتيجة تراجع أسعار البترول بشكل كبير هايكون له أثر كبير في إستثمارات الافراد و الشركات الخليجية في سوق العقارات في مصر.
العوامل السابقة ترجح إنخفاض تدريجي في أسعار العقارات ومدى الإنخفاض يتحدد بمدى إستمرار الأزمة.
تحياتي.
يارب العقارات تنزل بنسبه 40% زي مابيقولو
بس امبارح د/ محمد النجار علي ما اتذكر الاسم في قناه مش فاكرها (مراتي اللي شافت البرنامج ده) قالي اللي هيتأثر مش الشقق بتاعه محدودي الخل والكلام الفاضي 60 الي 100 متر اللي هينزل الشقق الغاليه ام 1 و2 و3 مليون
لان الناس دي هي اللي هتبيع اما الغلابه مش هيفكرو يبيعوا
بس انا نفس كل الشقق تنزل عشان الواحد يترحم من الايجار الجديد اللي بدفع فيه وانا مش حاسس اني في الاخر بعمل حاجه انا بقالي 5.5 سنه قاعد في ايجار جديد
يعنى من الاخر بلاش الواحد يستثمر فلوسه فى العقارات متوسطة السعر الى فى حدود 70 الف ولا ايه؟؟؟؟؟؟