في مصر صعب حد ينزل تمن حاجة بيمتلكها هو الي هايحصل ان السوق هايقف و الاسعار هاتثبت زي ما حصل في اواخر التسعينات.. بس ان شقة تمنها ينزل دي انا ماشفتهاش بتحصل في مصر
عرض للطباعة
في مصر صعب حد ينزل تمن حاجة بيمتلكها هو الي هايحصل ان السوق هايقف و الاسعار هاتثبت زي ما حصل في اواخر التسعينات.. بس ان شقة تمنها ينزل دي انا ماشفتهاش بتحصل في مصر
انا متفقة مع الكلام ده. مفيش حد اشترى بسعر غالي حيبيع بالرخيص الا لو فيه ضرورة قصوى و دي حالات استثنائية. اما المقاولين و الناس الي بتبني و تبيع دول اصلا بيبيعوا اغلب الوحدات من اول ما بيرموا اساس, يعني الخسارة على اللي اشترى مش عليهم. اعتقد انه الاقرب للواقع انه تحصل حالة ركود جامدة لكن الاسعار حتى لو قلت حتبقى بنسبة بسيطة.
و بعدين العقارات اسعارها انهارت بره عشان البنوك حجزت على الوحدات و بتبيع باثمان قليلة عشان تستعيد رأس مالها, لكن ده ما ينطبقش علينا لأن نسبة التمويل العقاري في مصر نسبة ضعيفة.
الشقق تمنها هينزل حاجة بسيطة بمعنى ان المقاول هيتنازل عن جزى من الربح علشان يلم فلوسة
احنا في بلد الجنان....ده شقق مدينتي غليت 3 مرات في 4 شهورزززو لسة في الطالع!!
طب ده معناه ايه؟ معناه ان مفيش فايدة في البلد دي
مدينتى ايه اللي في الطالع دي ... انتوا مبتقروش جرايد ... دي الناس بترجغ شققعا هناك ومش عايزة غير اللي دفعته فقظ وفي جريدة الوسيط الناس بتتطلب بيع وحداتها هناك بأسعار اقل من الشركة ... ياريت تقروا الجرائد وتسمعوا القنوات الأقتصادية علشان تعرفوا سوق العقارات رايح على فين ...
ايضا راجع مقالة الاهرام بتاريخ امس 26 اكتوبر 2008
هو مدينتي من غير ازمة اقتصادية و لا غيره الناس كانت هاتخلع برضه لأن المشروع مصيره بقى مجهول بعد حبس هشام طلعت مصطفى,,
السوق المصري لا يخضع للمقاييس العالمية و لذلك من الصعب التكهن الايام الجاية هايحصل فيها ايه
ومين قال ان اللي اشترى غالي هيبيع بالرخيص
في فبراير 2007 يعني من اقل من سنتين كانت الأسعار معقولة وقتها شفت شقة كويسة سعرها كان 200 ألف جنيه لكن للأسف ما اخدتهاش
في صيف 2007 مستوى الشقة دي وصل 300 ألف جنيه
على صيف 2008 مستوى نفس الشقة دي وصل 450 - 500 ألف جنيه
هو ده الجنان اللي حصل في اقل من سنتين
ولما الأسعار تنزل تاني يبقى اللي عايز يبيع شقته اللي اشتراها من 5 سنين بـ 100 ألف مثلا ممكن تجيب له 250 ولا 300 انما مش 450 ولا 500 يبقى مش خسران اكيد
اللي حصل في سوق العقارات في السنتين الاخيرتين طفرة مجنونة غير مبررة وكان لازم تنتهي وبشكل عام كل خبراء العقارات بيقولوا ان سوق العقارات في مصر له موجات صعود وهبوط كل موجه سنتين تلاته
برضه بنتكلم على الاسعار من وجهه نظر واحده وناسيين ان لسه فيه شقق حتتبني ولسه في عمارات حتطلع ولسه ولسه..
الاسعار حتهبط 40% لتعود كما كانت عليه مش علشان الركود..لا عشان مافيش سيوله
حيحصل اغراق ايوه ومافيش حد حيشتري واللي عنده شقه مش عايز يبيعها اهو يخليها تنقع في الزمن بس حيتحسر قلبه والاسعار في النازل الخمس سنين اللي جايين..دول خمس سنين مش خمس ايام
يعني ميت زنقه مطلوب فيها سيوله عشان كده حيحصل بيع..وحيحصل بناء جديد باسعار اقل فيحصل اغراق ...يبقى الاسعار ما تنزلش؟؟يبقى الوضع ما يتغيرش؟؟ نفس اللي كان بيقول مصر والدول العربيه مش حتتأثر بالازمه..
حيحصل انهيار في مده الست شهور القادمه طبعا وعلى كل المستويات الغالي والرخيص ومالهاش دعوه بالبنوك..البنوك حتحجز على قرى سياحيه ومباني باكملها من مقاولينها قبل ما يبيعوها اصلا لان ماحدش حيشتريها..يبقى الاسعار مش حترخص؟؟...عالعموم ادينا بنتفرج