ترموستات الكوع (حساس الحراراة)

**Mazin Tag** · 09-10-2014 04:12 PM

الموضوع دة بيختلف علية مصر كلها ويمكن الوطن العربى كله والله ام هند
جييت فى يوم كنت سهران باعربية يوم وقفة وفضلت سهران من 1 بليل ل 10 الصبح الف بالعربية واريح شوية المهم جيت خلاص مروح فمشيت شوية بتاع ربع ساعة وبعد كدة وقفت لان واحد معانا عربيته بطلت وكنا هنزوقه المهم زقيناة عربيته دارت روحت لعربيتى لاقتها بدخن وفضت المية اللى فى الريداتير كله كانت مية خضرا المهم بردت وبتاع وجيييت مشيت شوية وشوية لغايت مروحت وبعدين روحت عملت الريداتير وكان العلبة الفبر اللى فوق اتكسرت وقالى السبب هو ترموستات الكوع كان قفش فشلته لاقيته بتاع العربية الاصلى اصلى مهتم بيها شويتين

المهم ناس قالولى كويس انك شلته وناس لا متشلوش وناس قالتلى جطه شتا وشيله صيف اصراحة انا قولت اجرب من غيره يجماعة قسما بالله مريح العربية عالاخر وما شاء الله بجد وبقالى سنه ونص شايله اهو زى الفل بس هى كانت بتاخد وهو متركب فى تسخينها بتاغ 3 دقايق دلوقتى بتاخد 5 دقايق وزى الفل ومريحنى اوى والله يمكن عربيتى ارتاحت على كدة هى هيونداى اكسيل بس ناس جربته بعدى وريحهم برده والله اعلى واعلم انا قولت افييد بمعلومتى البسيطة دى ولو فى تعليق حد يسالنى وان شاء اله نفيد بعض وعلى العموم ده اول موضوع ليا

الف شكر على القراية

**J A G U A R** · 09-10-2014 04:14 PM

من الافضل طبعا يكون راكب وخصوصا فى الشتا لازم تركبه

**Abo_Mazen** · 09-10-2014 06:40 PM

ثرموستات الكوع ..آه ه ه ه من ثرموستات الكوع والمناقشات اللي بتتم عن ثرموستات الكوع ..عارف لو دخلت على جوجل وكتبت ثرموستات الكوع ..هتلاقي المواقع العربيه اللي متكلمه في الموضوع ده أكتر من المواقع الأجنبيه اللي متكلمه في نفس ذات الموضوع ..بس هتلاقي حاجه مميزه قوي للمواقع العربيه أو الناس العرب ومن ضمنهم المصريين طبعا اللي متكلمين في الموضوع ..هتلاقي العرب بيأكدوا على أهمية ثرموستات الكوع ..وده شئ جميل ..وهتلاقيهم كمان بيزيدوا من أهمية الثك رموستات دي لدرجة إن في واحد مشهور قوي في قسم السوزوكي أكدلي إن في عربيه ماروتي عملت عمره بعد سنة ونص إستخدام ..عشان ثرموستات الكوع مش راكب ..ده غير إنه أكدلي إن عدم وجود ثرموستات الكوع ممكن يؤدي إلى حدوث تنميل أو تشغير في وش السلندر ..وإن وجود ثرموستات الكوع كفيل بالحفاظ على المحرك لفترات قد تصل إلى 30 سنه ..موضوع التلاتين سنه ده من مبالغاتي أنا شخصيا بعد ما إتناقشت معاهم ..أقصد العرب منهم

أما بقى في المنتديات الأجنبيه ..فتدخل بقى ..تلاقي الكلام العلمي المضبوط القائم على ضوابط ومعايير علميه ..
يعني مثلا تلاقيهم مشيرين لينكان لتحقيقات صحفيه بتتكلم عن تاريخ ونشأة بلف الكوع ..أو ثرموستات الكوع كما هو متعارف عليه في مصر ..وبيقولوا إن ثرموستات الكوع دي إختراع من سنة 1934..وإن هو ضروري لإتمام عملية الإحتراق على الوجه الأكمل ..وكذلك لتقليل الإنبعاثات الضاره الخارجه من المحرك ...وكمان ضروري عشان يضمن وصول المياه لجميع أجزاء المحرك وهو ساخن وده لضمان سيولة المياه او المبرد ..ويمكن الفقره الأخيره دي بتاعة وصول المياه خاصه بالبلاد البارده جدا اللي درجات الحراره فيها بتوصل لتحت الصفر ...

جرب كده على جوجل وشوف ..شوف الرأي بتاع الخواجات اللي عملوا الحاجه وبيقدروها على قدرها بالضبط ..وبين العرب اللي بيقدروا الحاجه أكتر من اللي صنعها نفسه

رأي الشخصي ..أنا مقتنع بوجود ثرموستات الكوع ..وشايف إنها مهمة ..بس مقلب واحد منها كفيل إنك تكره نفسك وتكره الثرموستات وتكره البلد وتكره العربيات ..أو ..مقلب واحد منها يخليك تتلف المحرك بتاعك بإيدك ..الكلام ده يعرفه اللي جرب إن الثرموستات دي تقفش منه فجأة في طريق مقطوع في وقت متأخر أو في منطقه وحشه في وقت مش مناسب ..مش هيبقى قدامه غير إنه يمشي بالعربيه وهي سخنه عشان يطلع بنفسه سليم ووقتها مش مهم الموتور طبعا ..وإبقى خلي الثرموستات تنفعك

**J A G U A R** · 09-10-2014 06:54 PM

المشاركة الأصلية كتبت بواسطة mazin tag

الصراحة انا محستش بمشكله فى الشتا غير انها بتاخد وقت على متسخن يمكن دى المشكله بس او ممكن مكونش بحس بمشكله لان انا بستخدم العربية استخدام بيتى يعنى مرة او مرتين فى الاسبوع بس ؟ والله اعلم انا اصراحة مرتاح من غيره

ومش ملاحظ فرق فى استهلاك البنزين ..

**Mazin Tag** · 10-10-2014 06:22 PM

المشاركة الأصلية كتبت بواسطة j a g u a r

ومش ملاحظ فرق فى استهلاك البنزين ..

بالنسبة للبنزين انا بفول اول با اول يعنى توصل للربع الاول اروح مفول وبتبقى حسب استهلاكى انا فاهمنى يا جاكور بس انا ممكن اركز فى الموضوع دة بس قولى اخود بالى ازاى انا التانك عندى من30 ل40 ليتر انصحنى بقى يا معلم معلش هتقل عليييك

**J A G U A R** · 10-10-2014 08:17 PM

المشاركة الأصلية كتبت بواسطة mazin tag

بالنسبة للبنزين انا بفول اول با اول يعنى توصل للربع الاول اروح مفول وبتبقى حسب استهلاكى انا فاهمنى يا جاكور بس انا ممكن اركز فى الموضوع دة بس قولى اخود بالى ازاى انا التانك عندى من30 ل40 ليتر انصحنى بقى يا معلم معلش هتقل عليييك

لو عندك عداد رحلات ممكن تصفر العداد وتحسب هاتستهلك قد ايه
او تعلم عداد الكيلو متر بعد التفويل وتحسب هاتقطع قد ايه
وعلى فكره الكوعه لما تتشال الاستهلاك بيزيد