ربنا يباركلك يا عم صبحى و يجزيك عنا كل الخير
عرض للطباعة
ربنا يباركلك يا عم صبحى و يجزيك عنا كل الخير
عموما ان شاء الله المشاكل دي تطلع بسيطة ويكون الموضوع ماهو إلا ظبط كهربا وكاربيراتير مع تظبيط الردياتير والعربية تبقي تمام فى زيارة واحدة للميكانيكي وفي يوم واحد
هفكرك تاني
مشكلة الزيت أنا شاكك في تسريب الزيت بسبب اويل سيل الكرنك او جوان الكرتير
مشكلة نقص الماية زي ماحضرتك قولت تسريب من الردياتير والوصلات
نصيحة متديش ودانك للصنايعية اللى يقولك طقم شنبر ونص عمرة والكلام دة الموضوع ممكن يبقي حاجات بسيطة وتدبس فى مصاريف ملهاش اخر ...... وعموما لو حضرتك من القاهرة ممكن اتفق معاك على يوم وعلى مكان مناسب ليا وليك واحاول اساعدك فى حل مشكلتك على ارض الواقع وربنا يوفق ان شاء الله
تقبل خالص تحياتي
اسعد الله مساكم جميعا يا افاضل ,,
جزيل الشكر استاذ احمد و الله لا اجد ما يثمن موقفك انت و الاخ الاستاذ صبحى و باقى الاخوة ,
اليوم الحمد لله روحت لبتاع الكاربرتير و ظبطه تماااااااااام , و بجد و الله فرقت كتير العربية و ادائها و السرعة عالى و واطى , لدرجة انى بكون ماشى على التانى فى زحمة المدينة بدون مادوس بنزين خالص و مش عارف ان ده هوا السلانسيه او لا
لكن عن جد حسيت بفارق , و سألته عن حالة الموتور و هل يحتاج لما يسمى نص عمرة او شنابر او وش سليندر او ما شابه , لكن و لله الحمد قالى لا لا تحتاج ,
غير انه اخبرنى ان مشكلة الدخان دى هاتفضل موجودة لمدة يومين تلاتة الى ان تكتمل دورة العادم و مافهمتش اكتر من كدة حسب كلامه , المهم انها هاتنتهى فى غضون 3 ايام , و لا اعلم مدى صحة الكلام ده من عدمه
==================================
انا من قليوب - القليوبية - ابعد عن شبرا الخيمة حوالى 5-6 كيلومتر مش بعيد عن القاهرة قوى , يعنى 20-25 دقيقة ابقى فى وسط البلد لكن بدال ماتعب حضرتك انا هاواديها للميكانيكى ,
الا ان كلامكم ده هايخلينى اروحله و انا على الاقل فاهم هوا هايعمل ايه
مبروك وانشاء خير***
الله يبارك فى عمرك استاذ صبحى
و لو انى متقل عليك و على الاخوة لكن متعشم فيكم و جزاكم الله عنى كل خير
شوية اسألة من فضلك ,
ازاى اعرف ان زيت الفتيس عايز يتغير ؟ و لا بيتزود زى زيت الموتور ؟
ان كان بيتغير اغيره ازاى ؟ و ان كان بيتزود ازود منين ؟ و ايه افضل نوع زيت لتغييره او تزويده ؟
واير السرعة عندى مش شغال و قريت فى الموضوع المثبت انه بيركب فى التابلوه من فوق و فى الموتور من تحت و انا شايف انه فكه من التابلوه سهل ان شاء الله و ممكن افكه لكن يتفك ازاى من الجهة التانية ؟
و لو عايز اشتريه استيراد او اصلى يبقى بيتباع فين ؟ فى التوفيقية ؟
و اسف على الاطالة
واير السرعة فعلا طرف بيتفك من الطابلوة والطرف التاني بصمولة 8 بيتفك من عند مكان تزويد الزيت بس لعلم حضرتك فك الواير من ناحية الفتيس اسهل كتير من الطابلوة لان الطابلوة بردو لية طريقة معينة فى الفك والتركيب
ودة مضوع شارح الطريقة بإستفاضة وبالصور
http://www.nilemotors.net/Nile/329753-a.html