فى الكهربا قالولى ان العداد هيتجاب مكانه واحد جديد فخلال اسبوع
عرض للطباعة
فى الكهربا قالولى ان العداد هيتجاب مكانه واحد جديد فخلال اسبوع
انا يافندم غيرت اسم المشترك لما اشتريت شقتي . مغيروش العداد لكن انا عدادي مش ديجيتال . بس هما دفعوني فلوس مش متذكر كام بس فيها رسوم ومصاريف معاينة للتأكد من وجودك في نفس العين ودفعوني تقريبا 200 جنيه او اكتر مقدم للاستهلاك القادم ولاحظت انهم ماجوش لمدة 3 شهور وبعدين نزلتلي الفاتورة بالاسم الجديد وبعد ماخصموا استهلاكي من الفلوس المدفوعة مقدما .. بالتوفيق
شكرا يافندم لكلامك جدااااااا
واضح ان فيه معلومه غلط وصلتنى..يمكن اكون فهمت انهم هيغيروا العداد بس يمكن هييجوا يعملوا معاينه بس للتأكد من وجودى فالعنوان
بس ازاى مكتوب فى موقع الوزاره بتاعهم ان اجمالى المصاريف 35 جنيه فقط!!
ذهبت اليوم صباحا طبعا معامله ولا اسوء واتقالى ان العداد هيتغير عشان فى عقد التقديم عليه كان مكتوب انه 10 امبير!!!
قلتله ازاى وهو عندى 40 امبير !! قاللى مليش دعوة زى ما مكتوب فى العقد احنا بنمشى
دخلت لرئيس القسم برضه حمار زيهم ونفس الكلام وفنفس الوقت كان معايا مسئول فى كهربا جنوب القاهره على الموبايل وسامع الكلام وقاللى الكلام ده غلط ومش قانونى وايه الهبل اللى بيتقال ده
المهم جيت اخش للمدير العام قالولى مش موجود وروح اشتكى فى مدينة نصر فى الشركة الام
طبعا مشيت وعملت شكوى فى حماية المستهلك و موقع وزارة الطاقه
الغريب انى هغير عداد 40 امبير بواحد تانى 40 امبير لمجرد تغيير الاسم!!!
مش عارف ايه الحل
ممكن برضه تلسعهم شكوى مفصله بالميل للرقابة ألأدارية(اسامى الموظفين و المدير بتاعهم و التواريخ اللى أنت رحتلهم فيها و أى مستندات معاك أرفقها بالشكوى)
المشكله انى مش عارف الاسامى بتاعتهم ايه :(
تم تركيب العداد اليوم..وفوضت امرى لله ينتقملى منهم