تقرير مصور عن بريليانس s30 او jinbei s30 او 智尚S30 او 金杯s30 او Zhishang S30

**mazen21** · 10-10-2014 05:50 PM

منتجات الشركة
乘用车_绵阳华瑞汽车有限公司

**mazen21** · 10-10-2014 05:54 PM

خالص تحياتي لكل من اعجب بالموضوع

سبحان الله وبحمده سبحان الله العظيم

**mazen21** · 10-10-2014 06:10 PM

الفرق في الوزن ومعدل استهلاك الوقود

**mazen21** · 11-10-2014 02:22 AM

**mazen21** · 11-10-2014 09:09 PM

يعني مفيش حد اشترى العربية او شافها على الطبيعة في معرض
يقول لنا انطباعه عنها ايه ويرفع لنا صور ليها علشان نقارن التقفيل والمواصفات المصري ببتاع بلدها
ولا الناس مطنشة

سبحان الله وبحمده سبحان الله العظيم

**Hmatchy** · 12-10-2014 06:47 AM

العربيه موجوده فى مصر غير دى خالص ولا اير باج ولا ايه بى اس ولا طاره مالتى ولا فوج ولا شاشه التاتش ولا اى حاجه
هو السنسور والفاميه وبس
ومانسوال ب 97 الف

**mazen21** · 14-10-2014 11:25 AM

الشركة منزلة العربية في 4 فئات
والفئة الاولى هى الفئة الفاضية

المهم لاحظت ان وزن العربية هو وزن موديل 2014
ومعدل استهلاك الوقود هو لموديل 2013
(راجع المواصفات الصينية للسيارة في نفس الموضوع)

فاعتقد هما اخدوا البودي بتاع موديل 2014 والموتور بتاع موديل 2013
اكيد في فرق فلوس للشركة مصلحة يعني كالعادة فماخدوش موتور 2014

الحاجة الغريبة والمثيرة للشك ان الشركة لم تذكر اي شئ عن السيارة على موقعها الرسمي
((علما ان العربية مهما دورت عليها على الانترنت تحت مسمى بريليانس s30 مش هتلاقي حاجة عنها
غير في الصفحات المصرية ولن تعثر على بيانات عنها الا اذا بحث بالمسميات الصينية))

http://www.brilliance-eg.com
واكتفت بالاعلان عنها على الفيسبوك (وهو ليس له صفة الرسمية)
https://ar-ar.facebook.com/BrillianceEgypt#

**mazen21** · 15-10-2014 02:38 PM

ذهبت الى المصرية للسيارات - كورنيش النيل
وعرفت ان العربية لسة التوكيل باعت واحدة للمعرض في نفس اليوم
15 اكتوبر 2014
وكان معظم مندوبي المبيعات مكنش عندهم فكرة عنها ولما كنت اشاوره عليها
يقولي مفيش الموديل ده اصلا وكان بيقولي دي رينو داستر ولما اصريت دور في الكمبيوتر (ملف بيانات سيارات المعرض) لقى بيانات عنها بس برضه الصورة عندهم مش واضحة لان الشركة على الفيسبوك منزلة اربع فئات ولما انا سألته العربية نازلة كام فئة قال لي واحدة ومش هتنزل غير فئة واحدة

وده خلى تساؤل ينط في دماغي ازاي بعض المواقع قالت ان الدفعة الاولى نفذت اذا كان الوكيل مكنش يعرف عنها حاجة الا امبارح
15 اكتوبر 2014

المهم انا صورت كام صورة بسرعة علشان ماسمعليش كلمتين من حد مع اني كان نفسي اصور الشنطة وحجمها معقول والموتور
ولقيت كل حاجة تقريبا جوه الموتور عليها كلام صيني الى جانب الانجليزي ما عدا
علامة بريليانس محطوطة بدل علامة jinbie

ولقيت في الشنطة الكوريك المثلث ويد الكوريك وقضيب جر السيارة اللي بيركب من قدام
ومثلث عاكس (وكان مكتوب على علبته بالصيني وكذلك مكتوب بالصيني على شنطة يد الكوريك وقضيب الجر )
حتى البطارية صيني

وفي التابلوه موجود اريال السقف والكاتالوج

الجنوط المونيوم زي اللي في الصور السابقة تمام

الشنطة بتتفتح من زرار مخفي تحت النيكل الموجود على الشنطة من بره وبيتهيالي انه كهربا
مش ميكانيا لان بضغطة بسيطة الشنطة بتفتح لوحدها بمساعدة الاثنين مساعدين
وبصراحة ملقتشي جوه اي زرار ليها والمندوب مكنش عارف هل في زرار ولا هيبقى فتحها من الريموت فقط (انا مشفتش الريموت وبتكلم بناء على الصور اللي كنت جايبها)

الكبوت بيفتح من جوه من مقبض اسفل التابلوه من جهة اليسار

وعلى فكرة العربية نفس التقفيل الموجود في الصور
وانا مش عارف هل هما (بريليانس مصر) جايبينها متقفلة ولا اتقفلت هنا
لو حد قدر يعرف لنا المعلومة دي يا ريت يقول لنا

وفقا للي انا شفته المفروض ان دي الفئة الاولى

وبالنسبة لجودة الخامات والموتور والاكسسوارات وشكلها
بيتهيالي ان السعر مناسب دة من في راي المتواضع وبصفتي لست خبيرا في السيارات

ويا ريت حد من الاخوة الخبراء يقول لنا رايه

هى دلوقتي عن يقين عند المصرية - كورنيش المعادي
ممكن يشوفها على الطبيعة

**mazen21** · 16-10-2014 08:05 PM

العربية وفقا للبروشور بتاع الشركة
على الرغم ان الوضوح بتاعه مش اد كده الا ان ممكن نلاحظ ان جميع الفئات بتنزل فيها
abs + ebd
يا ريت لو حد لاقى نسخة الوضوح بتاعها افضل يرفعها
سبحان الله وبحمده سبحان الله العظيم