الموضوع: إصحى يا مصر......

مصــــر --مشـــاكل و حلـــول --

أول الكلام و قبل أى حاجة واضح جدا من مشاركات الناس و روحها مدى حرقة الدم على تدهور الحال و الذى أدى إلى الشعور بأن الصحـوة درب من دروب الخيال - لكن فى الوقت نفسه ظهور مثل هذه الروح بين أفراد المجتمع ما هو إلا الشرارة الأولى إلى إطلاق و إيقاذ المارد النائم المارد المكبل

يا جماعه مش هاقول مصر بخير و مش هاقول مصر أم الدنيا و مش هاقول الكلام الخايب إللى بيخلينا ماشيين للخلف و مش عارفيين نجيب أولانى هو مارشيدير و بس ..........

لكن على أى أساس نحلم بأن يأتى رجل أعمال أياً كان وضعه و ماله بالقدوم على مشروع يتلكف ملايين الملايين (طبعا بالدولار)
فى مناخ طارد للإستثمار ؟؟

مش قبل ما تقوله تعالى ضيف عندى لازم توضب بيتك ؟ و تجهزه ؟ ولا هو كلام و عزومة مراكبية ؟

ما تبص شوف الإمارات عامله إيه ؟ و أى مستثمر بيخلص إجراآته فى وقت إيه ؟ و أى زائر بيخلص إجراآت الوصول و السفر فى المطار فى وقت إيه ؟ و الطرق و البينية التحتية عاملة إذاى ........

محدش يقول الفلوس عشان مش الفلوس هى السبب .....
لو بصيت للإمارات عندهم فلوس من زمان -- طب ما الكويت عندهم فلوس أكتر منهم !!! إيه ميز الإمارات ؟

لو بصيت لمصر ...وآه من مصر ...مصر عندها إمكانيات و موارد أقسم بالله مش موجوه فى أى دوله فى العالم ولا أمريكا نفسها
تيجى نعد ؟ ولا عارفيين ؟

عندك النيل المخزون الإستراتيجى للماء + الزراعة و الأرض الخصبه + ممكن تستخدمه للنقل الرخيص + توليد الكهرباء

عندك البحر الأبيض و الأحمر = ثروة سمكية ضخمه + ملاحة + موانى + قناة السويس + سياحة + ترفيه

عندك الثروات المعدنية ( حديد - بترول - فوسفات - غاز طبيعى ........)

عندك الثروة الأثرية ( مصر فيها لوحدها ثلــث آثار العالم )

عندك طاقة الريــاح ( توليد كهرباء )

عندك طاقة الشمــس (طوال العام )

عندك الجو المعتدل

عندك و الأهم من كل ده ( الطاقة البشـــرية ) -- مصر أطفالها بيظلوا أصحاب أعلى معدل للذاء فى العالم حتى سن 7 سنوات و طبعا عارفين من إيه بينحدر الذكاء

------------

أمريكا فى وقت من الأوقات أصابها عجز و بطالة مش متذكر كان فى عصر ميين بس من ذكاء الرئييس الأمريكى فى هذا الوقت أنه لليتغلب على هذه البطالة قرر أن يوظف كل من ليس له عمل فى .......تخيلوا فى إيه ؟؟

( ----- إنشاء أكبر شبكة طرق فى العالم ------- ) طبعا ده هو السبب الأكبر فى نهضة أمريكا ليه ؟ عمل شبكة نقل قوية كبيرة جدا أسس بنية تحتية تكون حجر الأساس لإنطلاقة حضارية و فوق كل ده شغل الناس إللى مش لاقيين شغل و بيمثلوا حمل ثقيل على المجتمع

........................أعتقد أنا إتكلمت كثير عن الأسباب طبعا فيه ناس هاتقولى إنت مقولتش برده طب إيه الحل أو إيه السبب الأساسى لحال مصر الراهن

هاقول لو حد قرأ حوار عملته الجزيرة مع مهاتير محمد (رئيس الوزراء الماليزى السابق و صاحب النهضة الماليزية ) هايعرف كل حاجة و يعرف إحنا كده ليه ......بس ذى ما إحنا قايلين هنا بلاش كلام فى السياسة :) أنا إتكلمت لحد السياسة و وقفت :) عشان القواعد لابد من إحترامها

و إللى عايز يقرأ الحوار ده يدخل على موقع الجزير و يبحث عن مهاتير هايلافى الحوار أكثر من كده ملوش لازمه الكلام :)

بدون حلفان أنا لما باسمع أسم الراجل العظيم ده (مهاتير محمد) عنيه بتدمع على حالنا وحال حكومتنا وباتمنى إننا يكون عندنا ربع (مهاتير محمد)

أحنا خلاص فقدنا الزعيم والقائد فقدنا الضمير في الحاكم فقدنا الخوف على الشعب من القائمين عليه فقدنا الولاء والأنتماء من الناس إللي فوق

فقدنا روح التضحيه والشموخ والإيمان بالـ لله وفقدنا روح العزه والكرامه وفقدنا امثال (حسن نصرالله) إللي مصر كانت مثال يحتذى به لـ (حسن نصرالله) وأمثاله الكرام




هنقول أيه وللا أيه .... بس لسه الأمل موجود وربنا عمره ما هيخزلنا أبدا ولازم هايخرج قائد يرفع البلد دي لفوق وينهض بالشعب الغلبان ده إللي يستحق العيش بكرامه

عفواً : قل تدهور ولا تقل تضهور وقل : درب أو دروب ولا تقل ضرب أو ضروب

السلام عليكم ورحمة اللة وبركاتة
كما قال الأخوة العيب فينا احنا وكما قيل (العيب فى النفوس وليس فى الفلوس) وكما قال الحجاج بن يوسف الثقفى عندما ولى امارة الكوفة ولا البصرة (مش فاكر)
(ان كنت قد وليت عليكم وانا من خياركم فبأس قوم انتم كنت انا من خيارهم وان كنت قد وليت عليكم وانا من شراركم فبأس قوم انتم تولون اموركم شراركم) يعنى من الأخر العيب فينا احنا كمصريين كل واحد(وانا منهم) فينا بيقول انة كويس ويعيب على الأخرين ولكن لو جلس فى لحظة صدق مع نفسة حيكرهه نفسة(ساعات احتقر نفسى) لأنة فيه نفس العيوب مثل السلبية والنفس القصير فى محاربة الفساد حتى فى اضيق نطاق وهو مكان عملك والأدهى من ذلك يمكن المشاركة فى الفساد بحجة واتا بأيدى اية وعدم الأنتماء والأهتمام بنفسة بس ومن يعول وعدم الأهتمام بما يحدث لباقى طبقات المجتمع وغيرها ولكن دائما نحن نبرر تقصيرنا
اخوكم
اسامة عبد العزيز :roll:
نسيت اقول لكم ان فية مثل اعتقد انة انجليزى
If you do not have a plan for succes, so the only plan you have is a plan to fail.
وشوفوا الوضع عندنا