أستطلاع رائ حول أسعار السيارات في الفترة القادمة

**zizophone** · 27-10-2008 02:33 AM

يا جماعة عايزين ناخد رأي بعض في موضوع الاسعار بتاع العربيات دة أنا زهقت والله:
-الرأي الاول:
-العربيات الجديدة سعرها حينزل علشان الكساد و(الحورات الفاشلة دي كلها) ومش حيبقي في سيولة فالشركات حتضطر تنزل سعر عربيتها ,وطبعا بردة الصفقة الي جاية من المغرب والجمارك وكدة

-العربيات القديمة حينزل سعرها علشان حوار قانون المرور مع التكاسي وحيبقي في مستعمل كتير وكدة و حيغيروا للجديد فحتلاقي قديم كتير ورخيص, طبعا غير ان الجديد رخص فالقديم يرخص

-الرأي الثاني :
-العربيات الجديدة سعرها حيغلي طبعا لان في احتمال للتضخم واللي بيقابلة زيادة في الاسعار وطبعا لان الي بيغلي في مصر عمرة مابيرخص (وومن نخش على كلام التجار شوف الانسر ال2009 كلاسيك بقت ب106 وغبور غلى عربياتة 3000 جنية )وقصص كتير بقي لو قعدت على القهوة تسمعها.

-العربيات القديمة سعرها حيغلي أو تثبت على سعرها أزاي بقي الجديدة تغلى والقديمة متغلاش .

ياريت يجماعة الي عندة اي راي شايف انة على اساس يخش يقولة .

**ibrahimsaad** · 27-10-2008 05:57 AM

العربيات الجديده مش هترخص المصانع خفضت بس طاقتها الانتاجيه وسرحت نسبه من العماله يعنى عدد السيارات المعروضه للبيع هتكون اقل فبالتالى سعرها لااعتقد انه هيرخص

ده بالنسبه للشركات المنتجه

اما بالنسبه للمستعمل فهو فيه ركود فقط الان بسبب الازمه العالميه لخوف الناس وده اللى مرخص العربيات لكن بعد الناس ماتعرف الحقيقه هترجع ترفع الاسعر تانى

حتى الان الزيرو سعره لم ينخفض وبالتالى حدوته انخفاض الاسعر كلام فارغ

والخلاصه اللى عايز يشترى مستعمل بسعر مغرى فرصته الان قبل ماترفع تانى

**flymido** · 27-10-2008 06:28 AM

انا بقالى 3 شهور طالع عينى ومش عارف اجيب عربيه كويسه
وبعد كدة قلت اريح شويه لاول السنه الجديدة تكون الرقيه بانت والاسعار نزلت ودة راى ناس كتير لان فى كذا حاجة هتنزل اسعار المستعمل والجديد
اتفاقيه الجات وخلاص هتطبق على مصر
اتفاقيه رفع الجمارك مع المغرب
حاله الكساد العام اللى هتمر بالعالم
بس الانخفاض فى الاسعار مش هيبقى بالشكل اللى متصورينه هيبقى حاجات بسيطة
وخصوصا ان السيارات اللى هتخش من عير جمارك الحكومه هتخترع مليون ضريبه جوة البلد عليها وهتجيب منها فلوس برضه

**sherif Anton** · 27-10-2008 08:04 PM

بص بقى من الأخر ... انت لو عايز تشتري حاجة اشتريها (طالما انك محتاجها) وحط تحت كلمة محتاجها ميت خط ... لو رخصت (وده الرأي اللي انا بأميل ليه) يبقى نصيبك كده ... لو بقت بنفس سعرها او غليت يبقى انت كسبتها.

**flymido** · 27-10-2008 10:19 PM

طيب ايه اللى ممكن اجيبه فى حدود من 25 الف الى 30 الف
والافضل انزل سوق العاشر للسيارات والمعارض والحوارات دى
ولا اتابع الوسيط وانزل الف على الاعلانات
لانى جربت كل الطرق ولسه مش موفق وبصراحة خبرتى فى الموضوع دة 0
ومش عارف اخد الخطوة دى ازى ؟

**zizophone** · 28-10-2008 04:17 AM

بص ياسيدي الفاضل سعر 25- 30 دة انت بتتكلم في كايا برايد,سكودا فيفورت
النصيحة بقي تشوف سمسار كويس يوقعلك عربية حالة حلوة وسعر كويس ونصيحة ابعد عن المواقع والاشتغلات الحمضانة دي لو منت ناوي تشتري بجد.
موضوع السوق دة بقي اة انزل بس ابقي عارف اسعار كويس وحاول تدور على حالة كويسة وربنا معاك

**flymido** · 28-10-2008 03:06 PM

شكرا على النصيحة يا zizooooooo
وانا عن نفسى هشترى حتى لو الاسعار رخصت هترخص كام يعنى اكيد مش كتير

وربنا يكرم يارب

**sherif Anton** · 28-10-2008 08:27 PM

ملحوظة للأخ flymido
انا عرفت من كلامك انك بتدور على عربية بشكل قوي جدا ... لكنك غير موفق الى الأن ؟؟؟؟
مش يمكن دي علامة او اشارة انك تؤجل الموضوع شوية وان ده مش الوقت المناسب ؟؟؟
احتمال ... بس على العموم صلي واللي قيه الخير ربنا يقدمه

**zizophone** · 30-10-2008 02:57 AM

فين يجماعة الاراء احنا عايزين أراء كتييييييييييييييييييير

**flymido** · 30-10-2008 05:12 AM

انا بسمع الراى دة كتير
-العربيات الجديدة سعرها حينزل علشان الكساد و(الحورات الفاشلة دي كلها) ومش حيبقي في سيولة فالشركات حتضطر تنزل سعر عربيتها ,وطبعا بردة الصفقة الي جاية من المغرب والجمارك وكدة

بس وحياتك الحكومه ما هتسيييب الجمارك هتعوضها فى حوارات المرور والضرائب وكدة

والله اعلم انا مش عايز افتى بس دة تصورى