مشكله فيتيس فوكاس 2007 .

**moosaleh** · 10-10-2014 05:08 PM

ارجو المساعدة من الأخوة الأعضاء في قسم الفورد أنا اشتريت فوكاس موديل 2007 من أربع شهور والعربيه كانت ممتازه جدا ومره واحده حصل مشكله غريبه في الفتيس ان الفتيس لما يكون سخن بعد مشوار بيعلق ومش بيرضي ينقل لل n,r,m,p ويفضل معلق عليd وطبعا حاجه بايخه لا أعرف أركن ولا أطلع المفتاح بعد تبطيل الموتور المهم افضل مستني شويه واحاول مع الفتيس لغاية ما يقبل التغيير ممكن حد يدلني ايه هو سبب المشكله وايه يكون حلها ومين ميكانيكي في اسكندريه يقدر يصلح العيب ده ولكم جزيل الشكر.

**أحمدكونت** · 10-10-2014 06:23 PM

بص مشكله الفوكاس عموماً بتبقى دايماً فى الفتيس و مروحه التبريد وترمبه البنزين ودى مجمل مشاكلها ومش هاشخص المشكله لانى مش متأكد بس اللى اقدر انصحك بيه اوعى تروح لحد فى حرافيين اسكندريه خاصتاً واحد اسمه اسلام فورد (( محمد صادق )) لان الراجل ده اتسبب فى انى غيرت موتور لفوكاس 2006 وانصحك تصلح فى حرفيين القاهره وان شاء الله تكون مشكله بسيطه

**moosaleh** · 10-10-2014 08:42 PM

المشاركة الأصلية كتبت بواسطة أحمدكونت

بص مشكله الفوكاس عموماً بتبقى دايماً فى الفتيس و مروحه التبريد وترمبه البنزين ودى مجمل مشاكلها ومش هاشخص المشكله لانى مش متأكد بس اللى اقدر انصحك بيه اوعى تروح لحد فى حرافيين اسكندريه خاصتاً واحد اسمه اسلام فورد (( محمد صادق )) لان الراجل ده اتسبب فى انى غيرت موتور لفوكاس 2006 وانصحك تصلح فى حرفيين القاهره وان شاء الله تكون مشكله بسيطه

أشكرك علي الأهتمام والرد للأسف انا مش هاقدر اصلحها في القاهرة نظرا لظروف عملي ووخايف افتح في الفتيس يكلفني كتير بصراحه مش عارف اعمل ايه.

**Mecha** · 10-10-2014 09:16 PM

هو مش رجب لسه توكيل الفورد في العامريه

**TOOLA** · 10-10-2014 11:40 PM

بص هوا الله اعلم, حصل الموضوع ده معايا من كام يوم (مرتين فى نفس اليوم) و قلبى وقع فى رجليا, خصوصا انها قفشت تانى مره ديه.

هديت نفسى كده و اعدت اركز مع العصايه و خصوصا انى مكنش عندى اى شكوى و طلع العيب الأتى:

الحتة النيكل الماسكة راس الفتيس لغاية النقلات تحت كانت بدأت تفك, فبتتحشر مع تسقيطة ال d, ببساطة قعدت الفها لغاية مارفعتها و كل حاجة تمام الحمد لله. جرب مين عارف و ان شاء الله بسيطة.

عموما انا افهم ان تهنيجة الفتيس ديه عموما ليها علامات فده الكان مهدينى شوية لأن معنديش أى اعراض الحمد لله.

**MohamedSotohy** · 11-10-2014 02:28 AM

المشاركة الأصلية كتبت بواسطة toola

بص هوا الله اعلم, حصل الموضوع ده معايا من كام يوم (مرتين فى نفس اليوم) و قلبى وقع فى رجليا, خصوصا انها قفشت تانى مره ديه.

هديت نفسى كده و اعدت اركز مع العصايه و خصوصا انى مكنش عندى اى شكوى و طلع العيب الأتى:

الحتة النيكل الماسكة راس الفتيس لغاية النقلات تحت كانت بدأت تفك, فبتتحشر مع تسقيطة ال d, ببساطة قعدت الفها لغاية مارفعتها و كل حاجة تمام الحمد لله. جرب مين عارف و ان شاء الله بسيطة.

عموما انا افهم ان تهنيجة الفتيس ديه عموما ليها علامات فده الكان مهدينى شوية لأن معنديش أى اعراض الحمد لله.

فعلا ده حصل معايا
وقلبي وقع
بس ف الاخر طلعت الفبره الهيفه هي اللي عملا كده
جرب وشوف
وان شاء الله يطلع الموضوع بسيط

**moosaleh** · 11-10-2014 12:18 PM

المشاركة الأصلية كتبت بواسطة mohamedsotohy

فعلا ده حصل معايا
وقلبي وقع
بس ف الاخر طلعت الفبره الهيفه هي اللي عملا كده
جرب وشوف
وان شاء الله يطلع الموضوع بسيط

أن شاءالله هجرب وأرد عليكم بالنتيجه.

**moosaleh** · 28-10-2014 06:20 PM

المشاركة الأصلية كتبت بواسطة toola

بص هوا الله اعلم, حصل الموضوع ده معايا من كام يوم (مرتين فى نفس اليوم) و قلبى وقع فى رجليا, خصوصا انها قفشت تانى مره ديه.

هديت نفسى كده و اعدت اركز مع العصايه و خصوصا انى مكنش عندى اى شكوى و طلع العيب الأتى:

الحتة النيكل الماسكة راس الفتيس لغاية النقلات تحت كانت بدأت تفك, فبتتحشر مع تسقيطة ال d, ببساطة قعدت الفها لغاية مارفعتها و كل حاجة تمام الحمد لله. جرب مين عارف و ان شاء الله بسيطة.

عموما انا افهم ان تهنيجة الفتيس ديه عموما ليها علامات فده الكان مهدينى شوية لأن معنديش أى اعراض الحمد لله.

الحمد لله خدت بنصيحتك وفعلا هي الفيبره النيكل بقت مفكوكه وبتلف شمال ويمين وهي اتفكت اعتقد بسبب سايس الجراج لانه دايما بيطنطط بين الكرسيين ويخبط في الفتيس.

**TOOLA** · 28-10-2014 07:48 PM

طب الحمد لله طلعت بسيطه فعلا، و عموما انا مسمعتش عن او مشاكل فتيس فى الموديل ده، الموديل الجديد بس البيعانى من الفتيس

**ahmadalsabban** · 06-11-2014 12:36 PM

لو المشكله ديه بتحصل لما العربيه بتسخن غير زيت الفيتيس والفلتر وان شاء الله حتتحل

الموضوع: مشكله فيتيس فوكاس 2007 .

LinkBack

أدوات الموضوع

عرض

-

-

-

-

المواضيع المتشابهه

فوكاس 2007

استفسار بخصوص فيتيس الميجان 2007

مشكله فى فيتيس صنى 2011 اوتوماتيك عكننت عليا الصبح و مش عارف سببها ايه

ممكن مقارنة بين فورد فوكاس 2007 || ورينو ميجان 2007

مشكله فى فيتيس اوبل استرا .... برجاء المساعده

الكلمات الدلالية لهذا الموضوع

المفضلات

المفضلات

ضوابط المشاركة