الموضوع: شويه استفسارات عن بيرسونا 2012

المشاركة الأصلية كتبت بواسطة puttputt

كنت عايز اعرف شوية حاجات
- سعر فرش الشنطه لبرسونا 2012
السعر بيبدأ من 500 وعلى حسب الخامة واللى انت عايز تعمله
- الدركسيون مش عارف احركه لان المقبض اللي تحت ناشف وخايف اكسره فاحركه ازاي
اعمله فى الصيانة احسن مدام فى الضمان
- ممكن اجيب كتالوج للعربيه من التوكيل ولا لا
- المقبض اللي بيمسك الكراسي اللي ورا حاسس انه سايب فممكن اغيره ولا لا
- كمان ممكن اشتري جنط جديد كامل بالكاوتش بتاعه وبكام
طقم الجنوط الاندونيسى بيبدأ من 1600 وفردة الكاوتش على حسب المقاس بس لو مقاسك 5 ممكن السعر يبدأ من 500 للفردة الحجات النضيفة هتلعب فوق 550
- كمان حاسس ان العربيه من قدام واطيه فده ليه حل ولا ايه لاني شاكك ان في حاجه غلط في المساعدين او الكاوتش قدام لانها بتحك في المطبات وده مش عاجبني
الكاوتش مالوش علاقة ممكن يكونو المساعدين او السست وابقى شوفهم فى الصيانة برضو

فلو في حاجه اعملها قبل مااروح الصيانه عشان ابقى عملت اللي عليا لان العربيه في الضمان

ربنا يباركلك فى عربيتك

المشاركة الأصلية كتبت بواسطة hardmind_doc

ربنا يباركلك فى عربيتك

ربنا يخليك يا باشا

على فكره انا رحت معرض وشفت العربيه جديده لقيت انها من قدام اعلى من عربيتي يعني المسافه بين الكاوتش والرفرف اكبر لاني لما حطيت ايدي ماكانتش مزنوقه زي ماحطيت ايدي فعربيتي
ممكن ده يكون مثلا ان ضغط هوا العجل مش مظبوط ولا مابتفرقش

وشكرا مقدما

نسيت اقول انها بتحدف يمين بسيط بس بتحدف
عموما انا بفكر اروح التوكيل اقولهم على الحاجات دي في الصيانه بس خايف يطلعولي فيها حاجات كتير ويدفعوني دم قلبي لان التوكيل اي حاجه مش عجباه ارمي وغير ماهو كله بتمنه والدليل الصيانات اللي ملهاش لازمه كل 3 شهور
والموضوع ده برضه بكتب فيه ملاحظاتي يمكن تفيد حد وبرضه عشان افتكر لما اروح التوكيل :)))

المشاركة الأصلية كتبت بواسطة puttputt

- الدركسيون مش عارف احركه لان المقبض اللي تحت ناشف وخايف اكسره فاحركه ازاي

حضرتك في دراع أسفل الدركسيون بيتسحب لتحت هو فعلا بيكون ناشف شوية فحاول تسحبه براحة ومتشدوش من الطرف بس ..... لأ حاول كل ما ينزل معاك سنة تدخل ايدك وتمسك منها لغاية ما تمسكه من النص تقريبا

بس على فكرة غالبا الدركسيون بيكون مرفوع فوق للآخر ولو نزلته هيعكسك جدا في الجلوس فضلا عن الدخول والخروج

- المقبض اللي بيمسك الكراسي اللي ورا حاسس انه سايب فممكن اغيره ولا لا

ده غالبا مش قافل كويس ارفعه خلص واتني الكرسي واتأكد إن مفيش حاجة بتمنعه من القفل وبعدين حاول تقفله تاني

- كمان ممكن اشتري جنط جديد كامل بالكاوتش بتاعه وبكام

سعر الجنط 200 جنيه أما الكاوتش أسعاره بتتفاوت

فكر حضرتك كويس لو عايز تغيير الاستبن لجنط وكاوتش عريض زي باقي العجل لأن المكان إللي في الشنطة مش هيكفيه وهيبقى الفرش مرفوع جدا ومظنش إن حضرتك هتعرف تستغل الشنطة كده

- كمان حاسس ان العربيه من قدام واطيه فده ليه حل ولا ايه لاني شاكك ان في حاجه غلط في المساعدين او الكاوتش قدام لانها بتحك في المطبات وده مش عاجبني

العربية من نهايتها مرفوعة جدا عن الأرض وكل ما تتجه للأمام في انسيابية فده ممكن يعطيك انطباع إن العربية واطية من قدام

بس الطبيعي إنها مش بتحك معايا حتى في المطبات العالية جدا سواء في الطلوع أو النزول


موفق إن شاء الله

المشاركة الأصلية كتبت بواسطة dr\mohamed

العربية من نهايتها مرفوعة جدا عن الأرض وكل ما تتجه للأمام في انسيابية فده ممكن يعطيك انطباع إن العربية واطية من قدام

بس الطبيعي إنها مش بتحك معايا حتى في المطبات العالية جدا سواء في الطلوع أو النزول

شكرا جدا على ردك بس الخلوص بين العجل والرفرف اقل من العربية الزيرو وده اللي مخليني متاكد ان في حاجه مش مظبوطه
بمعني اني حطيت ايدي لقيتها محشوره في عربيتي العربيه التانية كانت واقفة على منزل والمسافه اكبر من عربيتي الواقفه على ارض الشارع المستويه
وبصراحه دي الحاجه الغريبه والمضايقاني اكتر حاجه
ومن غير زعل 64 واحد دخل و2 بس اللي ردوا دي حاجه برضه تضايق :(