السلام عليكم
يا جماعة انا عندي عربية بيتلز الماني
وعايز اغير للجولف2
يا ترى اية رأيكم فيها؟ وفي قطع غيارها وصيانتها وسعرها
عرض للطباعة
السلام عليكم
يا جماعة انا عندي عربية بيتلز الماني
وعايز اغير للجولف2
يا ترى اية رأيكم فيها؟ وفي قطع غيارها وصيانتها وسعرها
في انتظار ردكم
أفضل موديل في الجولف2 هو من 1990 إلى 1992
جولف2 1300 CCموديل 1990 سعرها يتراوح من 35000 إلى 40000 حسب الحالة والكماليات
وهذه مواقع بيع مستعمل http://www.contactcars.com/UsedCars_All.asp
www.car100100.com
المهم تشترى حالة نظيفة عشان متصرفش عليها
يفضل تجيب واحدة مش ملعوب فيها أو متسقط لها مواتير يفضل تشتري واحدة على أصلها
ولازم تكشف عليها كويس بواسطة سمكري عشان في جولف كثير في السوق متبهدلة ومتلحملها أجزاء في الشاسيه
وأنا جاهز لأي إستفسار
أنا سيارتي الجولف موديل 1990 موتور 1300 CC
الحقيقة الموتور كويس جداً عليها
والموتور ال 1600 أقوى لكن إستهلاكه للبنزين أعلى
قطع الغيار معمرة جداً يعني بتغيرها مرة واحدة فقط
الأعطال بتحصل أحياناً لكن قليلة
الجولف أفضل من البيتلز وهي سيارة سفر
أنا أسافر بها يومياً مسافة مئة كيلو بسرعة متوسطة 140 كلم/ساعة من سنة تماماً
هي سيارة سفر وثباتها ممتاز جداً
بالنسبة للأوبل يعيبها أن قطع غيارها غالية موت
لكن تقييم الفكترا أنا لا أعرف عنها شيء
طيب ياريت لو حد قدامة جولف 2 أو 3 نظيفة قوي قووي يكلمني ضروري
الجولف 2 عربية مافيش زيها لا جديد ولا قديم وقطع الغيار اسعارها زى مانت شايف معقولة وكمان اقل من كدة شوية يعنى المساعدين الاستيراد الاربعة ب 120 جنيه وبتعيش حوالى سنة والجديد المنرو ب 300 جنيه الاتنين سواء كان قدام او ورا
قطع الغيار معمرة جدا والاعطال فعلا قليلة ماتقلقش من موضوع التسقيط لو عربية فيها موتور 1600 او 1800 حتى مش مشكلة خالص خاصة ان انت حتى لو بتشتريها 1300 تضمن منين ان ده موتورها الى جاية بيه من بلدها ولو موتورها اكيد هايبقى منتهى بعد 20 سنة شغل هايبقى تعب واشتغل فيه الميكانيكية كتير.
المهم هى عربية جميلة جدا جدا جدا انا راكبها بقالى سنتين هايلة وعلى فكرة قبلها كان معايا بيتلز برضه وكانت جميلة جدا مش قادر انساها لحد دلوقتى (علشان كدة انت جيتلى على الجرح)
على كل حال لو عاوز تعرف اى حاجة عن الجولف 2 اسألنى وانا اقوللك وشكرا لكل الى ردوا عليك قبلى لان كلامهم كله صح بالنسبة للجولف 3 هى عربية جميلة برضه بس من ناحية الثبات على الطريق مش زى الجولف 2 وهى متدلعة شوية وقطع غيارها غالية شويتين تلاتة بالنسبة للجولف 2 ولو عاوز عربية متدلعة زيها بالظبط وسعرها اقل كتير منها اركب ابيزا 94 قريبة منها جدا بس الثبات ممتاز قريب من الجولف 2 بس برضه مش زيه
وتحت امرك فى اى سؤال