الموضوع: محتاج رأيكم في الجولف2

المشاركة الأصلية كتبت بواسطة tservers

السلام عليكم
يا جماعة انا عندي عربية بيتلز الماني
وعايز اغير للجولف2
يا ترى اية رأيكم فيها؟ وفي قطع غيارها وصيانتها وسعرها

الجولف 2 سيارة روعة
لكن لابد تكون بحالة ممتازة
قطع غيارها كثيرة سواء مستعملة أو جديدة
وهي أغلى من قطع غيار ال 128 لكنها أرخص من الألماني والياباني

يعيبها أن مصاريفها عالية شوية

أفضل موديل في الجولف2 هو من 1990 إلى 1992
جولف2 1300 CCموديل 1990 سعرها يتراوح من 35000 إلى 40000 حسب الحالة والكماليات
وهذه مواقع بيع مستعمل http://www.contactcars.com/UsedCars_All.asp
www.car100100.com

المهم تشترى حالة نظيفة عشان متصرفش عليها
يفضل تجيب واحدة مش ملعوب فيها أو متسقط لها مواتير يفضل تشتري واحدة على أصلها

ولازم تكشف عليها كويس بواسطة سمكري عشان في جولف كثير في السوق متبهدلة ومتلحملها أجزاء في الشاسيه

وأنا جاهز لأي إستفسار

أنا سيارتي الجولف موديل 1990 موتور 1300 CC
الحقيقة الموتور كويس جداً عليها
والموتور ال 1600 أقوى لكن إستهلاكه للبنزين أعلى
قطع الغيار معمرة جداً يعني بتغيرها مرة واحدة فقط
الأعطال بتحصل أحياناً لكن قليلة
الجولف أفضل من البيتلز وهي سيارة سفر

أنا أسافر بها يومياً مسافة مئة كيلو بسرعة متوسطة 140 كلم/ساعة من سنة تماماً
هي سيارة سفر وثباتها ممتاز جداً

بالنسبة للأوبل يعيبها أن قطع غيارها غالية موت
لكن تقييم الفكترا أنا لا أعرف عنها شيء

المشاركة الأصلية كتبت بواسطة tservers

الف شكر على ردك
وانا فعلا حاطط ميزانية في التلاتينات
بس برضه بخصوص قطع غيارها عايز اعرف رينجها كام واية عيوب الجولف2
وشكلي هروح السوق لاني ناوي ابيع عربيتي البيتلز

أمثلة لقطع الغيار
فلتر زيت = 40 جنيه
فلتر هواء = 45 جنيه
جوز مساعدين ألماني أمامي أو خلفي = 480 جنيه
ماستر فرامل عمومي = 200 جنيه
جوز طنابير أمامية أسباني = 130 جنيه
تيل أمامي = 60 جنيه
تيل خلفي = 90 جنيه
سلك دبرياش = 80 جنيه

وهكذا

طيب ياريت لو حد قدامة جولف 2 أو 3 نظيفة قوي قووي يكلمني ضروري