ارجوا الافاده : بخصوص شراء عربية بونتو كلاسيك 2011

**hooda2010** · 11-10-2014 10:26 AM

لو سمحت يا شباب انا هاشتري عربية فيات بونتو كلاسيك 2011 ودفعت عربون ليها 1000 جنيه وعملت عقد ابتدائي قبل ما اكشف على العربيه ، قبل الكشف صاحبها قالي فبريكا برا وجوه ومافيهاش مشاكل خالص وبعد الكشف طلعت مرشوشة نظافه حاجات خفيفه مش كل مكان يعني واصحابي قالولي عادي جدا ده رشه نضافه بدون معجون يعني افضل ليك بدل ما كنت ترشها انتا هل ده ينقص في سعرها ؟ ولا عادي ؟ وهي موديل 2011 وكانت ساعتها ب 72 الف و 900 وانا هاشتريها دلوقتي ب 62 الف جنيه وعامله 83 الف كيلو هل كده كتير ؟؟ ولا ممكن اقلل السعر تاني شوية ولو موافقش كده هاتروح عليا ال 1000 جنيه ومصاريف الفحص اللي هي 150 جنيه ؟؟ ولا هاقدر اخدهم ؟؟ اه نسيت حاجه الاكصدام من قدام مكسور كده كسر بالطول قالي انه بيتلحم ب 50 جنيه ومش هايكون فيها مشاكل خالص والعربية من الجانب الشمال فيها حكه حوالي 30 سم مش قوية اوي بس واضحه
وشكرا

**moumen_hs** · 11-10-2014 12:13 PM

أنا بدور على نفس العربية بس موديل 2004 عايز راى غلط أنك تدفع عربون 1000 من غير ما تكشف على العربية وكنت فى السوق أمبارح كان فى عربية 2011 فبركة بمعنى الكلمة ب 64000 من تاجر أول كلام و 2012 شرحة ب 67000 بداية كلام وعدادات 40 الف فقط وحالة العربية تدل على العداد لان فى لاعب كتير معلش أنا خبرة شوية أنما 83 الف كيلو كتير على عربية 2011 ورشة برة فنصيجة من أخ أستعوض ربنا فى الاف جنية فى دهية بس ممكن تلابط مع الراجل على أساس أنة قيلك فبريكة برة وجوة وطلعت غير كدة أنشالله نص الفلوس وبعد كدة العربون لربط الكلام فى عربية ميكونتش أكترمن 100 . 200 جنية بالكتير التاجر الى فى السوق علشان يخرج عربيتة من السوق بيعمل كدة مابالك بالزبون الى بيبيع ياخد الف ماشى بس كان المفروض كشفت أو حضرتك جربت العربية وخبرة وربنا يوفقك للخير

**shiko85** · 11-10-2014 04:35 PM

لو مش هتشترى يبقى هيروح عليك الـ 150 جنيه بتوع الكشف بس لازم تتمسك بالـ 1000 جنيه لان بعد الكشف طلعت العربيه مرشوشه مش فابريكا بالكامل

**Amr_650** · 11-10-2014 04:42 PM

من وجه نظرى ماشية كتير على الموديل طبعا ,, حقك ال1000 يرجعو و انت تشيل تمن الفحص .. العربية كويسة , انا مشتريها فى 2011 ب 68000 كاش .. العيب الوحيد اللى مستغربو فيها .. انها اخرها 160 كم سرعه !! مش عارف ازاى مش بتجيب اكتر

**hooda2010** · 11-10-2014 06:05 PM

المشاركة الأصلية كتبت بواسطة moumen_hs

أنا بدور على نفس العربية بس موديل 2004 عايز راى غلط أنك تدفع عربون 1000 من غير ما تكشف على العربية وكنت فى السوق أمبارح كان فى عربية 2011 فبركة بمعنى الكلمة ب 64000 من تاجر أول كلام و 2012 شرحة ب 67000 بداية كلام وعدادات 40 الف فقط وحالة العربية تدل على العداد لان فى لاعب كتير معلش أنا خبرة شوية أنما 83 الف كيلو كتير على عربية 2011 ورشة برة فنصيجة من أخ أستعوض ربنا فى الاف جنية فى دهية بس ممكن تلابط مع الراجل على أساس أنة قيلك فبريكة برة وجوة وطلعت غير كدة أنشالله نص الفلوس وبعد كدة العربون لربط الكلام فى عربية ميكونتش أكترمن 100 . 200 جنية بالكتير التاجر الى فى السوق علشان يخرج عربيتة من السوق بيعمل كدة مابالك بالزبون الى بيبيع ياخد الف ماشى بس كان المفروض كشفت أو حضرتك جربت العربية وخبرة وربنا يوفقك للخير

شكرا على الرد
للاسف انا مش خبرة في العربيات خالص
وكل الناس قالولي العربون 1000 جنيه
وبعد لما كشفت على العربيه قالولي جامده في الفحص ومافيهاش مشاكل
وقالي الرش اللي برا للنضافه بس
ودي مش هايعيب العربيه
وقالي الماتور بتاعها 77% وحالته كويسه
والعفشه كويسه وكل حاجه مظبوطه

المشاركة الأصلية كتبت بواسطة amr_650

من وجه نظرى ماشية كتير على الموديل طبعا ,, حقك ال1000 يرجعو و انت تشيل تمن الفحص .. العربية كويسة , انا مشتريها فى 2011 ب 68000 كاش .. العيب الوحيد اللى مستغربو فيها .. انها اخرها 160 كم سرعه !! مش عارف ازاى مش بتجيب اكتر

ياريت يوافق بكده مش مهم ال 150 جنيه
المهم مايخدش حاجه من ال 1000 جنيه
ولو حاولت انزل السعر عن 62 الف يبقى تمام

المشاركة الأصلية كتبت بواسطة shiko85

لو مش هتشترى يبقى هيروح عليك الـ 150 جنيه بتوع الكشف بس لازم تتمسك بالـ 1000 جنيه لان بعد الكشف طلعت العربيه مرشوشه مش فابريكا بالكامل
انا برضو هاتمسك بالكلام ده
بس للاسف كان لازم اتمسك في ساعتها بالموضوع ده
انما كله قالي عادي رش نضافه مش هيأثر ودي ميزة ليك بدل ما انتا اللي ترش

**shiko85** · 11-10-2014 06:31 PM

[quote=hooda2010;3875782217
وقالي الماتور بتاعها 77% وحالته كويسه
[/quote]
77% و العربيه 2011 ؟؟!!

**hooda2010** · 11-10-2014 06:44 PM

المشاركة الأصلية كتبت بواسطة shiko85

77% و العربيه 2011 ؟؟!!

قالي الماتور بتاعها بيكون 85%
وقالي كده حالتها كويسه
معلش انا مش بفهم في العربيات علشان كده محتاج اخده نصايحكم
قبل ما اشتريها بكرا

**Mohamed_Hanafi** · 11-10-2014 08:07 PM

واحد صاحبي كان بيبيع عربيته موديل ٢٠٠٢ بس هوه كان بيحافظ بصراحة علي العربية و لما فحصوها كان الموتور ٧٥٪

نصيحة مني بلاش العربية ديه عشان واضح انه طلع عينها

**hooda2010** · 12-10-2014 01:29 AM

المشاركة الأصلية كتبت بواسطة mohamed_hanafi

واحد صاحبي كان بيبيع عربيته موديل ٢٠٠٢ بس هوه كان بيحافظ بصراحة علي العربية و لما فحصوها كان الموتور ٧٥٪

نصيحة مني بلاش العربية ديه عشان واضح انه طلع عينها

والعربون يا كبيررر ؟!!!

**Mohamed_Hanafi** · 13-10-2014 01:18 AM

المشاركة الأصلية كتبت بواسطة hooda2010

والعربون يا كبيررر ؟!!!

العربون حقك طبعاً بس انا اسف يعني انا عمري ما سمعت ان فيه حد بيدفع عربون في عربية مستعملة لو انت بتشتريها من صاحبها! شكلك كنت بتشتريها من تاجر عشان كده دفعت عربون.

عموماً العربون حقك و لو حسيت ان الراجل بيبلطج معاك يبقي ربنا يعوض عليك بقي.