للزمالكويه فقط

**human** · 27-10-2008 11:01 AM

المشاركة الأصلية كتبت بواسطة kh_talaat

طب ما تريحوا نفسكم يا رجاله وتشجعوا الأهلي هههههههههههههه

يا ريت حضرتك تقولى ايه الغرض من المداخله ديه؟
عشان لو موش شايفه تساعدنى و اشوفه
لو حضرتك قريت الكلام من الاول قلنا منقدرش نشجع الاهلى
و بعدين الاستاذ ممدوح قال الزمالكاوى الحق ماينفعش يشجح حاجه تانيه

و بعدين لما الناس كلها تشجع الاهلى ده شىء كويس مثلا؟

حزب واحد
قناة واحده
عربيه واحده
نادى واحد
ريس واحد!!!!

ارجوك بلاش تعليقات من اجل الاستفذاذ

**MedaSam** · 27-10-2008 11:10 AM

An advice from your brother, stop watching all matches related to our Egyptian league. I strongly recommend you to watch the Spanish, Italian, or English leagues. You will find out the real football, instead of the one we are playing which called "7ankora " according to 7assam El Mestekawy

I am Ahlawy, and in spite of that I no longer support it as before since I started watching the above mentioned leagues. Believe me you will really enjoy watching and you will gain good football skills also (if you are still playing with your friends). You asked for a cure of this, just stop watching the whole Egyptian league.

To OlaOsman, why you asked Ahlawyea to not share in this subject? I am Ahlawy but still human; I can feel his pain and his anger.

At last, I want to highlight on you can have the best players in the world in your team but they are useless without good management and planning. Remember Real Mardrid three or four years ago, they had Zidan, Figo, Raul, Ronaldo, Roberto Carlos, and many others, but they lost all competitions they took part till Fabio Cabillo brought them again to Spanish League top.

**sasatony** · 27-10-2008 11:15 AM

بص انا زيك كده والله بعشق حاجة اسمها الزمالك
بس المصيبة اني بعشق الفريق الغلط لان الكارثة ان العيلة كلها اهلاوية وانا الوحيد الزملكاوي ازاي معرفش
المهم انا بعد كل خسارة اقصد فضيحة للزمالك اقول مش هشجعه تاني
بس يجي الماتش التاني اروح سايب الدنيا كلها والله واتفرج علي الماتش
لسبب بسيط اووي
لان ده انتماء ودي الحاجة الوحيدة الي البلد مختلفها فيها يعني يااما زملكاوي او اهلاوي
من الاخر ده الشئ الوحيد الي بنقدر نعبر فيه عن رائينا

**marsguy** · 27-10-2008 11:16 AM

نصيحتي لأي مشجع رياضه إنه يحط في دماغه دايماً إن الفرجه على الرياضه دية مجرد ترفيه أو وسيله لتقضية وقت الفراغ، والمفروض برضه الواحد يشجع فريقه بغض النظر إذا كان بيكسب ولا ﻷ.

شوف الناس بره بتلاقي حتى الفرق اللي بقت تعبانه جداً ليها جماهير عريضه ومخلصه مع إن الفرق دية ما بقتش تكسب ولا بتجيب بطولات، بس الناس بتتفرج عشان هي أولا بتحب النادي بتاعها وثانياً عشان ده زي ما قلت نشاط ترفيهي.

**mido777** · 27-10-2008 11:19 AM

انا بقه المشكله عندى اكبر

كل ما الزمالك يتغلب او يطلع من بطولة والاقى الناس بتقول الكلام ده (اللى هو مش حشجع تانى _مش حتابع ,,,,,,و)

بلاقى نفسى زملكاوى اكتر واكتر وتلاقينى الماتش اللى بعده موجود فى الاستاد وبشجع
"والله بسافر مخصوص وارجع تانى فى نفس اليوم"

احنا بنشجع كيان واسم نادى مش بنشجع لاعيبة

ايوه اللعيبة دول هما اللى حيبوظوا الأسم والكيان ده بس فى الأخر هم اللى حيغورا والزمالك هو اللى حيبقى

**أبو عبدالله** · 27-10-2008 11:22 AM

يعني افهم من كده ان الزمالك
بيطفش الناس من الكورة كمان
يعني مش بيقرفهم لأ
بيطفشهم كمان

لا حول ولا قوة الا بالله

كلمة لأخواني بجد
ياريت الكوره تبقى في مقامها
يعني رياضة سواء طلعت او نزلت فهيا رياضه لا تقدم ولا تأخر لنا غير انك بتستمتع بها بس
اما انك تحرق دمك والكلام الفارغ ده للأسف اعذروني فده من السفه
وانا الحمد لله عالجت الموضوع ده من زمان لعدة اسباب أولها
ان احنا اصلا في مصر مفيش حاجه اسمها كوره للأسف
احنا بنلعب في الشارع احسن من كده
وللأسف ممكن اقولك ان احنا دائما بنلعب حمية مش بنلعب كورة

**human** · 27-10-2008 11:25 AM

المشاركة الأصلية كتبت بواسطة MedaSam

An

At last, I want to highlight on you can have the best players in the world in your team but they are useless without good management and planning. Remember Real Mardrid three or four years ago, they had Zidan, Figo, Raul, Ronaldo, Roberto Carlos, and many others, but they lost all competitions they took part till Fabio Cabillo brought them again to Spanish League top.

you are right, they had it all, but i don't think for a second ahly is winning because he has a good management, i believe something different..

بص تخيل ان انت عندك اتنين واحد غنى جدا غنى فاحش و واحد معاه فلوس على قده
اول سنه الغنى اوى نزل جاب عربيه اوبل و التانى جاب عربيه 128 و سقط فيها ماتور لانشيا و لم الموضوع و نزلو يسابقوا بعض طبعا ال 128 قطعت الاوبل بس بعد كده هكعت و نامت و باظت و الاوبل طبعا مكمله

السنه اللى بعديها اللى معاه 128 باع اللى قدامه واللى وراه و جاب BMW و الغنى فاحش ظبت العربيه و حط اوبشنز و ظبط الموتور
الاوبل حكاه مع الBMW قام الراجل وقف السبق و بعت جاب BMW فئه اعلى و هاى لاين

طبعا مافيش مقارنه

**human** · 27-10-2008 11:27 AM

المشاركة الأصلية كتبت بواسطة sasatony

بص انا زيك كده والله بعشق حاجة اسمها الزمالك
بس المصيبة اني بعشق الفريق الغلط لان الكارثة ان العيلة كلها اهلاوية وانا الوحيد الزملكاوي ازاي معرفش
المهم انا بعد كل خسارة اقصد فضيحة للزمالك اقول مش هشجعه تاني
بس يجي الماتش التاني اروح سايب الدنيا كلها والله واتفرج علي الماتش
لسبب بسيط اووي
لان ده انتماء ودي الحاجة الوحيدة الي البلد مختلفها فيها يعني يااما زملكاوي او اهلاوي
من الاخر ده الشئ الوحيد الي بنقدر نعبر فيه عن رائينا

والله ده حالى و حال جميع الزمالكويه اللى اعرفهم

ورد تانى لابو عبدالله

**hn_kamal** · 27-10-2008 11:31 AM

بص ياباشا تشجيع الزمالك ده حاجة كده ممكن تسميها ادمان لانك حتلاقى نفسك الماتش الجاي بتفتح التليفزيون وبتتفرج على الماتش
بس انا بصراحة بعد فضيحة امبارح دى حاجة واحدة اللى بسطتنى انى فرحت فى اللعيبة المنفسنة دى لما الجماهير شتمتهم لانهم يستاهلوا اكتر من كده ويارب يصعدوا فريق الناشئين واللعيبة دى تروح لمزبلة التاريخ الزملكاوية ويبقوا يشوفوا ساعتها حيتشرطوا على مين ويقبضوا من مين

**human** · 27-10-2008 11:34 AM

المشاركة الأصلية كتبت بواسطة hn_kamal

بص ياباشا تشجيع الزمالك ده حاجة كده ممكن تسميها ادمان لانك حتلاقى نفسك الماتش الجاي بتفتح التليفزيون وبتتفرج على الماتش
بس انا بصراحة بعد فضيحة امبارح دى حاجة واحدة اللى بسطتنى انى فرحت فى اللعيبة المنفسنة دى لما الجماهير شتمتهم لانهم يستاهلوا اكتر من كده ويارب يصعدوا فريق الناشئين واللعيبة دى تروح لمزبلة التاريخ الزملكاوية ويبقوا يشوفوا ساعتها حيتشرطوا على مين ويقبضوا من مين

كلامك صح
ابو العلا ده بياخد فلوس ليه؟ و جمال حمزه ابو غزاله و اوسه و غيرو وغير بيعملوا ايه
يغورو بقى و نجيب ناس عدله انا خايف والله يجيبوا فاروق جعفر يكمل الموسم
و زى كل مره نقول الموسم اللى جاى

اووووووف