الموضوع: للزمالكويه فقط

أنا ازاي مشفتش الموضوع ده الا الوقتي بس
بالرغم اني زملكاوي جدا جدا و كنت زعلان زي معظم الزملكاوية الشرفاء على الاداء الهزيل امام الاوليمبي بس قلت رب ضارة نافعة ان شاء الله الوضع يتحسن بادارة جديدة . تاني حاجة فرحتني من الموضوع ده ان فيه زملكاوية كتير بالمنتدي لأن كان عليا هجوم حاد كوني زملكاوي في موضوع بمنتدى الاخبار المنقولة .
المهم ربنا هيكرم الزمالك و هيقوم من كبوته .
بالنسبة للتمثيل بقى ايه رأيك في فلافيو الحائز على اوسكار بالتمثيل و اعتقد دا واضح للجميع .
بالنسبة لأبو تريكة و أسامة حسني و الله الاتنين بركة يا جماعة و ماشية بركة دعا الوالدين.
الاهلي عايز هاني سعيد يا ريت يشبعوا بيه و الزمالك يرميه ببلاش .
أحمد السيد و شادي و أنيس و حسام اعتقد دا بركة دعا الوالدين لأنهم أساسا حرام يلبسوا فانلة الاهلي .
عماد متعب أكبر مكسب للاهلي انه سرحه بره .
أمير ( لا تعليق ) انتوا عارفين اكتر مني .
اعتقد ممكن الكل يوافقني بس فعلا الاهلي له ادارة مستقرة مفيش مشاكل و دا السبب في نفسية لاعبيه أكتر من كده لا شئ .
الاهلي لا فيه لعيبة زي الناس و لا حاجة بس مدرب قوي و ادارة قوية
انا في رايي ان الزمالك لو ادارته مستقرة هيكون احسن بكتير لأن لاعبي الزمالك أحسن من لاعبي الاهلي بس يا خسارة .

انا و الله مش داخل اقارن بين الاهلي و الزمالك و لا حتى شمتان
بس ممكن تشوف متشات الاهلي و انت تعرف يعني ايه رجوله في الاداء
و الدليل على كدة اجوان الوقت الضائع ( ماتش النجم الساحلي )في تونس
يعني ايه لما يدخل فيك جون ما تتأثرش بل بالعكس حماسك يزيد ( ماتش الاهلي و الزمالك 4/3 ) و الاسماعيلي 4/4 مع ان الاهلي كان متأخر في الماتشين دول بس بحماس اللعيبة و الرجولة في الداء قدروا يحققوا المكسب و التعادل
بالنسبة لموضوع التمثيل فلافيو بيمثل و ابو تريكة بيمثل انا معاك في ده بس فين الإيجابية على المرمى يعني الفرص بتستغل كويس عكس جمال حمزة و عبد الحليم علي اسهل حاجة عندم التمثيل .
ارجو ثانيتاً الا اكون دايقت حد و يارب بجد الزمالك يرجع زي الاول .