الموضوع: ما نيجى نشوف عروض سكودا أوكتافيا a7 فى الخارج زى دولة قطر

المشاركة الأصلية كتبت بواسطة Hunting_Eagle

هي العروض دي عادية .. الصيانة و خدمة الطريق و التأمين .. و غالبا هتبقى موديل 2014

شركات كمان بتعمل خصم كاش .. ممكن يوصل لحد 15 او 20 % من ثمن العربية

ده عادي

اللي مش عادي بقى .. ان العربية متسعرة في الكنافة

بتمنها تجيب هوندا اكورد 6 سلندر او اي من اخواتها كامري و التيما و امبالا و ماليبو .. كله 6 سلندر 3500 250 حصان و انت طالع ..

الكلام ده هنا في الكويت و ما اعتقدش هاتفرق عن قطر

هنا سعرها 7800 .. و الباسات تبدي من 5400 دينار !!

عارفين ان محدش بيشتريها غير المصريين فبيستغلوا الموقف

دا إستغلال وأنهى إستغلال ، لا هنا مش غاليه اوى كدا

لما سألت عليها في شهر 11 اللى فات أول مانزلت كانت بتبدأ من 75 الف ريال وتوصل ل 90 الف ، بالسعر دا تعتبر أرخص عربيه تربو في الخليج

بس اللى بيوصل ل 75 - 80 الف صعب اوى يفكر فى عربيه Compact ، في الغالب بيجيب كورولا :) ويوفر مبلغ كمان وهاتكون فل أوبشنز ، أو نيسان سينترا الجديده وهايوفر برضه ، وفى كمان السيراتو بتقول ماما وبابا ب 70 الف وتعتبر منتشره جدا فى قطر على غير عادة معظم دول الخليج والعالم ان الهيونداى هي اللى منتشره لأ هنا العكس

أو يطلع للفئه الأعلى ويجيب ألتيما أو ماليبو بس هاتكون 4 سلندر أول فئه

أو يجيب مستعمل ودا بحره واسع

لكن فى الزيرو مفيش إختيارات كتير فى الفئات الأعلى ، ممكن المازدا 6 بس دى مفيش عليها إقبال خالص في قطر وهاتبقى 4 سلندر ، والكامرى والأكورد ال 4 سلندر بيبدأوا من أواخر ال 80 وأول ال 90 ، الإمبالا فوق ال 100

بس بعد دا كله ، ماعتقدش العرض يجيب نتيجه أوى لأن العربيه شبه ملهاش وجود في الشارع تماما !!!