-
نصيحة فى شراء ابيزا 99
السﻻم عليكم
دلوقتى انا قدامى ابيزا 99 موتور 1400 بتاعت واحد قريبى على 20000 بس هو قايلى انها محتاجة تظبيط
1- الموتور بياكل زيت
2- محتاجة تابلوه عشان الى موجود فيها فى حاجات مكسرة
3- محتاجة شغل سمكرة و دهان و قالى ان اﻻكصدمات ممكن تتغير
4- التكييف مش شغال وقالى ان هو كان شغال بس فيه مشكلة فى التﻻجة الى جوة التابلوة
فا دلوقتى انا كنت عاوز اسال اصحاب الخبرة اﻻبيزا بصفة عامة والموديل 99 ده كويس وﻻ ﻻ وايه مشاكله
والحاجات المطلوب تظبيطها ديه تحتاج كام تقريبا و مين ورش بتشتغل فيها فى نطاق شرق القاهرة
انا استخدامى للعربية هيكون بسيط اوى يعنى شهر فى السنة تقريبا
-
طب ما تزود بتمن الحاجات اللى هتصلحها فيها و تجيب حالة كويسة عنها
-
ما هو حتى لو زودت رنج العربية ديه من 30 ل 35 لو حالتها نضيفة و برده اكيد هتبقى محتاجة شغل ممكن مش بنفس الدرجة بس على اﻻقل الى قدامى ديه هبقى عامل كله على ايدى و عارف كل حاجة فيها
-
بغض النظر عن العربية
انا هقولك نصيحة عن تجربة
طالما انت مسافر برة مصر وهتستخدم العربية شهر فى السنة يبقى احسنلك متشتريش عربية ولما تنزل اجازتك ابقى أجر عربية مدة الشهر اللى انت قاعده
لأن تخزين العربية لمدة سنة حاجة مش عملية خالص
1- لازم تحطها فى جراج طول الفترة اللى مش هتستخدمها فيها وأقل جراج دلوقتى بـ 300 جنيه فى الشهر يعنى 3600 جنيه فى السنة
لو افترضنا انك عندك جراج خاص ومش هتدفع فيه فلوس يبقى ندخل على نمرة 2
2- لازم ترفع العربية وتفك العجل منها عشان الكاوتش بيبوظ من الوقفة وبينشف ولازم بتخزن بطريقة معينة ولو رفعت العربية بالكاوتش بيكون حمل على العفشة
3- لازم تفك البطارية وتخزنها بطريقة معينة ولما تحب تركبها لازم تتشحن قبلها ولو معملتش كده يبقى كل اجازة هتنزلها هتجيب بطارية جديدة
4- لازم قبل ماترفع العربية تغسلها بالجاز عشان لو معملتش كده البارومة هتاكل فيها والطنابير هتصدى والجلب هتنشف وتزيق
5- لازم دورة التبريد تكون نضيفة وتحطلها مانع الصدأ لأن المياه هتاكل فى الردياتير وطرمبة المياه وبعد سنة لما تيجى تستخدم العربية هتلاقيها بتسخن وده لأن دورة التبريد اتسدت
6- لازم تغطى العربية وتقفل اى فتحات فيها لأن ممكن عرسة او فار يدخل يبهدلك الدنيا وياكل فى الفرش او اسلاك الضفيرة
7- لازم بعد سنة لما تيجى تستخدمها لازم تغير الزيت لأن بتكون صلاحيته انتهت وبالتالى لما تحط زيت جديد مش هتلحق تستخدم المسافة بتاعته فى الشهر اللى انت قاعده
8- فيه حاجات تانية كتير فى العربية بتتأثر بالركنة زى طرمبة البنزين وطرمبة المياه وعلبة الشكمان .......
يعنى هتلاقى نفسك ضيعت اسبوع من اجازتك رايح جاى على الميكانيكى والكهربائى والعفشجى عشان تظبط العربية وتستخدمها فى الـ3 اسابيع اللى فاضلين وبعدين ترجع تعمل الموضوع من اول رقم 1 تانى
نصيحة من واحد مجرب
-
استاذ كريم شكرا على ردك.. انا الى فى دماغى انى اجيب عربية تستحملنى الشهر ده بعيدا عن اﻻيجار ومشاكله فى مصر وكدة كدة مش هرفعها .. هسبها مع اخويا الصغير .. لو تقدر تفيدنى فى النقط الى قولت عليها فوق اكون شاكر لييك
-
اوك لو كده يبقى تمام
عموما مفيش عربية مفيهاش مشاكل او عيوب ولكن الموديل ده كويس بالنسبة لسعره وسعر قطع غياره و توافرها
وكل اعطالها ومشاكلها محفوظة وهتلاقى حل لأى مشكلة لو قلبت فى مواضيع القسم هنا
1- الموتور بياكل زيت ليه كذا سبب ومش هيبان السبب غير لما الموتور يتفتح
واسهل حاجة انك تجيب شورت بلوك بـ 2500 جنيه وتركيبها مش هياخد نص يوم (برة بيقولوا عليها جرم مكينة) وده بيبقى بلوكة بـ وش السلندر بتاعهابدون ادوات تغذية متقفلة وجاهزة على التركيب على طوول
2- الطابلوه كامل استيراد سعره من 600 - 800 جنيه حسب الحالة والتاجر
3- والسمكرة والدهان مش هقدر افيدك فيهم لأن ده بيكون حسب حالة العربية ولازم تروح بيها لسمكرى وبتاع دوكو عشان هو اللى هيحدد
الاكصدامين استيراد فى حدود 1000 جنيه
4- التكييف لازم تكشف عليه بالكامل لأن جايز يكون فيه حاجة تانية هى اللى بايظة وسعر التكييف كامل 3000 جنيه
قطع الغيار هتلاقيها فى الحرفيين اكيد لكن غير كده انا معرفش لأنى من اسكندرية ومش حافظ القاهرة كويس
ورشة نايل موتورز فى الحرفيين بتعمل سمكرة ودوكو وشغلهم كويس عن تجارب كا حد معانا فى القسم
وده لينك بأسماء الورش والتجار بناء على تجارب الأعضاء معاهم
http://www.nilemotors.net/Nile/365862-a.html
http://www.nilemotors.net/Nile/341028-a.html
-
هو تكييف الابيزا 94 قوى ولا ضعيف ؟ و سعر الابيزا 94 حالة معقولة تعمل كام؟
هل بيعها سهل ولا صعب لان دى هتكون اول عربية ليا
-
بص يا باشا
انا معايا الموديل دة
السعر طبعاً تحفة جداً
لأنك مهما صرفت عليها مش هتكمل حقها ومش هتوصل معاك لل30
اما عن اعادة البيع فالعربية مطلوبة جداً وكل عربية وليها سعرها حسب حالتها فهتبيع هتبيع لو حبيت تبيع
تحياتي
-
هو انا حسيت فعلا ان السعر لقطه بس الى فهمته انا محتاجة بتاع 15 الف عشان تتظبط و المشكله انى مش شايفها فا صرفت نظر وقولت اعلى الرنج واشوف ميجان او جين 2 ..الف شكر
-
قولوا يبدل بابيزا 94 معدله 98 موتور 1600
Content Relevant URLs by
vBSEO 3.6.0 PL2