[][السلام عليكم
وعليكم السلام
شباب كل سنة وانتم طيبين اولا ، كنت عايز اعرف منكم اذاى اطلع رخصة القيادة (اول مرة) ، واعتقد دى الحاجات اللى ممكن الواحد يحتاجها و عايز اسألكم عليها:
1- الاوراق المطلوبة (وياريت لو توضحولى كل حاجة بتتعمل منيين ذى مثلا الشهادات الطبية ممكن من اى مستشفى ولا لازم حكومية)
ده الحاجات اللإحتاجوها فعلا لما رحت
هتحتاج 4 صور شخصية + صورة للرقم القومي والأصل للإطلاع عليه + كشف نظر وكشف باطنة الواحد بـ20 جنية من أي مركز او مستشفى أو مستوصف صحي (قولهم عشان الرخصة هم فاهمين) خاص حكومي شغاال
يتم استخراج الرخصة لاول مرة بعد تقديم الاوراق اللازمة مثل 4 صور شخصية حديثة وبطاقة الرقم القومي سارية وصورتها والمؤهل الدراسي أو مايثبت القدرة على الكتابة والقراءة والشهادات الطبية نظر وباطنة وان يكون السن 18 عاما أو أكثر ودفع الرسوم بعدها يتم عمل امتحان شفوى على الرموز وإشارات المرور عن طريق الحاسب أو باشراف مدير وحدة المرور ويكون ذو رتبة رفيعة بعدها يتم عمل امتحان عملى على القيادة يختلف من مكان لاخر في الصعوبة.
2- الوقت المطلوب لعمل الاختبارات و استخراجها فى وحدة التراخيص التابع لها
ممكن لو مش زحمة أوي نفس اليوم إن شاء الله المهم تروح بدري 9 مثلا
3- المصاريف
مش هتزيد عن 100 بمصاريف الملف بالطوابع بكل حاجة
4- انا مش عندى عربية حاليا بس ناوى اجيب قريب ان شاء الله (اللهم ارزقنا جميعا) وكنت بسوق على خفيف كده من حين لأخر فهل لو بصيت على العلامات/الامتحانات اللى اخوانى (جزاهم الله خير) حاطينها هنا هتبقى كفاية وللا لازم اروح مكان تعليم سواقة
الف مبروووك مقدماً , ركز عالحاجات اللعنت دي والاشارات والأسئلة
وشف موقع اسمه futuredriver شبه الهناك بالظبط وخلي بالك هم 12 سؤال تجاوب عالأقل 10 صح عشان تعدي مرتاح لو معدتش هتمتحن بعد 3 شهور
5- ايه الوضع لو روحت الاختبار وانا مش معايا عربية
عادي هم عدنهم بس مانويل عاديه
6- لو اى حاجة شايفينها ناقصة والحركات والتكات اللى ممكن تتعمل عشان اسرع الموضوع ده ...... :)
مش محتاج غير الإتكال عالله انا رحت ومكنش معايا غير ربنا والحمد لله طلعتها عادي
ومش غير دفع حاجة زيادة لحد والظباط كانو محترمين جدا مرور اكتوبر , نصيحة روح بدري 9 مثلا
جزاكم الله خيرا
منتظر ردودكم
بالتوفيق دعواتك
المفضلات