اسعار كاوتش m 11

**MACATHIUS** · 14-10-2014 01:38 PM

المشاركة الأصلية كتبت بواسطة hemaa_82

معلش يا باشا انا مركب 16 205\55 كومهو اكستا اس بي تي فيتنامي من كام اسبوع ب 480 جنيه الفردة ... والراجل بيبيع لو عايز كريديت كارد او بريميوم كمان ده لمحبي التقسيط تبع نفسهم يعني...

و عايز اقولك ان غالبا الفرق بين ال 15 و ال16 قليل جدا عند معظم التجار

انا اول مرة اغير كاوتش و مارضيتش اجيب حاجة رخيصة لأن الاولانى كان بيريللى ... عموما الايام هتبين فيه فرق بين الالمانى و الفيتنامى و لا كله واحد ... و ادى الواحد بياخد خبرة فى الكاوتش.
وانا بعدت عن الكومهو عشان قريت مشاركات بتقول انه مش اوى :
http://www.nilemotors.net/Nile/127395-a-6.html
و كمان انا قريت فى نفس الموضوع اللى انا حاطط اللينك بتاعه ان الكومهو كورى مش فيتنامى و الكورى سألت عن سعره كان حوالى 600 او 650 تقريباً فقولت مش هتفرق 50 جنيه زيادة و كله بيشكر فى الكونتننتال.

**hemaa_82** · 14-10-2014 04:11 PM

الفرق بين الكوري و الفيتنامي 20 الي 25 جنيه .... انا ركبت 3 فرد كوري ب 475 و وقتها الفيتنامي كان ب 450 ...
علشان كدة لما ملاقيتش غير الفيتنامي موجعتش دماغي في التدوير ...

انما اهم حاجة كنت بتأكد منها وانا بركب ده ولا ده ان سرعته تبقي مضبوطة "مش اقل من v" يعني ستحمل ضغط لسرعة من 210 الي 240 و ان التماسك و الجر "traction " مش اقل من AA يعني مش a واحدة .. بتفرق في الفرامل و الزحلقة

**mhkorayem** · 15-10-2014 04:38 AM

المشاركة الأصلية كتبت بواسطة hemaa_82

بص هوه كان كاوتش الفابريقة .... و حصلت في الخمس فرد والله مش واحدة ولا 2 كنت قلت عادي ..... عامة يا سيدنا ما تنقش علي نفسك :)

معلش بس كنت عاوز استفسر
انت فاكر موديل البريللي ده كان ايه؟؟
أعتقد ممكن تكون بتتكلم على بريللي p3000 اللي كان بينزل مع اللانوس (كان مش قد كده)

**hemaa_82** · 15-10-2014 05:10 PM

p6000 ....

**mhkorayem** · 16-10-2014 02:25 AM

المشاركة الأصلية كتبت بواسطة hemaa_82

p6000 ....

غريبه اوي أن p6000 يعمل كده معاك لانه كان كويس
كان نازل في الفابريكه للاوبل فكترا 95 بتاعت والدي وكان كل لما يغير الكاوتش كان بيدور عليه ويجيبه وبصراحه كان كويس وبيعيش بدون مشاكل
مش عارف اللي حصل معاك ده كان سوء حظ ولا إيه ؟؟؟
عموماً على ما اعتقد p6000 معدش بينزل دلوقتي

**shadymt2005** · 24-10-2014 02:25 PM

طيب حط جرب الهانكوك الفردة 540

**shadymt2005** · 24-10-2014 02:27 PM

الهانكوك كورى الصنع

**katoba** · 28-11-2014 01:46 PM

كلام مفيد وخصوصا انى محتاج اغير الكاوتشات اليومين دول لكن عايز اعرف هل من الممكن احدد مكان صناعة الكاوتش من نفسي سواء اوروبي او كورى او تركي او اندونيسي او صبنى هل فيه حاجة تدل على كدة ولا المفروض كلام البياع مسلم بيه

**MACATHIUS** · 30-11-2014 12:02 PM

المشاركة الأصلية كتبت بواسطة katoba

كلام مفيد وخصوصا انى محتاج اغير الكاوتشات اليومين دول لكن عايز اعرف هل من الممكن احدد مكان صناعة الكاوتش من نفسي سواء اوروبي او كورى او تركي او اندونيسي او صبنى هل فيه حاجة تدل على كدة ولا المفروض كلام البياع مسلم بيه

بيكون محفور على الكاوتش ... يعنى اللى انا جايبها محفور عليها فى صبة الكاوتش نفسه made in germany