الشكوى بتقول العربية لسة مكملتش شهر :k38:
يبقى رومان بلى ازاى":_Alshmokh08[1]:
عرض للطباعة
السيد المبجل جدا / عمرو
احب ان احييك و اظهر لك تقديرى و شكرى " وفخرى و نظمى و الكلام اللى انت عارفه ده :satelite: "
المهم ، الحقيقة انا معايا اروع سيارة على الاطلاق و هى جين 2 2008
عملتلها صيانة ال 10000 يوم 17/3
العاملين هناك كويسين جدا و بيأدوا عملهم بس لاحظت ان مافيش قسم للكاوتش خالص و لما سألت لقيت انهم معندهمش حتى قطع غيار " جنوط و كاوتش يعنى"
المشكلة انى عندى "ثقب فى الجنط نفسه " و كل يوم لازم قبل اى حاجة اروح ازود الفردة دى و فى التوكيل قال انه مانقدرش نفيدك و محاولش يبص عليها حتى
ارجو افادتى بحل المشكلة و للعلم المشكلة دى عندى من اول ما اشتريت العربية
اعزائل الكرام توكيل عز العرب فى الاسكندرية عند كوبرى ابيس روحو هناك و اسألوا و شكراً
ياريت يااستاذ عمرو تقرا موضوعى وشكوتى عن البيرسونا والجين تو لعلى اجد الحل عند حضرتك انا كتبه الموضوع باسم
توكيل سىء كرهنى بالبرتون خالصصصصصصصصص
السلام عليكم
يا جماعه انا ناوي اشتري بروتون ان شاء الله , ايه موضوع الخصومات اللي لاعضاء نايل موتورز ده ؟
حضرتك بس تروح لاستاذ/محسن صالح(فرع الصحراوى) ... وهو هيديك الخصم (وهو 3000) ماتقلش وابقى شاطر وخليه يزيد:S_thum1[1]:
ولو محتاج اى استفسار انا تحت امرك
وربنا يوفقك ويسهلك فى الاجراءات وتستلم على خير ان شاء اللهhttp://s173.photobucket.com/albums/w...s/th_shiny.gif
مساء الخير يا شباب
الحقيقة انا منضمة مؤخراً للمنتدى بس كنت باتابع بس من غير ما أشارك ، ومن كتر ما قريت عن البروتون جين 2 هنا وبره فكرت اني اشتري السيدان منها زي ما بيقولوا وهي البيرسونا وقريت انها حلوه ول كانت المشكله الوحيده هي قطع الغيار لكن اخدت ارقام تليفونات محلات قطع الغيار بره وقلت اسأل الغريب اني كلمت أولاد منصور اللي قالوا انه عنده كل حاجه ... وكان رد الشخص عليا انه اداني بعض الاسعار بس استوقفني وقاللي انتي اشتريتيها ولا لسه ، قلت له لسه
قاللي " ما تشتريهاش ، دي عربيه وحشه جدا وكهربتها وحشه وعفشتها وحشه !!! وانا بقول لك اللي يخلصني ادام ربنا ، احنا بنستورد قطع غيارها بس كل اللي بيشتروها بيصوتوا منها ... وروحي التوكيل واقعدي مع اي حد راكبها وهتلاقيه بيلعن اليوم اللي اشتراها فيه واللي بيشتغلوا فيها كمان .. "
مش فاهمه هل ده حقيقي ولا الراجل عنده مشكله معاها ولااا ايه
طبعاً اهلاً بيك معانا في المنتدي
اولاً الكلام دا كلام مش اول مره اسمعه و يمكن من حوالي سنة كاملة
و كنت رديت علي الكلام الي قاله الاخ الفاضل في محل اولاد منصور في الجيزة
....معلش مع احترامي الشديد في تاجر بيحب يخسر و لا بيتاجر في حاجة مش مقتنع بيها
يعني ايه حتاجر في بروتون و مش مقتنع بالماركة العربية
دا اولاً
ثانياُ نيجي للاهم الجهل سيد الموقف و دي اقل كلمه اقدر اقولها علي السيد الفاضل المحترم الي رد علي حضرتك
و لو قواعد المنتدي في الحوار تسمح كنت اتكلمت اكتر و اكتر
ثالثاُ : انا حتكلم عن تجربتي الشخصيه و عن الخبره الي اخدها من المنتدي الي فعلاً مقام علي عدد من الاعضاء المحترمين
رابعاً : العربيه العفشة بتاعتها عفشة لوتس و دي شركة بتصنع محركات رياضية و العفشة الي بتعملها بتكون رياضية و لا يوجد اي عيب بال بالعكس من ضمن المميزات الاساسية للعربيه هي العفشة
خامساً بالنسبة للكهربا العربيه مفيهاش اي مشاكل في الكنترول بتاعها و لا الضفيرة و الي يقول غير كدا يبقي يبقي عنده جهل شديد في مجال السيارات
افتكر انا كدا رديت علي كل النقط الي في المشاركة الخاصة بحضرتك
و ياريت لو حضرتك فعلاً بتقول انك متابع المشاركات من وقت كبير اكيد حتعرف الصدق من الجهل و الكذب
و اكيد حتعرف تاخد قرار تشتري و لا لا ؟؟؟؟
و لا ايه رايك ؟؟؟؟؟؟
و تقبل تحياتي :S_thum1[1]:
الف شكر ليك على سرعة الرد وعلى المساعدة
هو طبعاً في المنتدى الزملاء بيوضحوا كل الميزات والعيوب بس اللي قلقني انه زي ما انت بتقول هو بيتاجر فيها فهو ليه يقول كده ... وانت عارف الواحد وهو بيشتري عربية بيبقى خايف انه ميله ليها يعميه عن انه يسمع الأراء .. فحبيت أتأكد من أهل خبرة
مرة ثانية متشكره جداً
جدا وإن شاء الله ربنا هيقدم اللي فيه الخير
حضرتك تأمري و انا عارف طبعاً وجه نظرك مهمه
دي فلوس بتتدفع و مش كل يوم بنغير عربيه حضرتك
و ياريت انا انصحك بعمل Search في المنتدي علي كل المواضيع و تعرفي كل التفاصيل عن العربية و اسعار قطع الغيار و خلافه
و لو في اي اسئله انا تحت امرك حضرتك في اي شئ
و تقبلي تحياتي :w6266d
موضوع -اولاد منصور- دا تكرر اكتر من مره ...وشكله كدا واحد هناك مخنوق من بروتون...http://s173.photobucket.com/albums/w...h_hummmmmm.gif
و زى ما قال -مؤمن- لحضرتك ....حضرتك شوفى المواضيع اللى فى القسم عندنا ...وهتلاقى تجارب فعليه للعربيه ...مش راى واحد عامل او ميكانيكى
وسبب عدم الاخذ براى اللى كلمتيه فى -اولاد -منصور- لانه مهما كان كل اللى بيجيله بالعربيه بيكون عنده مشكله ...واكيد هو ماجربهاش وشاف مميزاتها ....فاصدر حكمه على المشاكل اللى بيتعامل معاها كل يوم ...دون الاخد ببيقه امكانياتها...
وربنا يوفقك للاختيار السليم ....ويرشدك للخير
تحيــــــاتـــى