كلام صح ، الاحترام واجب ، والاختلاف فى الراى لا يفسد للود قضية ، ويجب احترام اراء الاخرين ما دامت داخل اطار النقد الموضوعى دون تجريح .
المحترم عارف نفسه كويس و ياريت محدش يقولى احترم الأعضاء لأنى مغلطش فى حد و معظم اللى بيعلقوا على العربية مش عندهم و لو واحد بس عدى 30000كم من غير ما يغير حاجة واحدة على الأقل يبقى انا كداب حضرتك توكيل العربيه نفسه اعلن ان العربية على ريكول للفرامل و صاجة التيل الخلفى و بلى العجل و بشهاده حمايه المستهلك و 99%من ملاك العربية
ورغم كده انا قولت الا من رحم ربى وانا اقصد نسبه نادرة انا مسمعتش او مشوفتش حد منهم لحد دلوقتى يمكن حضرتك تكون منهم و ممكن تكون غيرت الحاجات دى و مقتنع بالعربية و ده رأيك الشخصى وممكن يكون التوكيل عمل الحاجات ديه من غير ميقولك فى الصيانه
وانا كلامى واضح و بقولوا تانى فى حد عدى 30000كم من ما يكون غير حاجة فى الضمان لو فيه احب اواجهوا
و على فكرة انا روحت المصنع 3 مرات و قبلت مدير الورشه شخصيا 3 مرات و اكد على كل مشاكل العربية شخصيا و وعدنى انهم بيدوروا على حلول نهائية ز
الموضوع ده بيفكرني بعادل إمام لما كان بيسخن العسكري علي وكيل النيابة وهو في منتهي البراءة.. في ناس هنا لعيبة وحريفة في الموضوع ده.. تسمع كلامهم تبقي عامل زي اللي دخل مستشفى وتحس أن الناس كلها تعبانة ومافيش حد سليم.. تخرج من المستشفى.. قصدي من المنتدى تلاقي الدنيا زي الفل وتحس أنك كنت في عالم إفتراضي كله وهم فى وهم.. الله يرحم لما كنا بنسافر بال 128 والزاستافا.. دلوقتي محدش عاجبه حاجة ويقولك الثبات والملفات وال esp والتورشيم بيم واختبارات مش عارف ايه.. أرزاق
ياجماعة ربنا يبارك لكل واحد في عربيته و رزقه
انا كان نفسي في حاجة ان كل واحد يدخل يقول رأيه بحيادية مش علشان معاه فيقول فل او مش معاه فيقول زفت لان فيه ناس مش بتعرف حاجة ونفسها تشتري عربية وبتدخل علي المنتديات تسأل علشان ماتحطش تحويشة عمرها في حاجة مش مضمونة او معيوبة او تدفع فيها مبالغ مش ضرورية
بالنسبة للصني زيها زي اي عربية في رنچ ال ١٢٠ الف مش كويسة اوي و مش وحشة اوي عادية فالاختيار بعد كدا بيرجع للشخص نفسه يعني مثلا واحد يقولك انا ليه اشتري العربية فاضية بتابلوه فقير نسبيا لما ممكن ازود واجيب كيا ريو باوبشن معقول نسبيا واحد تاني يقولك لا دي ولا دي انا اجيب اللوجان الجديدة اوبشن و سعر معقولين وااقل من الاتنين واحد يقولك افيو و تيجي تبيعها هاتلاقي مليون واحد يشتري
خلاصة الكلام اللي بيقول العربية ناجحة او فاشلة اللي بيشتري نفسو والصني اه فيها عيوب يعني واحد صاحبي قبل العيد التكييف بيطلع هوا سخن و الفرامل بقت سيئة رحنا التوكيل يقولك اصل طوبة جت في الطبة و مش عارف ايه طيب والفرامل غيروا الطنابير والطبل بالتيل وكلو جديد في جديد مع العلم العربية بقالها سنة الا اسبوعين فواحد زي يبصلها ان كان معايا اوبل كورسا ٩٤ ماسمعتش عن حاجة اسمها تغيير طنابير لمدة سنين مش مقارنة بس مش هاشتري عربية ٢٠١٤ و بعد سنة اغير طنابير ياجماعة وفي نفس الوقت كلو كدا اللوجان والافيو وكلو عيان فلو واحد عايز ينصح يقول دي فيها عيوب كذا ومميزات كذا مش اكتر ولا ااقل للنصيحة ياجماعة مش هجوم علي حد
العربية من الزيرو طبعا و انصح اى حد عايز يشترى عربية اشترى اى تقفيل غير مصرى لأن بصراحة احنا كمصريين خاصة معندناش ضمير فى الشغل كفايه انى اقولك ان الدنمارك تعداد سكانها 4 مليون نسمه و انتاجها ضعف انتاج العالم العربى كله مجتمع و ده عشان عندهم ضمير اما احنا فربنا يصلح حالنا
مقارنه بين نيو صنى واكسنت ار بى وكيا ريو
https://www.youtube.com/watch?featur...&v=Lcoh9tNHmWo
خلاصة الكلام :
http://www.nilemotors.net/Nile/445033-30000.html
انا من ملاك النيسان صنى 2015
سياره مقتنع بيها جدا وقدمت تقرير عنها من ناحية المميزات والعيوب
http://www.nilemotors.net/Nile/442620-2015.html
والاعضاء فى هذا المنتدى شجعونى على تقريرى المحايد . انا بشكر كل من شارك.
بالنسبة لتقييم السيارات , هناك تقيم فورى (اى اول مبتركب العربيه اول كام يوم/ شهر بتلاحظ بعض العيوب والمميزات) وهناك تقيم طويل الامد (اى بعد 5 سنوات مثلا من الاستخدام والتعرض لمواقف مختلفه مثل سفر / حادثه / محتاج تقطر حد مثلا / مطبات بلدنا .................الخ)
النيسان صنى الشكل الجديد 2014 فى المرحلة الاولى من التقيم / انا عن نفسى فى تقريرى عنها ذكرت عيب مثل التجميع بتاع العربية ضعيف سننه , بعد الاستخدام اتعوت على السياره وعرفت امكانيتها وعرفت احس بيها اكتر من الاول , حاليا العيب اللى كنت ذكرتة مش عيب ومش مدايقنى دلوقتى.
ملخص لكلامى: العربيه حاليا فى رائ ممتازة لكن كمان 5 سنوات معرفش رائ هيكون ايه وكمان كمان 10 سنوات بردو معرفش رائ فى العربيه هيكون ايه
العربيه بتتهاجم دا صحيح .
العربيه مبيعاتها فى زيادة دا كمان صحيح -
العربيه فيها مميزات وعيوب دا اكيد
هل هتعيش فى شوارعنا 10 -20 سنة ؟؟؟؟؟؟؟؟؟؟؟
عربيات كتير اول منزلت طلعنا بيها السماء و دلوقتى قليل لما بنشفها ماشيا فالشارع
العربيه الناجحة بجد بجد مش بتتقاس دلوقتى
اضرب مثل سريع: بيجو 504 عربيه ناجحة
كيا سيفيا - شوما - برايد - بيجو 405 - فيات سينا - اونو- تمبرا- تيبو- برافا- برافو- شيكوشنتو -
سكودا فيفورت - فورمان - فابيا - .................... وكتير عربيات مش ناجحة( فى رائ)
اخيرا:العربيه الناجحة بجد بجد مش بتتقاس دلوقتى
وشكرا