الموضوع: بالرجاء الافادة لفرش سقف فيكترا سي

انا غسلت عربيتي كام مرة فالسقف وطبعا السقف ف حتت نزلت منه لسوء مراكز خدمة التنظيف مع انى كنت بدفع مبلغ وقدره ف كل مركز
المهم السقف من النص تمام لكن من فوق عند مقابض اليد ف كل اركان اللي ف السقف بدأ يترهل الفرش بتاع السقف
فأرجوكم افيدوني اعمل ايه فالفرش بتاع السقف ؟؟؟

السلام عليكم انا كنت واجهت نفس المشكله و عملته عند السروجي بس لازم الخامه تبقى هي هي عشان القوايم اللون والخامه يظبطو و لازم و لاكن لابد انك تبقى ايدك مع السروجي لان السقف عليه من جوه خريطه كهربا بتاعت حساس المطر و التعتيم و النور بتاع الشماسات و في اخر السقف من عند القايم الشمال ورا معديين على الكنترول في الشنطه تحت الفرش مش هتعرف تفكهم الا اما تفك الجانب الشمال من فرش الشنطه و ادخل بنفسك تفكهم لان الاسلاك رفيعه جدا وحساسه جدا و سهلت القطع هما فيشتين واحده عريضه و التانيه صغيره ليهم كلبسه كدا بتفكها الاول و بعدين تسحب الفيشه لبرا و مره تانيه متشدش من السلك تمسك الفيشه نفسها و تسحب و لازم الفرش يتشد على السقف و يقعد يوم كامل قبل اﻻتركيب عشان ميبصمش اه و الفانوس الي في النص بيتفك بس المسمارين الي جوه جراب النضاره مش لازم تطلع الفانوس كله و بعدين طلعه براحتك لما تنزل السقف و الفانوس الصغير الي ورا مش فاكر قوي بس مكنش عنده تحتيه مسامير انا مش متاكد بس هو غالبا لا في بس لزك زي بتاع كتاشي زمان كدا بس اه و الفيش بتاعت الشماسات حساسه جدا و رقيقه الى ابعد الحدود فكها بلطف شديد و مره تانيه متشدش من السلك لانها ضعيفه شد من الفيشه نفسها لان في واحده عندي اتقطعت بس الحمد لله عرفت الحمها تاني و اشتغلت اه لازم تفك العلبه الي على حساسات المطر و الاضائه علشان تعرف تفك الفيش و طبعا مش محتاج اقولك على مدي الحرص الي كنت فيه و انا بفك الفشتين دول اما العلبه البلاستيك بصراحه معرفتش افكها انا ااسروجي هوه ااي فكها و لازم تحفظ خط سير الخريطه في الحته دي لانها كنت ركبتها خلط الاول و عملت كلكعه تحت السقف عشان هي بتعدي من السقف للحساس مسح علة الازاز من تحت العلبه البلاستك اه حاجه مهمه برجو الحته الي متعلق فيها الشماسه من ناحيه مرايه الصالون المتحركه اقصج مش الي من ناحيه القايم دي لازم تتفك و مش مربوطه بمسمار ليها تيله من ورا من ناحيه البربريز بسن مفك رفيع تشد التيله و هتلاقيها تلعت في ايدك عشان كنت الاول فكرها ليها مسمتر و كنت هبوظها بس الحمد لله ربنا الهمني للصواب و بعد متفك حرف القوايم الي في النص هيبقى اخر حاجه السقف متعلق عليهم طبعا الاربعه التانين بيتفكو خالص من الاول و تسلت السقف منهم كدا السقف بقا حر تخرج اسلاك الي جايه من عند الكنترول من القايم الي ورا شمال و تلزقهم علة ضهر السقف و تلزق بردو فيش حساس اامطر و الشماسات عشان مفيش حاجه تشدهم و انت بتخرج السقف من العربيه و دي مرحله صعبه مش ساهله لان السقف عباره عن كرتون مقوى لو قرست عليه في تقوس ممكن يحصل او لقدر الله يتقطم هتنيم الكراسي خالص و تفتح اربع ببان عشان تعرف تتحكم في السقف بسهوله و ان شاء الله يطلع على خير بعد ميفك الفرش القديم هيبقى فيه وبرا لازقه على الكرتونه لازم تتنضف كويس جدا قبل ميلزق الفرش الجديد .
3 نصاح تقبلهم مني كاخ ;
الاولي الشغلانه فيها تعب اعصاب كتير فمتعملش الحوار ده الا لما السقف يبقى رزل انا معملتهاش الا لما نزل عاى راسي تماما
الثانيه لما تقرر تعمله الخامه ثم الخامه ثم الخامه لازم نفس اادرجه بتاعت القوايم و نفس النقشه
الثالثه متسبش السروجي يشتغل لوحده عشان ممكن في لحظة غشامه يبوز حساس ولا فيشه كنترول ولا حاجه لقدر الله والله و انا بعمله اكني كنت انا السروجي و هو الصبي معايه لحد مخرجته برا العربيه و هنا انتها شغلي معاه لحد مجيت اركب كنت انا بردو ااي شغال دا انا كمنت نايم جوه الشنطه و انا بفك فيش الكنترول
ممكن اكون انا قلوق شوبه و دا طبعي بس معلش الحاجه دي مش ببلاش و مش سهل تلاقيها خريطه كهرباء السقف على ما اعتقد
اسف للاطاله الموضوع ده كلفني 850 جنيه و 50 لحام الفيشه الي اتقطعت .
يا رب يكون شرحي وافي و نافع