ياريس ولا أفيو

**tafy80** · 27-10-2008 12:43 PM

طبعا عارفة ان كل اللي هيقرا العنوان هيقول ايش جاب لجاب بس معلش استحملوني شوية

انا دلوقت معايا 80000 وكنت ناوية على الأفيو بس طقت في دماغي فجأة إني اجيب الياريس لسببين أولا لانها ياباني ثانيا شكلها عاجبني جدا جدا وانا عايزة حاجة اقتصادية ونضيفة لأني مش هاغير غير بعد مدة طويلة جدا إن شاء الله، فكنت هدبر المبلغ الباقي يعني لوهستلف من الوالدة ولا حاجة، بس اللي قريته عن الياريس في النتدى هنا قلقني مها وحسسني انها مش مستاهله اوي اشحت عليها يعني (((:
فالسؤال دلوقت هل الفرق بينهم ضخم لدرجة تستاهل إني أكمل على المعايا واجيب الياريس احسن ولا يعني مش مستاهلة أوي واجيب في حدود اللي معايا وخلاص وخصوص ان استعمالي للعربية خفيف نسبيا
معلش دوشتكو بس يا ريت حد يرد عليا لأني هاجيبها إن شاء الله خلال أيام

**hanyelwaly2010** · 27-10-2008 01:33 PM

ازيك يا تافي بصي انا برضه كنت زيك كده قبل ما اجيب عربيتي كنت محتار بين 3 عربيات الافيو 76000 و النيسان صني 86000 و الياريس 86000 و طبعا كلهم مانيوال نصف اوبشن بس انتهيت في الاخر علي الافيو مع اني كان معايا لغايت 100000 بس جبت الافيو لعده اسباب لان قطع غيارها رخيصه و سعر اعده بيعها كويس و عربيه محترمه من الاخر و نفضت للياباني عشان قطع غيارها نار بس الصراحه الياباني ياباني بس عاوز واحد يدفع وكمان استهلاك الياباني للبنزين كويس جدا و الافيو معقول و ربنا يوفقك للاختيار الافضل

**tafy80** · 27-10-2008 01:50 PM

الف شكر على ردك يا فندم
والحقيقة كلامك مقنع

**kaboo4** · 27-10-2008 02:10 PM

يارس احسن من وجهة نظرى و خصوصا انك بنت يعنى المفروض انك مش حتبهدلى العربية و بعدين مين قال انك فى عربية زيرو تحملى هم قطع الغيار انتى إن شاء الله علشان تفكرى فى موضوع قطع الغيار دة محتاجة ولا 5 سنين انتى بتكلمى فى عربية زيرو مش مستعملة لو مستعملة اقلك افيو علشان تعرفى تصرفى عليها و بعدين توفير بنزيم لو همك بردوا اليارس

**tafy80** · 27-10-2008 05:14 PM

أولا شكرا على الرد
ثانيا أنا قريت في المنتدى هنا ان الياريس صعب إنك تشوف أبعادها بالذات وانت بتركن وبما إني حديثة العهد بالسواقة بتهيألي ده هيمثلي صعوبة
وقريت برضة إن اكصداماتها فيبر وبتهيألي إني وارد أخبطها ولا حاجة في البداية وخصوصا إني زي ما قلت لحضرتك بسوق من فترة قصيرة
دي العوامل اللي خلتني أتردد شوية من ناحيتها

**sa3dawy** · 27-10-2008 05:22 PM

الياريس صحيح ابعادة مش واضحة بس اى حد بيتعود عليها بعد يومين بس من السواقة (على فكرة الافيو كدا بردو)
وموضوع اكصادمات فيبر دا (لا تعليق )
اليرايس احسن طبعا من الافيو فى كل حاجة بس دا طبعا لو موضوع الشحاتة دا مش هيسبب اى مشاكل

**omiro** · 01-11-2008 11:46 PM

Sherif Khalifa
عضو فضي
زميل ليا فى الشغل خبط كلب
و علشان الاكصدام فيبر مغطى معظم الكبوت و المتور

المتور اتدمر تماما و وش العربية طبعا

اتكلفت حولى 10000 جم
_________________

fehemt 7adretak eih elly 2ala2ny, besara7a ana mesh 7eml keda