مشكله في فتيس الجتا ٢٠١٠ DsG

**akrumcs** · 21-10-2014 11:44 AM

انا لسه مستلم عربيتي 2010 غيرت تاني طقم دبرياج في التوكيل بدون نقاش وهيا بره الضمان بدون ماادفع جنيه

**Waleed_aboammar** · 30-10-2014 12:20 PM

المشاركة الأصلية كتبت بواسطة akrumcs

انا لسه مستلم عربيتي 2010 غيرت تاني طقم دبرياج في التوكيل بدون نقاش وهيا بره الضمان بدون ماادفع جنيه

أنا فعلا عايز أكون راى نهائي عن توكيل فولكس يعنى توكيل محترم بجد و همه سمعة العربية و لا عادى زى بقية التوكيلات بيع و اجرى و تاجر على الناس في أسعار الصيانات الحراقة

**akrumcs** · 30-10-2014 02:57 PM

بص انا حاتكلم على تجربتي انا الشخصية
التوكيل كانوا محترمين معايا جدا
اول طقم دبرياج كان في الضمان
غيرت ميكاترونك بره الضمان سلمت العربية الأربعاء كلموني الجمعة تعالى استلم عربيتك ومدفعتش جنية الكلام ده في العيد الصغير اللي فات
بعد العيد الكبير وديتهالهم علشان طقم الدبرياج رغم اني كنت متعايش معاه ومش مدايقني اوي بس قولت انا عندي كام يوم مش محتاج فيهم العربية اوديها يغيروه وفعلا استلموا العربية بعديها بيومين غيروة وبرضوا مافيش جنيه اتدفع
الكلاكس علق في مرة وفصل غيروهلي على الضمان بس العربية كانت لسه في الضمان ساعتها
وبرضوا كان فية زنة خفيفة كده مش اي حد ياخد باله منها في السماعات قولتلهم عليها غيروا السماعات بدون نقاش وكانت في الضمان برضوا
التوكيل انا شايفه كويس وبيراعي سمعة العربية خاصة بعد مشاكل الفتيس المنتشرة بين الناس
بس اهم حاجه بالنسبه ليهم محدش يلمس العربية بره التوكيل
واي استفسار انا حاضر

**mfraig** · 01-11-2014 02:12 PM

المشاركة الأصلية كتبت بواسطة akrumcs

بص انا حاتكلم على تجربتي انا الشخصية
التوكيل كانوا محترمين معايا جدا
اول طقم دبرياج كان في الضمان
غيرت ميكاترونك بره الضمان سلمت العربية الأربعاء كلموني الجمعة تعالى استلم عربيتك ومدفعتش جنية الكلام ده في العيد الصغير اللي فات
بعد العيد الكبير وديتهالهم علشان طقم الدبرياج رغم اني كنت متعايش معاه ومش مدايقني اوي بس قولت انا عندي كام يوم مش محتاج فيهم العربية اوديها يغيروه وفعلا استلموا العربية بعديها بيومين غيروة وبرضوا مافيش جنيه اتدفع
الكلاكس علق في مرة وفصل غيروهلي على الضمان بس العربية كانت لسه في الضمان ساعتها
وبرضوا كان فية زنة خفيفة كده مش اي حد ياخد باله منها في السماعات قولتلهم عليها غيروا السماعات بدون نقاش وكانت في الضمان برضوا
التوكيل انا شايفه كويس وبيراعي سمعة العربية خاصة بعد مشاكل الفتيس المنتشرة بين الناس
بس اهم حاجه بالنسبه ليهم محدش يلمس العربية بره التوكيل
واي استفسار انا حاضر

واضح كده ان التغيير التاني كان في ضمان الفيتيس على التغير الاولاني لسه مخلصش حتى لو كانت العربيه خلص ضمانها
والا ايه فكره انهم يغيرو حاجه من غير فلوس لمجرد انهم توكيل محترم مش مبدأ اصلا
ارجو التوضيح

**akrumcs** · 02-11-2014 10:59 AM

الفكرة ان الفتيس بالذات مالوش علاقة بضمان العربيه علشان السمعة اللي طلعت والمشاكل اللي بتظهر فيه وده بيأكد ان بره ماديين ضمان الفتيس ل 10 سنوات بس الوكيل هنا مش عايز يقولها واضحة او ممكن تكون دي سياسة علشان لو وقف الدعم للفتيس مبيعاته حتقع اكتر ماهي واقعه والله اعلم

**amr_mabd** · 02-11-2014 07:54 PM

انا رايح الثلاثاء الجي ده و هشوف هيعملو ايه معايا و هاتبعكو بالمستجدات

**body** · 03-11-2014 07:34 PM

روح ياباشا ليهم عادى انا لسة مسلم عربيتى النهاردة فى فرع العبور وهستلمها الجمعة
هيتم تغيير الكالتشات بس شرطهم الوحيد انك تعمل اى صيانة عندهم بس حتى لو هتغير زيت وفلتر
انا قولتلهم غيرولى الزيت والفلتر
بس تقريبا فى نقطة مش متاكد منها ان العميل بيدفع مصنعية فك وتركيب الكالتشات
عربيتى خليجى جيتا 2010
ومالهاش ضمان طبعا ولا اى شئ الوكيل من سنتين غيرلى ميكاترونيك ودفعت مصنعية فك وتركيب بس والمرة دى كالتشات
ماتقلقش عربيتك هيتغير فيها المطلوب وماتسمعش للمصريين اللى هو احنا لاننا بنحب اللت والعجن الكتيير بخصوص سمعة الوكيل

**amr_mabd** · 04-11-2014 01:48 AM

طيب تكلفه تركيب الكالتش كام؟!

**body** · 04-11-2014 06:22 AM

المشاركة الأصلية كتبت بواسطة amr_mabd

طيب تكلفه تركيب الكالتش كام؟!

والله ماعرفش ياباشا لسة يوم الجمعة وانا بستلم هعرف

**hurgada90** · 04-11-2014 07:27 AM

باشا أنا عربيتي زيك بالظبط جيتا 2010 خليجي وديتها التوكيل وغيرلي الميكاترونيك والدبرياج ببلاش .. بس لازم في الأول مرة تعملها صيانة عادية وتمشي // الخليجي مش بيدفع 7000 ولا حاجة بس المصنعية وقطع الغير بتبقى اغلى شوية