متهيألي حضرتك ما شفتش الكارينز القديمة وهي 7 راكب.. لإنك لو شفتها والكرسي التالت مفتوح أكيد مش هتقول على الجديدة ضيقة
بصراحة.. أنا شايف إن أحد العيوب الرئيسية في الكارينز اللي فاتت إنها كانت نازلة ه راكب بس.. صحيح كانت الشنطة كبييييييرة... بس العربية بقت عبارة عن هاتش باك كبيرة.. مش mpv.
وعلشان أبقى صريح معاك.. أنا ما قعدتش في الكارينز اللي فاتت وهي 7 راكب.. إنما قعدت فعلا في الكارينز اللي قبلها (موديل 2000 تقريبا).. والحقيقة.. الكرسي اللي ورا ما كانش يتقعد فيه اصلا.
بالنسبة لموضوع تخانة الباب..
حضرتك أكيد عارف إن تخانة الباب مالهاش علاقة بقوته ولا سلامة الناس... لإن 90% من التخانة عبارة عن هوا وفراغ.. واللي انت بتشوفه تخين ده حلية ومنظر حلو.. ﻻ أكثر.
أرجع تاني وأقوللك إن الغرض من الاستخدام هو اللي خلاهم يعملوا باب أرفع علشان زيادة المساحة الداخلية
حضرتك شوف أي عربية فان أو ميكروباص بابها رفعه قد إيه.
أما موضوع فرق السعر.. فأنا عايز أفكرك بالفرق بين السيراتو في 2012 وبعد كده في 2013.. أفتكر إن الأسعار نطت حوالي 50 ألف مرة واحدة.
أسعار كيا عموما بقت غالية وبالذات لو حبيت تاخد الفول أوبشن.. حتى هنا في السعودية
يعني مش الوكيل في مصر هو اللي رافع السعر
وبالنسبة للانتشار.. لو تفتكر إن الكارينز اللي فاتت ما انتشرتش إلا بعد ما الهيونداي ماتريكس بطلت تنزل.. وكإن الناس كانوا شايفينها البديل بتاعها
السوق هو اللي هيحكم على موضوع الانتشار.. وما تنساش إنها يدوب مكملة سنة في السوق..والحالة الاقتصادية في البلد وارتفاع الأسعار مأثر بدون شك على قرارات الشرا.
...
المفضلات