الموضوع: استفسار بخصوص Kenwood KFC-HQR7100 600W

المشاركة الأصلية كتبت بواسطة mrema

السلام عليكم

انا حاليا بشد عربيتي وان شاء الله هتخلص على اخر الشهر ومعايا سماعتين بايونير كويسين بس منهم واحده مؤخرا بقت بتزن وعايز اجيب Kenwood KFC-HQR7100 600W DOUBLE Bass شفت اسعارهم متراوحة من ٩٠٠ الى ١٢٠٠ جنيه فى السوق

بشوف النهارده على موقع سوق لقيتهم معروضين ب ٧٠٠ ج ازاى اتاكد انهم مش صيني وكويسين وايه رايكم فى السماعات دي ؟

وايه احسن GM ليهم وهيكون سعره كم ؟

مفيش سماعات كينود 600 وات دبل بيز ب 700 جنيه
السماعات دى سعرها فى السوق ما بين 900 الى 1000 جنيه
موديلها Kenwood KFC-HQR7100
صناعه فيتنامى وبيبقه مكتوب على الكارتونه والسماعات فيتنامى مش صينى ومش اى صناعه تانيه الاصلى فيتنامى
مقاسها 7*10 مش 6*9
600 وات 150 rms
وطبعا دول افضل سماعتين ممكن تسمع منهم نقاء صوت وبيز محترم وقوة جامده جدا
اما بالنسبه للجى ام لو هتشغل السماعات البايونير اللى عندك يبقه هتجيب جى ام 4 تشانل
عندك السيمفونى 640 وات 4 تشانل
عندك كينود 720 وات 4 تشانل
عندك بايونير 760 وات 4 تشانل
عندك سونى 600 وات 4 تشانل
بس انا شخصيا بفضل السيمفونى ويليه الكينود
اما لو هتشغل السماعتين الكينود بس ومش ناوى تزود حاجه فى المستقبل يبقه هات جى ام 2 تشانل

المشاركة الأصلية كتبت بواسطة mrema

تسلم ياباشا على ردك

بالنسبة للسماعتين اللينك اهو من موقع سوق kenwood kfc-hqr7100 600w double bass للبيع في مصر, الإسكندرية, القاهرة. افضل سعر، مراجعة و تقييم | سوق

بخصوص مقاسها المقاس ال ٧*١٠ ده بينزل منه صيني برضه وهل ممكن تكون السماعات المعروضة فى موقع سوق دي صينية ولا فيتنامي

بالنسبة للجي ام السيمفوني سعره بيتراوح من كم ل كم فى السوق هو والكينوود

بالنسبه للسماعات زى ما انا قولتلك قبل كده الاصلى منها صناعه فيتنامى
اما بالنسبه للينك اللى انت جايبه ده شكلها سماعات صينى لان الصوره الاولى من الشمال اللى مكتوب عليها الموديل فعلا دى صورة السماعات ال 600 وات الدبل بيز اما الصورة التانيه دى صورة سماعات عمرى ما شوفتها غير فى الحاجات المضروبه
يبقه كده ريح دماغك من موقع سوق ده خالص وانزل هاتها من توكيلها او من اى مكان زى ادريان او السجان او كلاريون
بالنسبه للجى ام السيمفونى سعرة بيتراوح بين 650 الى 675 جنيه
ولما تحب تشتريه دور على الكورى مش اى صناعه تانيه هات الكورى

المشاركة الأصلية كتبت بواسطة mrema

الجي ام السيمفوني ده هيكون كويس مع السماعات يعني ياباشا ؟

انا عايز افضل اداء مع العلم اني مش هركب صب ولا بزوكا انا هركب سماعتين او ٤ بالكتير ان شاء الله

ده من أفضل الجى امات اللى هتاخد منها صوت كويس واداء عالى جوه العربيه وبره العربيه

لو امكانياتك تسمح اشترى جديد طبعا
ولو لقيت مستعمل بحاله كويسه مفيش مانع طبعا
بس اهم حاجه تكون بحالة الزيرو