-
حسبى الله ونعم الوكيل نفسى يكون فيه عندنا عربيات شرطة مهمتها انها تتابع الطريق بصورة دورية
-
ربنا ينتقم من اللي بيرمي زيت ويقتل الناس وهدد بكدة وبينفذ تهديداتة
-
-
ربنا ينتقم من اللي عمل كده
بس الكلام ده كان امتي
انا عديت من نفس الطريق الساعه 5:30 كده بس الاتجاه المعاكس
-
للأسف ناس كتير عربياتها بتعطل و ينزل يصلحها و يحط طوبه أو يقع منه زيت أو فردة كاوتش تتقطع و لما العربية بتتصلح بيمشي و بيسيب الحاجات مكانها و يسبب حوادث لناس تانيه.
أنا مره الرادياتير عندي اتكسر من حد سايب طوبه في الطريق.
-
حسبي الله ونعم الوكيل انا كنت هناك الموضوع ده بسبب علب زيت اترميت من عربية علي الطريق وجريت والموضوع ده حصل قبل كدا قبل العيد ولحد دلوقتي مش عارفيين يمسكوهم ربنا ينتقم منهم
وحصلت قبل كدا وانا مروح اكتوبر مرتين علي المحور في خلال اسبوع وربنا سترها وجت عربية رشت رمل عليها
-
الموضوع ده كان النهارده 9 الصبح ؟؟؟
-
ياساتر يارب
حسبنا الله ونعم الوكيل فى المؤذيين ولاد الحرام
-
https://scontent-a-ams.xx.fbcdn.net/...b3&oe=54AD3170
نقلاً عن :Ahmed Zakaria
ـــــــــــــــــــــــــ ــــــــــــــــــ
الحمد لله قدر ولطف ...
امبارح وانا رايح الشغل الساعه 9 الصبح علي الدائري قبل كايرو فيستيفال لاقيت العربيات اللي سبقاني عماله تلف تلف وتتخبط يمين وشمال وناس علي جنب الطريق عماله تشاور بايديها علشان الناس اللي جايه تهدي وبيجروا علي طريق علشان يلحقوا العربيات من الكارثة اللي علي الطريق ... هديت العربية خالص ضغط انتظار وهمسك يمين الطريق لكن العربيات اللي جايه من ورا كانت سريعه جدا دخلت المنطقة اللي فيها الزيت وفقدت السيطره علي العربية وواحده منهم خبطت العربية من ورا ... كم عربيات اتخبط كتير جدا وناس كتير جدا اتصابت ولولا ستر ربنا كانت ناس كتير ماتت .... نزلت من العربيه بعد مالطريق هدي تلاقي أن دي مش بقعة زيت ف الطريق .. لا ؟؟ دا زيت في علب بلاستيك كتييير متوزع يمين وشمال الطريق ... مش ممكن ؟؟ مين اللي عمل كده ؟؟ وليه ؟؟ مش ممكن يكون اللي بيعمل كده دا مصري ... الشرطة جت تعاين الحادث وجابوا جرارات علشان يوزعوا رمل علي الزيت اللي كان ف الطريق كله وكان فيه عربيات إنقاذ وسألت واحد من أفراد الشرطة علي الموضوع قالي دي مش اول مره الاسبوع اللي فات ف الطريق المقابل كان فيه نفس الموضوع بس الحادث كان أكبر لأن فيه عربية نقل في الموضوع ... ونفس الموضوع قبلها عند مدخل المعادي ... بقوله طيب حضرتك مش المفروض يكون فيه كاميرات مراقبة علي الطريق دوريات مستمره طالما هو مسلسل ومستمر ؟؟ قالي احنا بنحاول وان شاء الله هنمسكهم .... طبعا اتمني من ربنا انهم يمسكومهم ويعدموهم في ميدان عام لأن اللي بيعملوا كده لا يعلموا عن الإسلام أي شيئ لا من قريب ولا من بعيد
ربنا يحفظكم من كل سوء لأن الموضوع منتشر.
-
الموضوع دة الساعه 7 ونص بليل....امبارح
المكان عند فيستيفال مول بالظبط بعد النفق اللى قبل المول مباشره
الزيت مكنش بقعه دة كان مغطي مساحه كبيره جدا
دي كارثه بكل المقاييس
ولا فى شرطه ولا امن ولا حد واقف ولا اى حاجه
انا صعبان عليا الشاب صاحب الجين 2....العربيه اترزعت رزعه محترمه ف السور الخرساني ولفت بيه
واتبهدلت...بس الحمد لله مفيش حد حصله حاجه من ستر ربنا
Content Relevant URLs by
vBSEO 3.6.0 PL2