مش الدائرى هو الملعون اللى عمل كده ف الدائرى هو الملعون وابن 60 ****
مش الدائرى هو الملعون اللى عمل كده ف الدائرى هو الملعون وابن 60 ****
لا يافندم...الدائري ملعون ملعون ملعون
1- في مناطق مفهاش عواميد نووور ومعظامها قاطع
2-الاسفلت ممكن يخدك ويوديك وغير منتظم بالمره
3-داخل الانفاق فى فواصل ومطبات تنفضلك العربيه وتجيبلك قواعد موتور
4-حفر حفر حفر وكل يوم تكتشف حفره جديده
الدائري ده عايز اعاده رصف وعايز دائلري جديد...هما مش فالحين غير فى الاعلانات ال لمؤخذه اللى بيحطوها....والناس اللى بتطلع من المعادي تقلك حاطين ايه...
انما صيانه طرق وامن وامان :whtauwant:
بلد حياة الانسان فيها ملهاش تمن
وياريت بتوع ياللى مش عاجبك البلد تسيبها يخرسوا وميفتحوش بوقهم عشان احنا اعتراضنا بيبقى مطلب ان حياة الانسان يبقالها تمن مش زيهم عاوزين يعيشوا ويجبروا غيرهم يعيش ف الطين
انا بطلت أطلع على الدائرى
انا كنت ببقى ماشى عليه وتحس انك فى سيرك
كل واحد عاوز يعمل حاجة بيعملها وكل واحد ماشى على مزاجه
ده غير الأسفلت الزفت والنقر و المطبات والفواصل
وبعد ده كله ييجى واحد يقولك انا جبت عليه 170 والتانى 180 وواحد يقولك قفلت عليه عداد
ازاى ....
ربنا يصلح حال البلد و يهدى الجميع
ما دمت في مصر ..يبقى ملكش تمن
حصلت معايا وانا راكب ميكروباص على طريق القناطر الباجور
وكانت حادثه شنيعه وخبطنا في 3 عربيات والميكروباص راح في داهيه
وعرفنا بعدها ان واحد بعربيه كارو من بتوع الجاز دول فضى حمولته من الزيت وهو ماشي على الاسفلت
الخلاصة ان شرطة المرور في البلد دي ياخدوا صفر من عشره مع تقدير فاشل جدا
ربنا يستر طريق الجميع
مش عارف مين ممكن يكون قاصد يضر بالطريقة دي
اكيد وقعت من عربية مثلا
والله ربنا ينتقم من اللى كان السبب
وينتقم من اللى واجبة يحافظ على الطريق ويرشد الناس وينضف الطريق ومعملش شغلة
النجس اللى بيعمل كدة بيكون هدفه انك تقول بلد مافيهاش أمان ومافيهاش مرور ويزود شعور المواطن الخنقة عشان يثور من الآخر
وتلاقى واحد يقول لك مافيش أمان ومافيش شرطة ومافيش مش عارف ايه
طب ماحنا عارفين ان فى ناس بتعمل كدة عشان ناس تانية تقول كدة بالظبط
يعنى عربية ماشية على الدايرى ترمى زيت وتجرى....ايه اللى ممكن تعمله معاها لو انت ماسك تأمين المنطقة دى (طبعا اللى هايعمل كدة مش هايعمله وعربية الشرطة جنبه)
لكن فعلا.....يأكلون مع الذئب ويبكون مع الراعى