العربيه كلبشت وسحبها راح وبعدين اتعدلت

**f0lf0l** · 14-10-2014 08:13 PM

السلام عليكم

كان ليا استفسار بعد اذنكم انا مركب موتور استيراد من شهر ونص
الموتور انجكشن والميكانيكى قلبه كربراتير وحطله طرمبه بنزين كهربا خارجيه
المهم هو قالى الموتور تمام التمام بس محتاج يغير سير الكاتينه عشان صوت الموتور خشن
المهم انا نفضتله ومروحتلوش تانى عشان قريت ان سير الكاتينه جنزير حديد وكمان عشان زهقت
منه وبصراحه بقيت ازهق من كل الصنايعيه وحاسس انه بيفتوا
والعربيه فضلت ماشيه تمام يجى شهر الا ان اولسيه الزيت بينقط خفيف
وبعدين بدأت تخرف الاول تسخن وبعدين ما تسخنش واجى ابطلها تترج وساعات ما تترجش
انهارده بقى العربيه وانا بديها التانى كلبشت فى الارض ومش راضيه تسحب أكنها مربوطه فى عمود نور بطلتها شويه جيت امشى واديها الاول برضه مكلبشه ومش راضيه تطلع بطلتها تانى
دورت المهم مشيت زى الفل والسحب بقى فوق الفظيع كمان والحراره مازدتش عن 85 لمسافه 50 كيلو انا هتجنن والله وناوى اروح بكره مضطر للميكانيكى تفتكروا اللى بيحصل ده من التقسيمه والكتينه زى ما قال عايزه تتغير وانا نفضتله فى الاول ومعلش طولت عليكم

**Maged_Samy** · 14-10-2014 09:32 PM

اعد ضبط توقيت الشرارة من الاسبراتير لان فى حاله ان الشرارة بتتأخر لغاية نهاية شوط الكبس ومع بنزين ذو اوكتان منخفض وحرارة عالية للمحرك تحدث الرجرجة بعد غلق المحرك واى لخبطة فى ضبط توقيت الشرارة ده يؤدى الى سخونة المحرك وضعف السحب واستهلاك بنزين اكتر .

**sakr_skoda** · 14-10-2014 10:24 PM

المشاركة الأصلية كتبت بواسطة f0lf0l

السلام عليكم

كان ليا استفسار بعد اذنكم انا مركب موتور استيراد من شهر ونص
الموتور انجكشن والميكانيكى قلبه كربراتير وحطله طرمبه بنزين كهربا خارجيه
المهم هو قالى الموتور تمام التمام بس محتاج يغير سير الكاتينه عشان صوت الموتور خشن
المهم انا نفضتله ومروحتلوش تانى عشان قريت ان سير الكاتينه جنزير حديد وكمان عشان زهقت
منه وبصراحه بقيت ازهق من كل الصنايعيه وحاسس انه بيفتوا
والعربيه فضلت ماشيه تمام يجى شهر الا ان اولسيه الزيت بينقط خفيف
وبعدين بدأت تخرف الاول تسخن وبعدين ما تسخنش واجى ابطلها تترج وساعات ما تترجش
انهارده بقى العربيه وانا بديها التانى كلبشت فى الارض ومش راضيه تسحب أكنها مربوطه فى عمود نور بطلتها شويه جيت امشى واديها الاول برضه مكلبشه ومش راضيه تطلع بطلتها تانى
دورت المهم مشيت زى الفل والسحب بقى فوق الفظيع كمان والحراره مازدتش عن 85 لمسافه 50 كيلو انا هتجنن والله وناوى اروح بكره مضطر للميكانيكى تفتكروا اللى بيحصل ده من التقسيمه والكتينه زى ما قال عايزه تتغير وانا نفضتله فى الاول ومعلش طولت عليكم

وعليكم السلام ورحمة الله وبركاته

المشكلة الأولى الرجة دى ظبط الكهرباء من الاسبرتير ودى حاجة بسيطة متقلقش*

اللى يقلق بقى موضوع الكلبشة دى اعتقد ان الديسك عندك طير سنون ودا اللى بيخلى بلية الدبريش تقفش فى الدسك فاعمل حسابك حتغير ديسك واسطوانة وبلية دبرياج*