الموضوع: هو حساس تى بى اس الدايو بيركب على الفيكترا بى2 ولا لا

بيركب ياباشا بالظبط . بس ليه تركب كوري ؟ هات الالماني جديد نوع اسمه swag وخلي بالك الصيني كتيرررر
اللي بيركب بس فيشته مقلوبه من اللانوس للفيكترا هو حساس الايدل كونترول بدل مالافيشه هتبقي لتحت , هتبقي لفوق بوضع جانبي. والار بي هيبقي 750 بدل 900

المشاركة الأصلية كتبت بواسطة m7nsh

و ان الـ rpm يوطي كدا دا مش هيفرق فى مشى العربيه ؟ مش هنحس انها بطيئه شويه فى الطلعات ؟
هو اعتقد انه هيوفر بنزين اكتر بس ايه اخبار المشى او توقعاتك ايه يا مستر فادي ؟

هتستهلك بنزين اكتر ..ازاي؟؟
لانها دايما لما تبقي واطيه هتطفي . هتضطر تسند لها بنزين علشان توازنها .دفعه البنزين دي اللي مش معمول حسابها هتعلي الاستهلاك + استهلاك طقم الدبرياج لو رجلك مش مضبوطه

المشاركة الأصلية كتبت بواسطة elansary141

هو سعره كام اللى انت بتقول عليه دا يااستذ فادى

230ج
ممكن تختبر التي بي اس اللي عندك بجهاز افوميتر..
التي بي اس له 3 طرف . وصل اي 2 منهم بالافو علي وضع دي سي
حرك دراع الحساس من الخلف تدريجي هتلاحظ ان قيم الافو بتزيد تدريجي
مع حركه ايدك . لو القيم لخبطت ( زياده ونقصان بشكل مش منطقي) يبقي الحساس ضايع

المشاركة الأصلية كتبت بواسطة gomgom3

معلش كنت بدور علي الموضوع دة بس مش فاهمك ايه علاقه التي بي اس بال rpm وازاي هيخليه علي سبعه ونص مش الايديل الي بيعمل كدة ??

-علاقه التي بي اس بالار بي ام..
التي بي اس بيقيس مقدار دوسه السائق لبدال البنزين ويترجمها لدفعه بنزين من الرشاشات ..تمام..
دفعه البنزين دي قلت او زادت هتبان علي الار بي ام . مظبوط ..
فرضا ان التي بي اس بايظ وبيدي قرايه اعلي من الطبيعي , الرشاش هيرش كميه بنزين اعلي من
اللازم . يعني تبقي العربيه واقفه والرشاش يرش اكتر وساعتها هتلاقي الار بي ام اعلي من الطبيعي .... تمام يا باشا ..


- الايدل والتي بي اس بيشتغلوا او بيكملوا بعض.. اشاره التي بي اس اشاره دي سي الكونترول مستنيها وفاهمها ان دي بتاعه الاوبل .. 900 ار بي --- علشان الطبيعي في الدايو ان الار بي ام يكون اقل من الاوبل فهتلاقي في لخبطه في الموضوع ده والار بي ام اقل . وده عن تجربتين في عربيتين مختلفتين .

خلي بالك الايدل مابيشتغلش الا مع وجود احمال زي المكيف او لما تكون العربيه بارده . غير كده . خلاص . هو اصلا مش حساس .. اسمه الصحيح . بلف الايدل كونترول . تحياتي يا دكتور