عرض للطباعة
الحمد لله اشتريت اوبترا ٢٠١١ مانيوال ماشية ٨١٠٠٠ كم. و قالي ان فيه مشكله في البوابة
دلوقتي اللي بيحصل ان العربية و هيه بارده بتبطل في اول ١٥ ثانية بعد كده بتقطع و rpm بيطلع و ينزل
ونفس اتقطيع و التكييف شغال وهية واقفة
و احيانا بتنتش لما اكون ماشي و اشيل رجلي من علي البنزين
دلوقتي المشكله في ايه بالضبط ؟؟
شكرا مقدما
العربيه شكلها متلته
راجع على البوجيهات والسلوك وحساس الايدل
العربيه دي بوابتها كهرباء
وفي الغالب محتاجه تغيير بوابه
شكرا لردكاقتباس:
المشاركة الأصلية كتبت بواسطة j a g u a r
فيه مهندس فاهم قال انها قاعدة بوجيه قبل كده
شكرا لردكاقتباس:
المشاركة الأصلية كتبت بواسطة hugan
يعني اكشف كمبيوتر ولا اعمل اية
انا كان عندى نفس العيب بزببببببببببببببببببببببب ببط ......... وكانت البوابه بردو .... سيبك من البوجيهات والشغل ده وريح نفسك ... لازم تغير بوابه ... اوعى تجبها استيراد .... اشتريها جديده من التوفيقيه ب 1450 جنيه افضل ليك .... انما لو استيراد يبقى انت وحظك بقى
1450 ادي عيبهاقتباس:
المشاركة الأصلية كتبت بواسطة kha11ed
طاب اتاكد ازاي انها بوابه
هاكشف كمبيوتر و اجرب
ربنا يستر
اول حاجة البوابة تتنضف كويس و يتكشف عليها بالجهاز و تترستر و تتعرف
لو بعد كل ده مظبطتش يبقى تتغير او تشوف ايه ممكن يكون سبب المشكلة غيرها
ياريت تشتري دماغك وتطلع علي منصور يكشف ويحدد المشكلة وحيقولك علي الي فيها بالضبط.
حيكلفك حوالي 150 او 200 ج مش فاكر بالضبط. لاني كشفت قبل كده علي العربية بالكامل بحوالي 500 جنيه.
وممكن اي مركز خدمة معتمد ارخص من منصور واقل زحاما.
وبعد كدا خد التقرير واشتري قطع الغيار من برا وركبهم.
وبالتوفيق.
الموضوع ده كان بيحصل معايا بالظبط.. رحت كشفت على العربية كمبيوتر وطلع erros في البوابة وبعد عمل reset واعادة تعريف البوابة الحمد لله الerrors اختفت والار بي ام ظبط على السلانسيه والنتشة راحت.. روح اكشف كمبيوتر وإنشاء الله الموضوع يبقى بسيط والمشكلة تختفي
شكرا لردكاقتباس:
المشاركة الأصلية كتبت بواسطة mostafa.mahran
كلام منطقي
هاجرب و ان ء الله خيراقتباس:
المشاركة الأصلية كتبت بواسطة sprint79
قولت اجيلك هنا فالقسم الجديد اقولك مبـــروك
روح للراجل ده
http://www.nilemotors.net/Nile/28764...r-enghany.html
الله يبارك فيك و شكرا جدااااقتباس:
المشاركة الأصلية كتبت بواسطة s o p h o s
ممكن اعرف حضرتك اشتريتها بكام وهل هى فبريكا ولا راشه
اكيد ممكناقتباس:
المشاركة الأصلية كتبت بواسطة blazer
٢٠١١ ، مانيوال ، سوداء ، فبريكا بالكامل و الاكصدامات، ماشية ٨٠٠٠٠كم ، فرش جلد ، وحدات رفع ، رخصة ٣سنين ،
فيها حكات و خرابيش و موضوع البوابة ده
السعر ٨٠ الف
جبت منظف كابراتير و نضفت البوابة بنفسي و المشكلة اتصلحت بنسبة 60 #
لمبة التشيك طفت ( كانت نورت لما مشيت 190 ) و العربية مش بتبطل بس فية تقطيعة خفيفة برده و التنتيش راح بدرجة كبيرة
طيب يا استاذ احمد شوفلي زبون زيك ياخد الاوبترا بتاعتي ب 75 الف وهيا نفس المواصفات بتاعتك بالظبط بس ماشية 65 الف كيلو ومفيش اي حاجة في البوابة وفيها كوتشين يوكوهاما جداد وبطارية اصلية جديدة واستعمال طبيب واشترتها زيرو ومفيش اي حوداث والحمد لله وصيانة بالتوكيل والرخصة برده تلات سنين لسه مجددها الاسبوع اللي فات ولونها نبيتي وموديل 2011 برده ووحدات رفع وقبريكا بالكامل والعفشة جيدة جدا والصالون جيد جدا والمكنة ممتازة والفتيس ممتاز وفيه برده حكات وخرابيش بسيطة علي الجانبيناقتباس:
المشاركة الأصلية كتبت بواسطة d.ahmed ismail
حضرتك ابعتلي الصور و ممكن اشوفلك حداقتباس:
المشاركة الأصلية كتبت بواسطة drhassen
حضرتك مش عارف تبيع عربيتك ؟اقتباس:
المشاركة الأصلية كتبت بواسطة drhassen
انت لو عربيتك حالتها كويسه زى ما بتقول هتتباع فى يوميها و مش محتاج تتعب نفسك
والبوابه باظت تااااانيييييي
علي بركة الله هابعتلك الصوراقتباس:
المشاركة الأصلية كتبت بواسطة d.ahmed ismail
انا علاقاتي في مجال العربيات قليلة حتي لما بيكون فيه حاجة في العربية في الغالب بروح التوكيل والله العربية زي ما بقؤل بالظبط وللاسف السمكري الوحيد اللي كلمته جابلي تجار بيشتروا ويبيعوا عربيات و انا في نفس الوقت مش فاضي الف علي معارض او تجار وانا سالت واحد سمسار عربيات وقالي انه العربية تساوي 80 الف بس هو مكنش هايشتري انا بس حبيت اتمنها خصوصا لما قالولي هنا انها تساوي 81 او 83 ومع زلك عرضتها ب 75 الف عشان اخلص لاني هاحط فلوسها في مقدم عربية تاني اما تويوتا كرولا او فورد فوكس بس لسه ما قررتش ولو تقدر تفيدني في موضوع الاختيار ده يبقي الف شكراقتباس:
المشاركة الأصلية كتبت بواسطة blazer
لو كنت هتبيع كمان شهرين تلاته كنت اخدتها انا منك لانى عاوز اغير عربيتى على شهر 1 ان شاء اللهاقتباس:
المشاركة الأصلية كتبت بواسطة drhassen
لو هتشترى انصحك تبص على الكروز عشان هى فعلا عربيه ممتازه على سعرها وامكانيتها
ابعد عن الفوكاس عشان الفتيس بتاعها اسمع ان فيه مشاكل عشان dual clutch و ابعد عن الاسترا عشان فيه بعض المشاكل فى الماتور بسبب البنزين ال 92
الكرولا ممتازه و كذلك الفلونس و الامبريزا
ممكن كمان سيراتو بس انا شايفها اقل من العربيات الى فوق
نفس المشكلة دى حضرتك عندى بس أنا سيارتى اتوماتيك موديل 2007 وكرهت العربية بسببهااقتباس:
المشاركة الأصلية كتبت بواسطة D.Ahmed Ismail
شوف ياباشا ابتدت ازاى اول شئ لقيته كانت العربية فيها رجة على السلانسية ولمبة التشيك منورة فى الطابلوه وأنا ماشى بالعربية لما اهدى عند الاشارات او المطبات ساعات تبطل المهم طبعا فحصت كمبيوتر عشان اعرف ايه سبب العطل طلع صمام EGR المهم اشتريته واللمبة اختفت وتتخيلت خلاص مبقاش فيه مشكلة بعد كده بقيت أحس بتنتيشة فى العربية وانا دايس بنزين وكأن العربية بتتخنق وبعدين تنط مرة واحدة وبعد أسبوعين تقريبا بقى ابتدت فى الجنان لما اشغل العربية تبطله لومسندتهاش بالبنزين لحد ماتسخن وبعد كام يوم بقت تبطل اول لما اشيل رجلى من على البنززين المهم طلع عينى فى سواقتها لحد مارحت عند الميكانيكى واول لما شافها وقولتله اللى بتعمله قالى دى البوابة وهنفحص بالكمبيوتر برده عشان نتأكد وفعلا طلعت هى المهم فكها وقالى هنظفها ونركبها تانى ونعملها reset بالكمبيوتر وعمل الكلام ده وظبطت العربية وبقت تمام ولا بتبطل ولا بتنتش وقولت خلاص خلص الكابوس بتاع العربية ولكن بعد 3 أيام رجعت تنتش تانى جريت روحتله تانى فقام مشيك على البوجيهات وكابلاتها وعلى حاجات تانية وقالى مفيش حاجة المهم عملها reset تانى بالكمبيوتر ومشيت بيها لقتها ظبطت وعرفت ليه البوابة بتهيس بعد كام يوم تجربة وهو ياباشا لما اجى طالع الصبح بالعربية وهى بارده او فى اى وقت لازم اسيب العربية لحد ماتسخن والا لو دوست بنززين قبل ماتسخن تقوم البوابة مهيسة وتنتش وانا ماشى وماترجعش تتظبط تانى الا لما اعمل reset للكمبيوتر وطبعا ساعات ببقة متأخر على الشغل الصبح وبطلع قبل ماتسخن فبتنتش فبقف على جنب واعمل reset للكمبيوتر عن طريق خطوات جبتها من على النت بدل ما لازم اروح للميكانيكى عشان يحطها على الجهاز ويعمل reset وياخد فلوس . حبيت انقلك تجربتى بدل ماتلف كتير
طاب انا عندي نفس الاعراضاقتباس:
المشاركة الأصلية كتبت بواسطة kimo10186
اعمل ريسيت ازاي
خطوات ريسيت كمبيوتر الاوبترا او ""IDLE LEARNاقتباس:
المشاركة الأصلية كتبت بواسطة D.Ahmed Ismail
1- تحريك المفتاح لوضع on لمده خمس ثوانى " مع ملاحظه عدم تشغيل المحرك " تانى تكه
2- تحريك المفتاح لوضع off لمده خمس ثوانى و عدم اخراج المفتاح من الكونتاك
3- تشغيل المحرك و هو على الوضعيه P
4- الاستمرار فى تشغيل السياره حتى يصل مؤشر الحراره الى النصف )(الحرارة الطبيعية ) ولو العربية سخنة فاانت مش محتاج الخطوة دى .
7- ثم الضغط على الفرامل ووضع الغيار على D
8- مع تشغيل التكييف لمده عشر ثوانى
9- غلق التكييف لمده عشر ثوانى
10- غلق الكوناكت و اخراج المفتاح
طبعا لما تبطل العربية هتكون زى ما هى على وضع الD ووقبل ماترجع تدخل المفتاح وتشغلها ترجع الفتيس لوضعه الطبيعى N او P وتشغل وهتلاقيها اتظبتت جرب وقولى .
Idle Learn Procedure
Whenever the battery cables, the engine control module (ECM), or the ECM fuse is disconnected or replaced, the following idle learn procedure must be performed:
Turn the ignition ON for 5 seconds.
Turn the ignition OFF for 5 seconds.
Turn the ignition ON for 5 seconds.
Start the engine in park/neutral.
Allow the engine to run until the engine coolant is above 185° F (85°C ).
Turn the A/C ON for 10 seconds, if equipped.
Turn the A/C OFF for 10 seconds, if equipped.
If the vehicle is equipped with an automatic transaxle, apply the parking brake. While pressing the brake pedal, place the transaxle in D (drive).
Turn the A/C ON for 10 seconds, if equipped.
Turn the A/C OFF for 10 seconds, if equipped.
Turn the ignition OFF. The idle learn procedure is complet
خطوات ريسيت كمبيوتر الاوبترا او ""IDLE LEARN
1- تحريك المفتاح لوضع on لمده خمس ثوانى " مع ملاحظه عدم تشغيل المحرك " تانى تكه
2- تحريك المفتاح لوضع off لمده خمس ثوانى و عدم اخراج المفتاح من الكونتاك
3- تشغيل المحرك و هو على الوضعيه P
4- الاستمرار فى تشغيل السياره حتى يصل مؤشر الحراره الى النصف "او حتى سماع صوت مروحه الريداتير تعمل "
5- تشغيل التكييف لمده عشر ثوانى
6- غلق التكييف لمده عشر ثوانى
7- ثم الضغط على الفرامل ووضع الغيار على D
8- مع تشغيل التكييف لمده عشر ثوانى
9- غلق التكييف لمده عشر ثوانى
10- غلق الكوناكت و اخراج المفتاح
شكرااقتباس:
المشاركة الأصلية كتبت بواسطة abou-yahia
للاسف لم تنجح المحاولة
تم الكشف مره اخري و حل البوابه و تصليح ريش بداخلها ة تنيل سوفت وير ب ٣٠٠ جاقتباس:
المشاركة الأصلية كتبت بواسطة d.ahmed ismail
واتصلحت بنسبة ٩٠٪