الكلام ده ممكن يتعمل قدام رصيف العمارة اللي انت ساكن فيها بس. لإن العُرف عند المصريين بقى ان رصيف عمارتك هي ملكية من حقّك والبراكن اللي عنده حق مطلق لسكّان العمارة.
غير كده الحيّ مش هيسيبك, اسبوع وهتلاقيه متكسّر.
لا طبعا الجراج افضل الف مره حتى بعيوب انك تسيب المفتاح !!!
الى بينصحك عكس كده علشان توفير تكلفه ٦ الاف جم فى السنه فى عربيه ب ١٥٠ الف ... مش مستوعب يعنى ايه تنزل تلاقى المرايات الضم الكهرباء مكسوره !!! و لا الجانب كله محكوك !!! غير طبعا عرضه السرقه !!!
و فى الوقت نفسه دور على جراج اخر ...
انا فى اسكندريه جناكليس ب ٤٣٠ و عندى باكيه و مابسبش مفتاح ...
العربيات التانيه ب ٣٠٠ جم و بسيب المفتاح ... و معنديش كل الى حضرتك بتقول عليه ...
بالتوقيق ... تحياتى ...
انا مأجر دكان على قد العربيه وبرضو واجع دماغى شويه
حاطت حديد وطوب راشه فى الارض قدام الجراج
واللى بيقرب من الطوب عربيته بتتخرشم
انا مكسر عربيه قبل كده بسبب الموضوع ده
ومره جبت الونش بتاعى وشيلت عربيه راكنه بقالها 24 ساعه
شيلتها زى ما هى بفراملها وبتعشيقتها فوق العربيه ورميتهاله بره الشارع
وكنت ناوى اخبيها فى اي حته بعيده
لغايت اما صاحبها يجى يسأل ويدوخ على عربيته اللى اتسرقت
صاحب الموضوع بيقول قلقان من الخرابيش او ينزل يلاقيها مخبوطه فبقوله انه لو ركن فى الشارع وكل سنه هيسمكر ويرش العربيه بالـ 6000 يبقى احسنله ما يسيبها مع سايس الجراج اللى بيبهدل العربيه اكتر ما بيحافظ عليها
وانا مستوعب اوى بقول ايه وياريت يبقى فيه ارتقاء فى الحوار كون ان رأئى مش عاجبك فانت حر
قول رأيك وملكش دعوه برأيى
و هو انا جبت سيرتك و لا عملت اقتباس من مداخلتك ؟؟؟؟
انا قصدى واضح !!! اى حد بصفه عامه بيقوله ان يركن فى الشارع !!!!!
و فيه اعضاء كتير فى الموضوع رايهم زى رايك ... براحتكم :) ايه المشكله ؟؟؟
وحضرتك لو متابع مداخلاتى ... حتلاقى انى برتقى جدا فى اى حوار و ماليش فى الكلام ده !!!
تحياتى ...
معلش اتأخرت في الرد عليكم
لفيت علي ٣ جراجات ونفس الموضوع سيب المفتاح عشان ندخل الناس وانت تبقي اول عربية
والتاني بيقولي حنركنها في الشارع ولما نلاقي ركنات نحطها فية
والجراج اللي انا فية مصمم ياخد المفتاح وبيقولي الدخلة تشيل ٣ عربيات وانت ميرضكش نتضر
لسة موضوع المحل دة ... اقتراح كويس حدور واشوف تاني ... بس لسة القلق بتاع حد يركن قدامك واحط سلسلة وعامود
صدقني اتعب شوية و غطي العربية حتحميها و سيبك من الجراج