مشكلة الركنة فى القاهره والاسكندرية بقى جحيم
حتى مدن الاقاليم الوضع كل يوم بيزداد سوء
والله الواحد نفسه يهج خالص ويروح سيناء ولا مرسى مطروح ولا الوادى الجديد
مشكلة الركنة فى القاهره والاسكندرية بقى جحيم
حتى مدن الاقاليم الوضع كل يوم بيزداد سوء
والله الواحد نفسه يهج خالص ويروح سيناء ولا مرسى مطروح ولا الوادى الجديد
السلام عليكم. أنا شايف انك تدور علي جرأج تاني ومش مهم يكون بعيد شويه حتي لو هاتمشي شويه أهي رياضه بس اهم حاجه محدش يأخذ المفتاح ممكن. ييجي سايس جديد علي الجراج يسرقها بس ركنه في الشارع مشكله وبالتوفيق
الأساتذة الافاضل
بعد احترامي لكل الآراء ، انقل اليكم تجربة زميل كان مشتري سيارة كيا سيراتو جديدة زيرو وكان بيركن في الجراجات اللي بتاخد المفتاح بنفس الحجه المتداولة في الموضوع وهي انه بيوسع للعربيات في خروج السيارات من الجراج او الدخول وكان زميلي بكل بساطة بيدي المفتاح للسايس الموجود في الجراج .
ما هي النتيجة؟؟؟؟؟؟
1- نعم كان محافظ علي العربية من تراب الشارع ( يمكن) ، لكن مشكلة خروجها ودخولها الجراج ثلاث او اربع مرات شيء فيه مخاطرة من ان العربية تتجرح خصوصا مع سايس مبيعرفش ابعاد العربية كويس وكمان بيحب يتمنظر بالعربية شويه فيلف بالعربية وبسرعة ملحوظة ويحكها او يخربشها بردة ويقولك ان ماشفتش وانا معرفش .
2- الالعن والاهم : كان السايس او السياس في الجراج كل ما يتزنقوا في مشوار قريب وخصوصا بعد الساعة 11 ليلا وزميلي نايم في بيتهم ياخدوا العربية ويطيروا بيها يقضوه ، لحد ما جه اليوم اللي البوليس اتصل بزميلي وقالوا عربيتك عامله حادثة كبيرة وطالعة فوق رصيف جزيرة في شارع الهرم ، كانوا البهوات السياس بتوع الجراج بيسوقوا عربيته بسرعة وعملوا حادثة ضيعت العربيه كلها . ولولا ان كان مامن عليها ما كانش استرد 85%من سعرها وخسر حوالي 30الف وده بعد ما شركة التمين اعتبرت ان العربية Total lose، مع ملاحظة كمان ان شركة التامين اتعاملت علي ان اللي كان سايق العربية هو صاحبها ودة نقطة مهمة لان شركة التامين لو تاكدت من ان الحادثة تمت نتيجة قيادة شخص اخر غير صاحب العربية كان لبس العربية.
المطلوب هو الوصول لمكان امن لركن السيارة وعلينا جميعا التفكير بشكل إيجابي بعيدا عن المخاطر
وشكرا
يعني هو مفيش مكان في الجراج يكون بعيد عن المخرج عشان محدش يحتاج يحرك عربيتك ؟
انا عندي الجراج كده
الباكيات اللي جوه مش بتسيب مفاتيحها لكن اللي بره و اللي بطبيعه الحال قافله علي عربيات تانيه لازم تسيب المفتاح او في اماكن معينه يسيبها مموره بحيث تتحرك قدام و ورا
ده غير ان 500 في الشهر كتير قوي اصلا بس معرفش يمكن ده الرينج في اسكندريه
450 و 500 جم فى الشهر اية يا جماعة ؟!!!
انتم بتتكلمو جد و لا بتهزرو ؟
هوا دا بأة سعر الجرجات دلوقتى !!!!!
حضرتك اجر محل ارخصلك
و ممكن كمان تستغلة كمخزن لكركيب البيت و تغسل عربيتك و تنضفها زى ما انت عايز
و سهل انك تأمن مدخل المحل من ان حد يقف ادامة
يعنى حضرتك جايب خيرين انيل من بعض طيب مهو ممكن تركنها فى الجراج وبلاش تدى المفاتيح للسايس اقف الى ان يركنها وخد المفاتيح معاك لاكن تدلو المفتاح يعمل فيها زى مهو عاوز لالالالالالالالالالاطبعا** يبقى لو لابد ترك المفتاح مع السايس يبقى الشارع ارحم والمكتوبلك حتشوفه مهو ممكن برضو السايس يخبطها فى الجارج حتعمله ايه؟؟؟؟
هو الصراحه موضوع مشكله لكل الناس
انا بئا ولاة منى بركن داخل جراج ولاة بركن فى الشارع
الشارع بتاعنا ربنا موسعها علينا شويه فى
وفى جراج عامل باكيات بحديد وكل واحد واخد مكان بخوش اركن جوه وبغطى العربيه
بس عيب كده الكلاب الى بتنط فوق العربيه كل شهرين لازم غطاء جديد ب 200 جينة
وصعوبه غطاء العربيه عشان عربيه كبيره لازم اروح اجيب السايس يغطى ويعرى معايا العربيه
بس على الارقام الى بسمعها دى كتير
انا بدفع 100 فى شهر بس
وكمان كل يوم 5 جينة لتعريه العربيه وغظائها وفوطه زفره
الواحد بيشوف المواضيع دي بيقول الحمد لله انه ساكن في المدن الجديدة العربية تحت البيت مرتاحة لا جراج ولا يحزنون