النهاردة الجراج طردني بالذوق بعد ما بقالي ٤ سنين فية

صاحب العمارة اجر الجراج لناس و عايزين ياخدوا المفتاح عشان يركنوا في الدخلة ٣ عربيات زيادة وانا عمري ما سبت المفتاح لسايس لان كان ليا باكية خاصة وبدفع ٥٠٠ جنية شهريا بالغسيل ... رفضت اسيب المفتاح لاني شفت البهدلة اللي بتحصل للعربيات ومنها:

تدوير العربية و الفرك بيها علي طول قبل حتي ما الدوارة تكمل

توقيفها دايما عال p من غير فرامل يد و كمان عالمطالع

شرب سجاير جواها و ريحة الكمكمة

تشغيل التكييف والاستعباط صيفا

كل ربع ساعة دور و حركها و دخل عربية تانية واوجع اركن من تاني

لو حتطلع كذا مرة في اليوم حتلاقي اف افة و تذمر عشان بيرجعوا يشيلوا عربيتين او تلاتة عشان تطلع و يدخلوهم من تاني. ..

صعب اوي تطلع وتدخل براحتك لان حتي وانت سايب المفتاح حيفضلوا يشيلوا الرصة و يحطوا من تاني ومش بعيد لو نزلت بعديها بنص ساعة ميرضوش يوسعوا المكان من تاني.

حرجع اركن في الشارع بعد السنين دي كلها ... قلبي مش مطاوعني ... خرابيش ... سرقة علامات ... مش بعيد تنزل تلاقي حكة او خبطة ... زبالة تترمي عالعربية

انصحوني ... اي الشرين اخف