الموضوع: مشكله جديده

المشاركة الأصلية كتبت بواسطة المصوراتي

التسريب مباشرة ملاصق لجسم الموتور يا استاذ صبحي و فيه مشكله تانيه مقابلاني اتا ا كنت قريت في المنتدى انها قابلتك يا استاذ صبحي وهي قطرات مياه على غطاء الزيت مع تكون ماده اشبه بالكريمه البيضاء وملاحظه درجه الحراره قد تصل لفوق المنتصف وسرعان ما تهبط لتحت المنتصف عندما تعمل المروحه ومع متوسط سرعه 60 كيلو درجه الحراره ثابته تحت المنتصف ولون المياه طبيعي في القربه وطبعا ميه حنفيه ومقياس الزيت طبيعي انا لسه مغير جوان الوش ومشيت عليه حوالي 100 كيلو الميكانيكي بيقول انه غير الزيت حط زيت بيقول انه اماراتي وملاحظه خروج قطرات ماء بسيطه من الشكمان تنتهي بمجرد تسخين الماتور و العادم ليس له لون الا اذا ذودت بنزين يغمق لونه بسيط جدا
ايه التشخيص ؟؟؟؟ بقى

وحدة وحدة عليا ياراجل ياطيب::

بعد تغيير جوانوش السلندر ليه مضاعفات تختفى بعد فترة فمنقدر نحكم على العملية بع 100 كيلو على القل500 كيلو لأنك عامل عمليه فتح بطن وفيه فترة تنضيف ونقاهة للموتور فاصبر شوية***

موضوع المية اللى بتخرج من الشكمان فى بداية الدوارة دا شئ جيد وايجابى يدل على ان الموتور بحلة جيدة جدا***

المشاركة الأصلية كتبت بواسطة المصوراتي

يعني الكريمه البيضاء دي وقطرات المياه ممكن تختفي بعد 500 كيلو مشي من على غطاء الزيت وخاصه بعد تغيير جوان طرمبه الميه مش كدا

مافيش دخل للطلومبة فى قطرات الندى السبب العملية الجراحية التى اجريت للموتور ولو مختفتش يبقى الحل السحرى عبوة بلوك سيل وياريت كمان تجرب الموضوع دا قبل ما تغير الطلومبا ربما لا تحتاج الى تغييرها لأن البلوك سيل بيسد كافة التنفيساب فى دورة التبريد وهو يباع فى محطاط البنزين موبيل او اى محطة كبيرة او عند المتخصصين ولو لم تجده يمكن لى شخص يجلبه اليك من القاهرة كما فعلت بلوك سيل

المشاركة الأصلية كتبت بواسطة المصوراتي

انا في القاهرة يوميا ايه افضل نوع ممكن اجيبه
وشكرا لسعه صدرك استاذ صبحي

قبل ما تغير الطلومة هات عبوة بلوك سيل وانا حشرحلك ازاى تستخدها فى البيت** يعنى بنفسك اعمل موضوع البلوك سيل دا***


- تفتح الكبوت وتقول بسم الله
2- العربية لازم تكون باردة خالص، يعني تكون راكنها من بليل مثلا والتجربة في الصباح
3- تحضر جنبك شوية حاجات عشان متتلبخش زي جركن مياه أو اتنين، ومفك عشان تفك خرطوم الردياتير وتربط، وعلبة المادة،
(((( قبل ماتدور العربية)))
4- تيجي على قربة المياه بتاعت الردياتير تلاقي تحتها خرطوم تخين نازل منها متجه للردياتير تفكه خالص وتنزله لتحت لغاية ما تفضي المياه.
5- تركبه مرة تانية بإحكام
6- ترج علبة المادة رجا جيدا....
7- تفتحها وتفضي المادة كلها في قربة الردياتير وتدور العربية وخلال 3 ثواني تكون واقف جنب القربة وبتفض الجركن اللي معاك في القربة
8- هتلاقي طبعا المادة اتسحبت مع المياه للردياتير.. وإياك متفضيش الردياتير الأول لأنك لو معملتش كدة هتفض المادة في القربة ومش هتخش قي الردياتير ومش هتدور في الموتور ونعجن وتنشف وهتدوخك.
9- بعد إضافة المياه للمنسوب الطبيعي (( متملاش القربة على اآخر)) وده الطبيعي.
10- سيب الغطاء مفتوح والعربية دايرة على السلانسية لمدة 5-10 دقائق حسب حالة الجو مع متابعة مؤشر الحرارة لأن لازم العربية تسخن كويس والمادة عملة تدور مع دورة التبريد.
11- إغلق غطاء القربة جيدا بعد التأكد من منسوب المياه مظبوط وإن مفيش هواء في الدورة
12- بالنسبة لي مغيرتش ولا فضيت المياه اللي فيها المادة لغاية اللحظة دي، بس العبوة مكتوب عليها إنك تفضي المياه وتحط مياه جديدة، وبالنسبالي الموضوع مفيهوش مشاكل لأن الموضوع ده عملته قبل كدة في عربية إلانترا وسيبنا المياه برضه عادي.
13- إتحرك عادي بعربيتك مع ملاحظة الحرارة، وتاني يوم تكشف على مياه القربة وشوف المشاكل السابقة انتهت أم لا!!!
وربنا يوفقك وأنا تحت أمرك