وسائل الزواج

**engmody32** · 15-10-2014 03:49 PM

انا كنت عملت كام موضوع كده عن اني مش عارف اتجوز لحد دلوقت و كانت طريقتي الوحيده جواز االصالونات
http://www.nilemotors.net/Nile/440418-a.html
http://www.nilemotors.net/Nile/437502-a.html
http://www.nilemotors.net/Nile/436485-a.html
المهم حاليا حتي سكه الصالونات مبقاش بيجي منها حد و معنديش معارف و لا قرايب و لا نسايب و لا صحاب اختي و لا بنت عم مش عارف مين لا جيران و لا حد حواليا كل ده مفيش و حتي الصالونات اللي بيجوا عن طريق المعارف خصلوا و حصل بسبب الرفض و القبول مشاكل
من الاخر كده معنديش اي وسيله اني اشوف عروسه تقريبا اخر واحده شوفتها من اكثر من 7 شهور
و الواحد عمره بيجري يا جماعه و مع الوقت بيبقي اسف في الكلمه معليهوش الطلب و في احسن منه و اصغر منه يعني بقيت اسمع كلمه سنه كبير دي كتير من اهل البنت او يجبولك بنت عندها 30 او 31 و يقولك ده اللي يناسبك ( انا 33 علي فكره)
المهم انا محتاج طريقه اخري لأيجاد زوجه غير الصالونات دي ( بكرر تاني مفيش قرايب و لا معارف و لا بنت عم و لا بنت خال) يعني يا جماعه اللي هينصخ بطريقه يا ريت تكون مجربه و ياريت يقولي تفاصيلها
انا ساعات كتير بكون ماشي في الشارع و الاقي بنت عجابني و ببيقي مش عارف اعمل ايه
اروح اكلمها و لو كلمتها اقول ليها ايه و لو طلعت صغيره عليا اعمل ايه
فيا ريت يا جماعه تنصوحني نصيحه لله و تكون مفصله

**hitman235** · 15-10-2014 04:12 PM

هو الموضوع حظ بنسبة كبيره و علاقات
صديق ليا 32 سنه لسه متجوز واحده 26 سنه يعنى سنها مناسب ليه
انا 28 و اتعرض عليا جميع الاعمار من 27 لحد 19 هههه بس المشكله فى المشاكل الى بتحصل و عدم التوافق و تفكير البنات دلوقتى و اهاليهم
عموما فى ظل ظروف البلد و اخلاق الناس خلى فكره انك تشيل الموضوع من دماغك وارده برضه ما تستبعدهاش

**eslamavitch** · 15-10-2014 04:34 PM

سيبها على الله صدقنى بكرة ربنا حيفرجها وحتفتكر الايام االلى انت كنت بتفكر فيها
بس سوال على الهامش كدة هوة عندك مدونة :)

**prof2013** · 15-10-2014 04:37 PM

عليك وعلى السفارة الصينيه يامان
فيه في الصين حتت جامده على فكره ما يغركش اللي بتشوفهم هنا

**zorg** · 15-10-2014 04:45 PM

مقدمكش غير حتة صينى او فلبينى او اى حاجة من اللى بينتهوا نى

**engmody32** · 15-10-2014 05:15 PM

المشاركة الأصلية كتبت بواسطة eslamavitch

سيبها على الله صدقنى بكرة ربنا حيفرجها وحتفتكر الايام االلى انت كنت بتفكر فيها
بس سوال على الهامش كدة هوة عندك مدونة :)

لا يا باشا معنديش و لو اني بفكر اعمل واحده لكن مش عارف اكتب فيها ايه

**Bassem Youssef** · 15-10-2014 07:28 PM

الراجل مش بسنه

الحريم اللي المفروض نقول كبيره و صغيره

سيبها لله و نصيبك كده كده هتشوفه و هتقول ياريتني ما كنت عملتها

**4fun14** · 15-10-2014 10:57 PM

زى ماحضرتك مهندس وشايف نفسك عريس مناسب رغم انك 33..فى عرايس زى الفل وعدوا ال30 برضه!
انا اليومين دول بشوف واحده 31 سنة "انا مقرب علي ال 30 يعنى اصغر منها" واتمنى بس انها توافق عليا

**engmody32** · 15-10-2014 11:11 PM

المشاركة الأصلية كتبت بواسطة 4fun14

زى ماحضرتك مهندس وشايف نفسك عريس مناسب رغم انك 33..فى عرايس زى الفل وعدوا ال30 برضه!
انا اليومين دول بشوف واحده 31 سنة "انا مقرب علي ال 30 يعنى اصغر منها" واتمنى بس انها توافق عليا

و الله يا باشا فعلا في بنات فوق الثلاثين زي الفل بس دول نادرين جدا
المعظم بيكونوا ضايعين
و عامه اصلا زي ما ذكرت باب الصالونات اتقفل و لوحده و من غير اختيار
رغم اني كنت مؤمن ان ده الطريقه الشرعيه و الاسلاميه اللي ربنا قال عليها و مفيهاش مخالفه للشريعه
بس زي ما ذكرت خلاص معدش بيجيلي حد منهم و مش هيجيلي
دلوقت بقي ايه البديل اني الاقي زوجه بطريقه محترمه برضه
الواحد استغفر الله العظيم ساعات بيندم انه مكنش بتاع بنات و مقضيها
كان زماني عندي بدل الواحده 100 و كلهم و اقعين فيا و موافقين و انا اختار اللي تعجبيني فيهم
الظاهر ان الحلال في الزمن ده مبقاش بيوصل لحاجه
استغفر الله العظيم

**Bassem Youssef** · 15-10-2014 11:24 PM

انا مش عارف الشباب "مسروعين" علي الجواز كده ليه ؟؟؟؟ و خصوصا من الحريم المصري مع اني مسمعتش عن حد متجوز و مبسوط و بيشكر في الحريم المصري الا في حالات نادره ؟؟؟؟