سؤال الي اهل السيريون

**mimo9800** · 27-10-2008 03:37 PM

الحمد لله استلمت سيريون Gl 2009 اتوماتيك يوم الجمعة و من ساعتها راكنها في الجراج لحد مالورق بتاعها ييجي
حتي لسه مش عارف احكم عليها ولا اقيمها , بس انشاء الله قريب اكتب تعليقي عليها

بس كان عندي كام استفسار كده :

1- زرار Over Drive : هل هو مفيد ؟ و بستخدمه امتي ؟ و هل بيزود استهلاك البنزين ؟؟؟
2- هل ممكن اركب للعربية فوانيس شبورة و سبويلر اصلي بتاعها ؟ ولو كده اجيبه منين و بكام ؟؟؟؟
3- انا متضايق ان العربية مفيهاش ستوب من ورة , فهل ينفع يتركب برده ؟؟؟
4-ليا ملحوظة علي الكلاكس مش عارف ليه حاسس ان صوته مسرسع و تعبان اوي ؟؟ مش عارف ده عندي بس و لا عند كل الناس ؟
5- سؤال اخير لاهل المنصورة , هل في حد بيبيع قطع غيار سيريون فل المنصورة ولا لازم التوكيل ؟

وشكرا

**mohamed_rhem** · 27-10-2008 03:48 PM

الف مبروك علي السريون الجديده
وربنا يديك خيرها ويكفيك شرها
بالنسبه لزرار Over Driver
طبعا مفيد بتستخدمه في القياده الرياضيه او لو عايز عزم شديد حد زنق عليك مثلا ومحتاج تطلع منه وما اكثر النقل الثقيل في بلدنا المحروسه
هو بيزود استهلاك الوقود طبعا بس ده مش بتستخدمه علي طول عند الضروره
مسأله تركيب اكسسوار برا التوكيل ممكن تسألهم في صيانه الالف انما صوت كلاكس السريون فعلا مسرسع ولو غيرته برا التوكيل مفيش مشكله بالنسبه للاسبويلر لا يباع للاسف
اه في ناس بتبيع قطع غيار في المنصوره وكان في موضوع لمشرف القسم ابو عبدالله كان عمل صيانه بنفسه لضيق وقته وغير الزيت والفلتر وتيل الفرامل ممكن تراجع الموضوع ده
ومبروك تاني واي استفسار احنا موجودين