حساس فتيس الماتريكس بالصور

**tata2011** · 15-10-2014 10:57 PM

الحقيقة ولو انى زعلان لان محدش رد عليا فى مشكلتى اللى عرضتها فى موضوعى السابق بخصوص مشكلتى مع الفتيس صحيح رد عليا 3 اعضاء افاضل لكن كنت انتظر حد من الخبراء المتخصصين .
عموما انا حبيت اكمل تجربتى وحطتها فى موضوع جديد علشان يشوفها اعضاء جدد ويستفيد منها
انا توجهت اليوم للمنصورة لانها اقرب لمدينتى ورحت لواحد اسمه محمد على فى الحسينية طبعا هو مشهور جدا ومتخصص فى الفتيس بس ولما شرحت له مشكلتى ( مبتجبش النقلة الرابعة) قالى مشكلتك مش عندى روح لمركز خدمة فيه كمبيوتر اعطال . وفعلا توجهت لمركز اسمه المركز الالكترونى وفعلا كشف بالكومبيوتر . قالى عندك مشكلة فى النقلة التالتة والحل تغيير الحساس ودى صورته

التركيب تم فى 5 دقايق اما عن النتيجة فمقدرش احدد لان العيب بيظهر فى المشاوير البعيدة وان شاء الله ناوى ابقى اجرب العربية واقولكم

**تامر راغب** · 16-10-2014 10:53 PM

إن شاء الله خير
وهتلاقيها تمام
ربنا يهديلك الحال

**tata2011** · 17-10-2014 01:29 AM

المشاركة الأصلية كتبت بواسطة تامر راغب

إن شاء الله خير
وهتلاقيها تمام
ربنا يهديلك الحال

ربنا يخليك وشكرا على الرد
انا جربت العربية النهاردة والحمد لله بقت تمام

**sonaeg** · 17-10-2014 05:20 PM

جزاك الله خيرا علي نقل التجربة ومبروك التصليح

**attaa11** · 18-10-2014 10:42 AM

ربنا يوفقك وتكون المشكلة اتحلت ... المنتدي هنا رغم انه منتدي عملاااق .. بس الردود ضعيفه .. ويمكن عشان الناس بتتعب في الكتابه . او بيفضلو يطقطقو علي الفيس اكتر :)
تحياتي زميلي العزيز

**dodo1510** · 19-10-2014 11:32 AM

السلام عليكم
لو المشكلة ف حساس الفتيس a.bهيكون ف تاخير ف النقلة ولو الفتيس بيخبط فى d اوr ممكن يكون فالف بادى وه هو عقل الفتيس بس فى الاول ممكن تنظف الفالف بادىو تغير زيت فتيس و فلتر زيت فتيس
وان شاء الله المشكلة هتتحل

**mummy_47** · 19-10-2014 02:38 PM

المشاركة الأصلية كتبت بواسطة tata2011

الحقيقة ولو انى زعلان لان محدش رد عليا فى مشكلتى اللى عرضتها فى موضوعى السابق بخصوص مشكلتى مع الفتيس صحيح رد عليا 3 اعضاء افاضل لكن كنت انتظر حد من الخبراء المتخصصين .
عموما انا حبيت اكمل تجربتى وحطتها فى موضوع جديد علشان يشوفها اعضاء جدد ويستفيد منها
انا توجهت اليوم للمنصورة لانها اقرب لمدينتى ورحت لواحد اسمه محمد على فى الحسينية طبعا هو مشهور جدا ومتخصص فى الفتيس بس ولما شرحت له مشكلتى ( مبتجبش النقلة الرابعة) قالى مشكلتك مش عندى روح لمركز خدمة فيه كمبيوتر اعطال . وفعلا توجهت لمركز اسمه المركز الالكترونى وفعلا كشف بالكومبيوتر . قالى عندك مشكلة فى النقلة التالتة والحل تغيير الحساس ودى صورته

التركيب تم فى 5 دقايق اما عن النتيجة فمقدرش احدد لان العيب بيظهر فى المشاوير البعيدة وان شاء الله ناوى ابقى اجرب العربية واقولكم

حضرتك زعلان ليه يا فندم...الاعضاء اللي ردوا عليك قالولك روح للمهندس هاني ..او على الاقل كلمه في التليفون وهو مش بيبخل باي معلومة على اي حد ولو مشغول هيرد على التليفون ...وهيقولك تعمل ايه من غير ما تروحله..الا اذا كان عايز يطمن اكثر هيبقى لازم تروحله .( في ناس بتيجي له من محافظات ابعد عشان بيطمئنوا لشغله جدا ) وحاجة تانية ..هو بيضمن الشغل اللي بيتعمل في العربية ...نصيحة مني ..بلاش اللعب في الفتيس الاوتوماتيك من غير خبير مثل م. هاني
تحياتي
محمد

**Hamada hozein** · 19-10-2014 06:43 PM

الحمد لله انها اتصلحت وربنا يباركلك في عربيتك

**tata2011** · 20-10-2014 01:19 AM

السلام عليكم
اناباشكر كل الاعضاء اللى ردوا عليا وساهموا بردودهم لهم كل التحية واحب الخص الاتى
- انا كان نفسى اروح للمهندس هانى فعلا لكن بعد المسافة وخوفى من العربية تعاكسنى فى الطريق هو السبب انى بحثت عن حل اخر
- حالتى النفسية كانت وحشة وفكرت ابيع العربية مع انها يادوب عاملة 13000 كيلو
- سبب زعلى زى ماقال اللعضو الفاضل atta11 هو قلة الردود رغم ضخامة المنتدى لكن الحمد لله واحنا هنا كلنا عشان نساعد بعض
- الحمد لله انا جربت العربية يوم الخميس كان عندى مشوار للقاهرة والحمد لله لقيت العيب اختفى ويارب يكون اختفى نهائى
- باكرر شكرى للجميع وربنا يبارك فى حضراتكم

**mummy_47** · 20-10-2014 11:11 AM

المشاركة الأصلية كتبت بواسطة tata2011

السلام عليكم
اناباشكر كل الاعضاء اللى ردوا عليا وساهموا بردودهم لهم كل التحية واحب الخص الاتى
- انا كان نفسى اروح للمهندس هانى فعلا لكن بعد المسافة وخوفى من العربية تعاكسنى فى الطريق هو السبب انى بحثت عن حل اخر
- حالتى النفسية كانت وحشة وفكرت ابيع العربية مع انها يادوب عاملة 13000 كيلو
- سبب زعلى زى ماقال اللعضو الفاضل atta11 هو قلة الردود رغم ضخامة المنتدى لكن الحمد لله واحنا هنا كلنا عشان نساعد بعض
- الحمد لله انا جربت العربية يوم الخميس كان عندى مشوار للقاهرة والحمد لله لقيت العيب اختفى ويارب يكون اختفى نهائى
- باكرر شكرى للجميع وربنا يبارك فى حضراتكم

الحمدالله ان مشكلة حضرتك اتحلت...لكن ممكن تقولنا اسم الحساس ده ايه ...انا اعرف ال body valve فقط لكن معنديش فكرة عن اي حساس اخر...يا ريت تفيدنا..وازاي حضرتك بتحس ان العربية مبتجبش النقلة الرابعة..انا مش بحس بنقلات الفتيس عندي نهائي....ممكن اعرف ازاي ..

تحياتي