موبينيل تنافس بقوة لتكون أسوأ شركة محمول

**raedegypt** · 16-10-2014 09:20 PM

دخول رابع فعلآ ها يخسر الجميع والخدمات بالتبعيه تتآثر وممكن ناس تتسرح وتفقد وظائفها .. الموضوع لازم رويه للدوله فى فتح مجالات اخرى للمستثمر وبلاش لكل حاجه نحط ميه واحد ونحرقها . الشطارة انك تنوع الاستثمار ومش كله يتركز فى حاجه واحدة .. بدل ما تفتح رابع . ابحث عن مسنثمر لانتاج الحديد وانقل المصانع من اوكرنيا بعملتها حتى فى مصر ها تفييد البلد . هات مستثمر امريكى يطلع الذهب من حلايب وشلاتين وكلها كنوز ذهب وثروة هائله مختفيه فى مصر .. يعنى بلاش شغل الحرق خلى الناس تكسب وتشغل ناس بدل الخسائر وفى الاخير النوع دة من الاستثمار فيه تشبع

**drmsadek1979** · 16-10-2014 09:48 PM

نفس الموقف بالظبط حصل معي في فودافون للأسف ثقافة شعب يحب يقبض ومش عاوز يشتغل

**ashour100** · 16-10-2014 11:07 PM

السلام عليكم
موقف مماثل مع الخطوط السعودية بخميس مشيط - وقمت بعمل شكوى الكترونية من خلال الموقع - ليتم بعد أسبوعين عمل تحقيق مع الموظف المتقاعس في وجودي عن طريق أحد كبار مديري خدمة العملاء - ومن ثم إخطاري بنتيجة التحقيق المتمثلة في نقل الموظف وإيقاف ترقيته وحوافزه -- وكانت أيام !!!

**kar!m** · 19-10-2014 05:10 PM

أنا حابب أوضح ان الموضوع تطور شوية .. أنا كلمت موبينيل عشان أسأل على حاجه تانية و الشخص اللي كلمني قال لي حضرتك كنت عامل شكوى امبارح و حابب أوضح لحضرتك ان احنا بعتنا للفرع و لسه مردوش علينا .. قلت له أنا مصور ورقة معلقينها انهم مبيقدموش خدمة بعد مواعيد العمل الرسمية .. قال لي طيب ابعت لي الصورة اللي حضراك صورتها وأنا هعمل أدبديت للمشكلة و هبعت لرئيس قطاع المنطقة.

المهم بعت له الصورة و النهاردة لقيت مدير فرع الزقازيق بيكلمني و بيسألني عن المشكلة .. قلت له ان الناس اللي عندك بيكذبوا على العملاء و بيقولوا لهم ان السيستم بيقفل الساعة 10 و الناس عشان بسطاء بتصدقهم .. و قلت له اني فضلت مستني ان دوري ييجي و لما السعة جت عشرة الفرع قفل و مشى العملاء مع ان في ناس مستنية من ساعة ونص .. و قلت له انه المفروض يقفل الباب و يخلص العملاء اللي موجودين حتى لو هيقعد 10دقايق أو ربع ساعة زيادة .. طبعا الراجل كان محرج جدا و فضل يقول لي انت عندك حق و بتاع و حضرتك مشكلتك ايه و أنا أحلها لك .. قلت له أنا مشكلتي اتحلت بس كل يوم الفرع بيقفل على ناس منتظرة من ساعتين و حاولوا تشوفوا حل للمشكلة دي و فضل يمكن 5 دقايق يعتذر في التليفون.

بصراحة أنا مكنتش متوقع اهتمام كده .. أنا قلت لو بعتوا لي رسالة فيها "عميلنا العزيز تم النظر في الشكوى المقدمة و تم اتخاذ اللازم" يبقى كتر خيرهم .. بس ان الواحد يكون ايجابي فعلا دي حاجة مهمة جدا.

**Ahmed_selmy** · 19-10-2014 09:46 PM

طيب كويس معنى كدا ان الحمد لله فيه اهتمام .....ربنا يصلح الاحوال

**michohat** · 26-10-2014 11:06 AM

كنت هناك من يوم 23 اكتوبر وشوفت اليافطه اللي معلقنها وتنص على
ان رقم الانتظار يصبح لاغي في حالتني
1- ان يعدي عليه 5 ارقام
2- انتهاء مواعيد العمل الساعه العاشره مساء

وبرضه نفس الزحمه ومفيش مكان انتظار والناس قاعده في الشارع

و حيله لطيفه عاملينها انهم مقدمين ساعه ماكينه ارقام الانتظار ساعه علشان مش يتعد عليهم تأخير

كان رقمي 281 و تاريخ دخولي الساعه 1.45 ومسجل في الرقم 2.45

وتمت الوصول للرقم والخدمه الساعه 4.55

**naser_56** · 26-10-2014 03:05 PM

المشاركة الأصلية كتبت بواسطة michohat

كنت هناك من يوم 23 اكتوبر وشوفت اليافطه اللي معلقنها وتنص على
ان رقم الانتظار يصبح لاغي في حالتني
1- ان يعدي عليه 5 ارقام
2- انتهاء مواعيد العمل الساعه العاشره مساء

وبرضه نفس الزحمه ومفيش مكان انتظار والناس قاعده في الشارع

و حيله لطيفه عاملينها انهم مقدمين ساعه ماكينه ارقام الانتظار ساعه علشان مش يتعد عليهم تأخير

كان رقمي 281 و تاريخ دخولي الساعه 1.45 ومسجل في الرقم 2.45

وتمت الوصول للرقم والخدمه الساعه 4.55

اعتقد موضوع الساعه انه الفرق بين التوقيت الصيفي والشتوي وهما معدلوش التوقيت في الساعه