ايه حل المرايا المكسورة؟

**askarfeps84** · 16-10-2014 01:34 PM

بالنسبة للمرايا الزجاج عندي فى اتكسرت فى المرايا الشمال (البلورة أو الزجاجة انا مش عارف بيسموها ايه) هيكل المرايا سليم لكن الزجاجة انكسرت
هل هي بتتباع لوحدها وفين وبكام؟ دورت عليها مش لاقيها .... وطبعا تركيب زجاج عادي هتكون الصورة مش واضحة ومش مظبوطة ... اكيد في حل ... مش معقول كل واحد ينكسر زجاجة مراياته هيروح يغير المرايا كلها

شكرا مقدما للجميع

**Mohamed.Raafat** · 16-10-2014 01:45 PM

يا باشا لو حضرتك من اسماعيلية زي ماهو مكتوب في البروفايل بتاعك
هتروح عند احمد اسماعيل بتاع المفاتيح اللى عند ابراهيم سلامة
هيعملك الزجاج المقعر بتاع المراية و هتتكلف في حدود 40 او 45 جنيه

**ahmed2801** · 16-10-2014 10:58 PM

المشاركة الأصلية كتبت بواسطة askarfeps84

بالنسبة للمرايا الزجاج عندي فى اتكسرت فى المرايا الشمال (البلورة أو الزجاجة انا مش عارف بيسموها ايه) هيكل المرايا سليم لكن الزجاجة انكسرت
هل هي بتتباع لوحدها وفين وبكام؟ دورت عليها مش لاقيها .... وطبعا تركيب زجاج عادي هتكون الصورة مش واضحة ومش مظبوطة ... اكيد في حل ... مش معقول كل واحد ينكسر زجاجة مراياته هيروح يغير المرايا كلها

شكرا مقدما للجميع

موجودة عند صقر ف مصر عمارات الشرطة جسر السويس.
وبكام مش فاكر لانها كانت من زمان.

**ahmed2801** · 21-10-2014 07:27 PM

المشاركة الأصلية كتبت بواسطة askarfeps84

شكرا استاذ محمد وشكرا يأستاذ احمد ... شكرا جزيلا
والحمد لله على كل شئ عربية ربع نقل من يومين جت وشالت المراية كلها ودمرتها ودخلت على الاكصدام الامامي كمان .... الحمد لله على كل شئ وشكرا للردود

كان الله ف العون... قدر الله وما شاء فعل... ما تزعلش كله يتصلح.. المهم حمدلله على سلامتك انت واللى معاك.
نصيحة بقى بالمناسبة إحتفظ بقاعدة المراية المكسورة اللى راكبة ف الباب الاصلية لانها معدن واللى بتتباع بلاستك... انا البواب نادى عليّه نزلت لقيت سواق الميكروباس ماسك المراية الشمال ف ايده معلقة على السلك والعربية واقفة وراكنة وبيقول انا اسف يا باشا!!!! قصيت السلك ورميتها ف الشنطة وكنت ف اسكندرية ولما روحت اشتريت مراية جديدة من صقر بس مش فاكر كانت بكام(الزهايمر بقى هههههه ) المهم لقيت قاعدتها بلاستك غيرتها بالقاعدة الاصلية المعدن.
وربنا يعينك على اللى انت فيه.