سير الدينامو بينسل

**tameem2010** · 18-10-2014 01:12 AM

اكيد الطنبورة اللى راكب فيها السير فيها شفة مش مظبوطة وهتلاقيها في الجزء اليمين ده اللى بياكل سير الدينامو
الصفارة لما تكسر الدريكسيون بتحصل والعربيه باردة فقط وده نتيجة خشونة سير الباور وده مالوش حل انما برده غير ضار انما لو العربية سخنه عمرها ما هتصفر ولو صفرت وهي سخنه يبقى ارمي السير بدون تفكير
قطع الغيار الاصلي بتاع هيونداي مش هتلاقيها الا في التوكيل والباقي مضروب
طقم سيور المجموعة بتاع الماتريكس في حدود 230 جنيه والكاتينة في حدود 230 جنيه والبلية الثابته عاملة 140 جنيه والبليه المتحركة عاملة 120 جنيه والمفروض ان كل دول بيتغيروا مع بعض كل 60 الف كم بشرط انك تكون جايبهم من التوكيل لان اللى برا هتلاقي الحاجات ديه بنص السعر ومتغلفه بغلاف وباداجات زي الاصلي بالظبط انما هي مش اصلي
وبكرر الاصلي في التوكيل فقط

**تامر راغب** · 18-10-2014 09:22 PM

طقم سيور المجموعة بتاع الماتريكس في حدود 230 جنيه والكاتينة في حدود 230 جنيه والبلية الثابته عاملة 140 جنيه والبليه المتحركة عاملة 120 جنيه

شكرااااااا جزيلا أ/ تميم

بصراحة عندك حق
صحيح هما غاليين قوى بس الأصلى أضمن

**تامر راغب** · 22-10-2014 11:36 PM

ياجماااااااعة المشكلة حصلت تانى بس من غير ان السير يتقطع ..
صوت صفارة وتقل فى الدركسيون مش عارف ليه
بقالها 4 أيام زى الفل وفجأة عملت كدة تانى

ممكن يكون من ايه بالله عليكم ؟؟؟

**tameem2010** · 23-10-2014 12:37 AM

ماهو تقل الدريسكيون والصفارة ده سير باور مش سير دينامو
والصفارة بتظهر في الو الدوارة والعربيه بارده ولو كسرت الدريكسيون على الاخر في اول الدوارة بتصفر
لو ده حصل يبقى ده سير الباور ناشف مش حلو
واضح انك جايب طقم سيور مش كويس بس برده راجع بلي الشداد بتاع السيور الميكانيكي هيبص عليهم في دقيقة هيقول لك

**تامر راغب** · 23-10-2014 02:28 AM

متشكر جدا أ/ تميم
قلتله قاللى لأ كويسين
هو شد السير شوية واتظبط وحط نقطتين زيت كدة على السير
ضيعت التزييقة ...
شكلى لو حصلت تانى هروح التوكيل

**tameem2010** · 23-10-2014 02:47 AM

دييه خشونة في السير طالما فيها صفارة بس مع بداية دوارة العربيه يبقى السير خشن مش محتاجة توكيل خالص وخلي بالك كلها يوم ولا اتنين وهيصفر تاني لان الشحم الابيض الللى بيحطوا الصنايعيه مجرد اجراء مؤقت
عموما سير الباور في التوكيل رخيص مش غالي اخره 60 جنيه لو عاوز تغيره اشتري واحد من التوكيل وركبه بره بدل ما تتلطع اليوم كله في التوكيل اونطة في اونطة

**تامر راغب** · 23-10-2014 08:33 AM

ييه خشونة في السير طالما فيها صفارة بس مع بداية دوارة العربيه

المشكلة مش بس فى أول دوارة العربية
المشكلة بتستمر حتى ونا سايق وتيجى تحود بالدركسيون تلاقيه تقيل وبيزيق كدة وكأنك بتحارب معاه علشان يحود ... ولما المرة اللى فاتت غيرت الطارة بتاعة طرمبة المياه الحكاية إتحلت طبعا بعد ماغيرت لتانى مرة سير الدينامو وسير الباور ...

خلي بالك كلها يوم ولا اتنين وهيصفر تاني لان الشحم الابيض الللى بيحطوا الصنايعيه مجرد اجراء مؤقت

عندك حق فى دى .... ربنا يستر والله - ساعات بقول لنفسى إيه اللى رمانى على هيونداى بقرفها ده
لكن الحمد لله على كل شئ وقدر الله وماشاء فعل ... ولو إن الحقيقة العربية من غير المشاكل الهايفة اللى تخنق دى زى الفل ...

**tameem2010** · 23-10-2014 11:12 AM

بالعكس انا شايف الهيونداي عربيات ممتازة
فيه قاعدة اسمها المنفعه مقابل القيمة
بمعنى على اد فلوسها ممتازة مينفعش اقارنها بعربيه زي الاوبل او الجيتا مثلا
هي على اد فلوسها كويسه
وفيها مزايا كتير من توافر قطع الغيار بفئات كتير من الصيني للتيواني للكوري للوكيل وكل واحد وعلى اد مقدرته في شراء قطع الغيار
حاجة كمان انها سهلة وسلسة الصيانة واي ميكانيكي بيشتغل فيها وحتى لو وقفت معاك في الطريق اي صبي ميكانيكي يقدر يمشيها لحد الورشة بتاعته
اعادة البيع بتاعتها عاليه جدا وقيمتها عاليه حتى لو قعدت معاك فترة بتجيب سعر وتتباع هوا
طبعا فيها عيوب من حيث الثبات والفرامل وعوامل الامان
انما في الاخر في مقابل الفلوس اللى اتدفعت فيها هي ممتازة
واكرر لك ده سير باور غيره واشتري دماغك طالما بيصفر خاصة انه رخيص مش غالي لو استمر الثقل يبقى غير زيت الباور ولو استمر راجع الطلمبة بتاع الباور والاسكترا
اما الصوت مفيش منه مشكلة لانه خامة السير وحشة

**تامر راغب** · 23-10-2014 12:08 PM

واكرر لك ده سير باور غيره واشتري دماغك طالما بيصفر خاصة انه رخيص مش غالي لو استمر الثقل يبقى غير زيت الباور ولو استمر راجع الطلمبة بتاع الباور والاسكترا
اما الصوت مفيش منه مشكلة لانه خامة السير وحشة

تمااااااااااااام جدا

هغيره فى التوكيل وهشوف حكاية زيت الباور دى كمان ....

بس الإسكترا ليه ؟؟؟؟؟ ( ربنا يستر )

متشكر جدا والله لإهتمامك وردك السريع
ربنا يخلليك يارب

**tameem2010** · 23-10-2014 04:41 PM

الاسكترا لو بايظة بتعمل تقل في الدريكسيون وان كان ده احتمال مستبعد عشان كده قلت لك ده اخر حاجة

الموضوع: سير الدينامو بينسل

LinkBack

أدوات الموضوع

عرض

-

-

-

-

-

المواضيع المتشابهه

الدينامو

الدينامو 70 او 90

ما سعر الدينامو 128

سير الدينامو

سير الدينامو

الكلمات الدلالية لهذا الموضوع

المفضلات

المفضلات

ضوابط المشاركة