الموضوع: تصليح الجنط

الجنوط الصلب استعدلها عند اي بتاع كاوتش و بعدين رصص.

المشاركة الأصلية كتبت بواسطة mohamed8920

السلام عليكم
وعليكم السلام ورحمة الله وبركاته
انا معايا عربية 125 ستيشن والجنوط اللى فيها مش مظبوطة بمعنى انها من الحرف فيها كدة تعويجات بسيطة والعربية وانا ماشى بعد 80 بحس برعشة فى العربية كلها وسالت الميكانيكى وقالى دا من الجنط عشان متعوج شوية هل لازم اغيرهم ولا ممكن يتظبطو واوديهم فين لو هينفع يتظبطو ؟؟
بعد الـ 80 الرعشه دى مستمره ولا بتختفى على سرعه اعلى 90 او 100 مثلا ؟؟
لو بتختفى يبقى محتاج ترصيص لو لأ يبقى العيب من الجنوط
تصلحهم عادى ممكن تلاقى حد من بتوع الكاوتش يصلحهم (بس خلى بالك معظمهم نصابين و ممكن يكسر الحرف بتاع الجنط) و ممكن تدور على حد متخصص فأصلاح الجنوط
ولو هشترى جنوط جديدة هتكلفنى كام مع العلم ان الجنط اللى عندى مقاس 13 وهل ممكن الاقيهم مستعملين ولا ايه
هتلاقى جنوط جديده طبعا و مستعمله بس على حسب هتدور فين
وفى سؤال تانى انا الكوتش عندى حاسس انو رفيع اوى ممكن اعرضو على جنط نفس المقاس 13
يبنفع تعرض الكاوتش على نفس الجنط بس لازم تحدد المقاس الحالى كام علشان نقولك المقاس الأعرض المناسب

المشاركة الأصلية كتبت بواسطة محمدالديب8920

الف شكر يا باشا على الرد كدة تمام بس انا صراحة مش عارف مقاس الكوتش كاام ههههههه بيكون مكتوب عليه مثلا ولا اييه ؟وهوا تقريبا الكاوتشات لييها طريقة ارقام انا مش فاهمها ههههههههه انا لسه جديد بقى معلش

العفو, الشكر لله وحده
مقاس الكاوتش مكتوب عليه

13 مقاس الجنط
R نظام التصنيع
70 جنب الأطار (ارتفاع الإطار)
175 عرض الإطار


S رمز السرعه (اقصى سرعه كم/س)

Q = 160 km/hr

R = 170 km/hr
S = 180 km/hr
T = 190 km/hr
H = 210 km/hr
V = 240 km/hr

المشاركة الأصلية كتبت بواسطة mohamed8920

مقاس الكاوتش الحالى يا باشا 165 80 r13

تمام
المقاس اللى ينفع 185/70r13 و تقريبا ده الوحيد اللى يركب بدون مشاكل
عرض الكاوتش هيزيد 20 مم (انا كتبت 20 مم مش 2 سم علشان الزياده تبان كبيره )
القطر الكلى هيقل 0.7% تعادل 4 مم
السرعه هتقل 0.7% يعنى السرعه على مؤشر السرعه 100 كم/س لكن سرعه فعليه 99.3 كم/س