الموضوع: رابطة مالكي بولو سيدان ٢٠٠٥ /٢٠٠٩

وبرضه اتاكد ان الطنابير عندك كويسه لان لو الطنابير اتبرت من الزمن سواء اللى قدام او ورا اكيد هاتوطيلك الفرامل لان المسافه بتعلى طبيعى عشان تعوض الفرق بين التيل والطنبورة

المشاركة الأصلية كتبت بواسطة mohamedmmm2

لا انا نفس موديلك والفرامل معايا عاليه وزى الفل بس انا كل شهر برجلش على الفرامل عشان تفضل عاليه.. اول ماتحس ان الهاندبريك عليت معاك يعنى بقت اكتر من اربع تكات ممكن تفوت على الميكانيى ترجلش.. الموضوع مش مكلف حوالى 20 جنيه وحسب استخدامك طبعا

متشكر اوي على نصيحتك وباذن الله حاروح اعدي على الميكانيكي بتاعي ارجلش الفرامل وحاقولك عملت ايه

ولو حسيت انها لسه مش حلوة معاك قوللى وانا هاظبطلك الدنيا.. اعتبر دة وعد

ممكن حد يفيدني عايز اغير جنوط العربية لجنوط اسبور تكون فولكس اصلي ممكن الاقيها فين ولوحد غيير يقولي حاسس بفرق

السلام عليكم
دى اول مرة اعمل رسالة على المنتدى
و سعيد ان فى صفحى لمالكى البولو السيدان
سؤال سريع
انا عايز اغير الجنوط الحديد لجنوط سبور
سألت فى السوق قالى مفيش نفس المقاس بالضبط و عرض عليا حاجات مختلفة
سألت فى التوكيل قالى ملهاش جنوط اسبور اصلى
دورت لاقيت اقرب عربية هى سكودا فانتازيا و ال a5
الفرق ان جنوط البولو 195/55 و الفاتنازيا 195/ 65
هل ده ح يعمل مشكلة و لا ممكن الارتفاع الاكبر يكون ميزة فى تقليل الاحساس بالطريق

المشاركة الأصلية كتبت بواسطة معتز محمد

السلام عليكم
دى اول مرة اعمل رسالة على المنتدى
و سعيد ان فى صفحى لمالكى البولو السيدان
سؤال سريع
انا عايز اغير الجنوط الحديد لجنوط سبور
سألت فى السوق قالى مفيش نفس المقاس بالضبط و عرض عليا حاجات مختلفة
سألت فى التوكيل قالى ملهاش جنوط اسبور اصلى
دورت لاقيت اقرب عربية هى سكودا فانتازيا و ال a5
الفرق ان جنوط البولو 195/55 و الفاتنازيا 195/ 65
هل ده ح يعمل مشكلة و لا ممكن الارتفاع الاكبر يكون ميزة فى تقليل الاحساس بالطريق

مبدئيا استاذ معتز الجنط بتاع سكودا اوكتافيا a5 مش حيركب لان ابعاد المسامير بتاعته 114 وانت ابعاد البولو 100
اللي ينفع يركب بتاع اسكودا اوكتافيا a4 او فابيا او جولف 4 المهم انه يكون جنط 15 خمسة خرم ابعاد 100 اللي هي اضيق مقاس تقريبا
ونصيحة مني متركبش جنط اكبر ولا كاوتش اكبر من اللي مكتوب على غطا تنك البنزين عشان عفشة العربية حتبوظ بسرعة عشان وزن الجنط الزيادة والكاوتش والهوا الزيادة كل ده حمل على كبالن العربية مش معمول حسابه من اللي صنعها وبعدين هي العربية اصلا عالية مش محتاجة تعلى اكتر من كده

انا اصلا بدور على جنوط فولكس اصلي مقاس 15 لو لقيت حاجة ابقي اكتبها في الموضوع

شكرا استاذ وسام على المعلومة
انا برضو اخدت رأى الراجل اللى بظبوط زوايا عنده
قالى خلينى فى الجنوط الحديد