ايهما افضل - مروحة على السير - ولا - مروحة كهرباء

امس العربيه سخنت وفتحت الكبوت لقيت المياه بتغلى وبتعمل صوت فى القربه
استنيت شويه
وزودت مياه
طبعا لفت نظرى ان المروحة مش شغاله
هزيت السلم لقيتها اشتغلت
شديت طرف لقيته مصدى
نظفته وركبته والحمد لله الدنيا اتظبطت

من قبل من مده سابقه كان فى تجربة مع الموتور بتاع المروحة وانه احتاج شربون

حاليا بفكر اركب المروحة على سير الدينمو
وطبعا هحتاج اغير الطنبورة باصغر
واشترى مروحة

مش عارف نوعها تقريبا بتكون اكبر وعدد الريش اكثر غالبا بتاعه الشاهين


السؤال
ايهما افضل

؟؟

ارجو الاجابة علشان اغير ولا اسيبها زى ما هيى

؟؟

المروحة على سير الدينامو أريح من الكهربا و مشاكل توقفها المفاجئ
بس هتخلى العربية تستهلك بنزين أكتر, خاصة فى الشتاء لإن المكنه بتستهلك بنزين أقل لما توصل لدرجة حرارتها الطبيعية (90 درجة تقريباً)
و ده بيكون أسرع مع المروحة الكهربا فى حين المروحة عالطنبورة بيكون التبريد بمجرد التشغيل , فالوصول لدرجة الحرارة الطبيعية بيكون فى فترة أطول
(ده طبعاً بخلاف السحب الأقل و أحياناً التقطيع و ....)

إنما الكهربا مبتشتغلش غير لما المكنه تحتاجه تشتغل و بالقدر المطلوب

و إنت عارف اللادا مش محتاجه توصية عالبرجلة و التقطيع

طبعا مروحه سير افضل
بتغيرها ببتاعت ميكروباص تويوتا 6 ريشه
فعلا مشكلتها في الشتاء كانت بتخلي الشاهين تلاجه
لكن
اريح من وجع الدماغ والسخونه بتاعت المروحه الكهرباء
المروحه الكهرباء كانت بتعمل هبوط في الموتور بطريقه غريبه

اقتباس:

---

المشاركة الأصلية كتبت بواسطة zing0

المروحة على سير الدينامو أريح من الكهربا و مشاكل توقفها المفاجئ
بس هتخلى العربية تستهلك بنزين أكتر, خاصة فى الشتاء لإن المكنه بتستهلك بنزين أقل لما توصل لدرجة حرارتها الطبيعية (90 درجة تقريباً)
و ده بيكون أسرع مع المروحة الكهربا فى حين المروحة عالطنبورة بيكون التبريد بمجرد التشغيل , فالوصول لدرجة الحرارة الطبيعية بيكون فى فترة أطول
(ده طبعاً بخلاف السحب الأقل و أحياناً التقطيع و ....)

إنما الكهربا مبتشتغلش غير لما المكنه تحتاجه تشتغل و بالقدر المطلوب

و إنت عارف اللادا مش محتاجه توصية عالبرجلة و التقطيع

---

انا فكرت فيها علشان ابعد عن مشاكل المروحة الكهرباء
و التقطيع ده العادى هو و البرجلة وكل اللى معاهم لادا متعودين على كده
ههههههههه
انا شفتهم فى اسيوط فى الشتاء بتوع التاكسي بيحطوا كرتونه امام الرداتير تقلل الهواء

اقتباس:

---

المشاركة الأصلية كتبت بواسطة hugan

طبعا مروحه سير افضل
بتغيرها ببتاعت ميكروباص تويوتا 6 ريشه
فعلا مشكلتها في الشتاء كانت بتخلي الشاهين تلاجه
لكن
اريح من وجع الدماغ والسخونه بتاعت المروحه الكهرباء
المروحه الكهرباء كانت بتعمل هبوط في الموتور بطريقه غريبه

---

هبقي اسال على موضوع مروحة المكروباص


فى الصيف وفى الاشارات والزحمة مروحة السير بتادى الغرض ولا بتبقي مشكلة
علشان فى الزحمة والاشارات بيكون عدد لفات الموتور قليل
وبالتالى سرعة المروحة قليل
؟

معلشي
كمان سؤال
الطنبورة الاصغر
هل بيتغير معها السير بمقاس جديد ولا نفس السير بيتشد عليه

انا معايا 3 تاكسيات لادا ومشغلهم كلهم علي سير بس هي هتعمل صوت وهتخلي العربيه تسخن بصعزبه بس بردوه احسن

بصراحه انا كان ليا تجربه مختلفه مع موضوع المروحة:
انا عندى الادا المكيفه فطبعا موضوع المروحه على الطمبوره مستحيل لان المكان ضيق جدا والريداتير الومنيوم عشان رفيع وادامه السربنتينه.
انا جبت مروحة تكيف اكسنت ٨ ريشه ب٥٠ جنيه من بورسعيد بس طبعا فكيت الريداتير وخدته معايا عشان اقيس وشغلتها على السرعه العاليه بس وغيرت السلوك باتخن والحمد لله ماشيه معايا زى الفل والتكيف فى الزحمه ماشاء الله ولا سخونه ولا حاجه الا لو الجو حر جدا وزحمه قوى ومشغل التكيف فممكن تسخن شويه وقبل كده طبعا لغيت خرطوم المايه اللى طالع من الموتور على الصالون

اقتباس:

---

المشاركة الأصلية كتبت بواسطة ahmscu

بصراحه انا كان ليا تجربه مختلفه مع موضوع المروحة:
انا عندى الادا المكيفه فطبعا موضوع المروحه على الطمبوره مستحيل لان المكان ضيق جدا والريداتير الومنيوم عشان رفيع وادامه السربنتينه.
انا جبت مروحة تكيف اكسنت ٨ ريشه ب٥٠ جنيه من بورسعيد بس طبعا فكيت الريداتير وخدته معايا عشان اقيس وشغلتها على السرعه العاليه بس وغيرت السلوك باتخن والحمد لله ماشيه معايا زى الفل والتكيف فى الزحمه ماشاء الله ولا سخونه ولا حاجه الا لو الجو حر جدا وزحمه قوى ومشغل التكيف فممكن تسخن شويه وقبل كده طبعا لغيت خرطوم المايه اللى طالع من الموتور على الصالون

---

حضرتك
مروحة تكييف الاكسنت
هل هى الوحيده اللى مركبها عندك
ولا مركب 2 مروحة كهرباء

كمان هو حضرتك بتتكلم على مروحة الاكسنت ب50 جنيه
مروحة + موتور + قفص
ولا ايه بالضبط

معلش
رجاء التفاصيل ولو اضفت الصور يبقي افضل

شكرا لحضرتك

هما فعلا مروحتين،واحده ادام السربنتينه بتاعة التكيف ورا الشبكه ودى زي بتاعة تكيف الانوس بس واحده مش اتنين وهى يابانى و التانيه على الريداتير ودى الاساسيه طبعا والاكبر والاتنين بيشتغلوا ويفصلوا مع بعض.
ايوه حضرتك مروحه كامله اطش بالموتور والقفص و ٨ ريشه وسرعتين كمان ب ٥٠ جنيه وعلى التجربه كمان بس بعدها بتروح لاى حداد بيعملك ٤ او ٥ قطع حديد صغيرين ب ١٠ جنيه عشان تثبت المروحه فى الريداتير وممكن تتفك تانى عادى فى اى وقت.
هحاول انزلكم الصور ان شاء الله قريب