الموضوع: عربية في حدود 95000

المشاركة الأصلية كتبت بواسطة atuarus

بالنسبة للأخ monamize4 أنا فعلا أغلب حالات الجولف متبهدلة لأن الي بيشتريها شبابا و بيبهدلها أنا فعلا فكرت في السيفك بس خايف من مصاريفها


أنا بس عايز حد يطمني من الكروز لأن هي عاجباني قوي بس خايف منها بسبب الفتيس ازا مش كده حترسى على الشارك

بالنسبة للبومة و اللأوبترا و الحاجات ده أنا بعتبرها شهرة على الفاضي بس و هي مش تستاهل حاجة

فتيس الكروز القديم كان فيه مشاكل و باظ من كذا واحد و هتلاقى ف المنتدى هنا موضوعات كتير عن مشاكله

الشارك والسفيك ممتازين طبعا و ملهومش مشاكل كبيرة و بص كمان معاهم على المازدا اعتقد انها هتعجبك

و ماتنساش تسأل بنفسك عن توافر قطع الغيار و اسعارها ف المحافظة اللى انت ساكن فيها

مبروك مقدما ,,

المشاركة الأصلية كتبت بواسطة atuarus

الله يبارك فيك بس قصدك ايه موديلات قديمة من الكروز ؟؟


بالنسبة للمازدا فمستحيل لأني يمكن مشفتش منها غير 3 أربعة و سعارها أكيد حيعدي


بالنسبة للهوندا 2007 ولا 2008 لأن 2007 شكلها غير الي معروف

الكروز قبل ما ينزل الفيس ليفت منها بفتيس الاسترا ,, كانت بتنزل بفتيس تانى و كان فيه مشاكل
الفيس ليفت اعتقد نزلت ف اواخر 2012 (موديلات 2013) و انت طالع و طبعا مش كل الكروز اللى
قبل الفيس ليفت فتيسها باظ ,, لكن ليه تحط نفسك ف مخاطرة مش مستاهلة


المازدا سعرها مش معدى و لا حاجة ,,
المبلغ اللى معاك يشترى موديل 2008-2009 هاى لاين بحالة فوق الممتازة و يزيد معاك
مبلغ كمان ,, اما لو بتتكلم عن شكل 2010 و انت طالع فا دا اعلى من المبلغ اللى معاك
لو عجباك ,,يبقى اتاكد ان قطع غيارها موجوده ف محافظتك


بالنسبة للسيفيك ,,
موديل 2007 هو نفسه 2008 و دول يفرقوا عن موديلات lxi اللى نزلت بعد كدا اللى اتغير فيها
شكل الكاسيت و الاكصدام و الشبكة و الفرامل الخلفية بقت ديسكات و اعتقد حجم الجنوط
لكن كلهم نفس الموتور و الفتيس و المبلغ اللى معاك يجيب 2007

المشاركة الأصلية كتبت بواسطة atuarus

المازدة حلوة مفيش كلام بس مشكلتها ضيقة

ان شاء الله ياشارك يا مازدا
لو بس الحكومة ال**** تعلي سعة المحرك من 1600 الى 2000 حتبى فيه خيارات واسعة جدا

سواء المازدا او الشارك ,, ال2 ممتازين و ثباتهم كويس

المازدا فعلا ضيقة من ورا و لو طريقك مليان مطبات يبقى بلاش مازدا اصلا
لانها واطيه اوى و بتحك ف المطبات عكس الشارك اللى بتدخل بيها ع المطب و انت مطمن

المشاركة الأصلية كتبت بواسطة atuarus

شكرا لك أنا تعبتك معلش بس في حاجة بسمعها ان اللانسر ماتورها ضعيف 1500

مفيش اى تعب و لا حاجة ياباشا ,,
زى ما قال الاخ الفاضل قبلى ان الشارك كانت بتنزل ف الاول 1500
و بعد كدا بقت تنزل 1600لحد دلؤقتى ,, بس انت تقصد ايه بأن الموتور ضعيف ؟
يعنى مش قادر يشيل وزن العربية ولا تقصد انه سحبه اقل من عربيات تانيه
عموما هو مش الافتراض الاول سواء ف الموتور 1500 و لا ال 1600