اشتريت شيري كيو كيو ومش عارف اعملها ايه

**أبو عبيدة** · 18-10-2014 09:13 AM

السلام عليكم و رحمة الله ،،

يا سادة ،،

بفضل الله اشتريت اول سيارة بحياتي وهي شيري كيو كيو 2005 ..

طبعا اشتريتها مستعملة من وااحد ..

بس مش عارف اعمل فيها ايه اول ما استلمهاا ..

السيارة بقى لها واقفة فترة ومحدش بستخدمهااا ..

فايش اللي لازم اعمله ليها تول حاااجة ??? ابدل زيت ? احط فيها مي مبرد ???

وايش كمااااان ?? يا ربت تخبروني كل حااجة لاني اول مرة بتعامل مع السيارات .. ومش عارف ايش الصيانة الدورية اللازمة للسيارة ..

وامبارح طلعت فيها مشوار قصير .. لقيت الحرارة مرتفعة .. والمحرك صار يطلع دخاان.. اعمل ايه عشان قصة الحرارة دي ??

**makarther** · 18-10-2014 09:35 AM

1 روح التوكيل إكشف على العربية قبلها إفتح غطا الردياتير لو المياه ناقصة زودها بمياه تبريد من البنزينة
التوكيل حيقولك اللى محتاج تعمله
و الله المستعان

**shiko85** · 18-10-2014 01:45 PM

وعليكم السلام ورحمة الله وبركاته
الف مبروك وربنا يعطيك خيرها و يكفيك شرها
بعد شراء سياره مستعمله يتم عمل صيانه كامله تشمل تغير الزيوت - تغير تيل الفرامل - الكشف على العفشه و التأكد من سلامه اجزاءها - تغير البوجيهات - تغير مياه دوره التبريد (الريدياتير) - الكشف على البطاريه و الكاوتش و تغيرهم فحاله عدم كفاءتهم
# مشكله الحراره
تأكد من وجود مياه فالريدياتير
تأكد ان مروحه التبريد تعمل

**abomariam** · 19-10-2014 01:09 AM

الف الف مبروووووووك

ربنا يرزقك خيرها و يكفيك شرها

خللى بالك
* اول ما الحرارة تعلى جامد او لمبة الحرارة تنور اركن على جنب و بطل العربية وافتح الكبوت و سيبها تهدى وبعد كده دور على المشكلة
* غالبا مشكلتك سببها نقص مية التبريد او عطل فى المروحة او فيوز المروحة
* اوعى تفتح غطا قربة المية و العربية سخنة اﻻ وانت ﻻبس جوانتى سميك او فوطة كبيرة علشان ايدك ما تتحرقش ... غير كده استنى لما العربية تبرد شوية
* لو فتحت غطا القربة و لقيت المية ناقصة دور العربية و زود المية لغاية نص القربة بس ( بين علامة min و max ) و بعدين اقفل الغطا كويس

ربنا يبارك فيك و فى ال QQ